ORZON'S POV
“Nakita n'yo na bang dalawa kung anong nakalagay riyan sa envelope, Prof. Orzon at Prof. Rowan?” tanong ng dean sa amin dahilan upang mapalunok ako.
“Yes, Madam Dean,” sabay sagot naming dalawa ni Rowan.
“Mga estudyante ng Manila University iyang mga kasama ninyo. Anong masasabi n’yo riyan at kayong dalawang magkaibigan pa ang pinararatangan na may relasyon kayo sa kanila,” malumanay, pero alam kong nanenermon ang dean na ito.
“Um, Madam Dean. Alam naman po ng nakararami na anak–anakan ko ho si Elona. Ang mga gumagawa ng ganito ay ang mga taong inggit sa akin, sa amin ni Professor Rowan. Para sa akin naman po ay walang mali sa larawang ito dahil nasa party kami. Magtaka sila kung nandito kami sa campus tapos ganito ang nakita ng mga matang mapanghusga,” pahayag ni Rowan
