APPLE:
UMIIKOT ANG BUONG PALIGID KO. Para akong lumulutang sa mga sandaling ito. Hilong-hilo at parang namamanhid ang buong katawan. Sobrang gaan ng pakiramdam na para akong nakalutang! Sa umiikot kong paningin ay naulinagan ko pa ang pamilyar na pigurang patakbong lumapit sa gawi ko.
"Baby!? What's wrong!?" napapikit akong tuluyang bumagsak. Pero bago pa man ako tumama ng sahig ay kinabig ako ng maskuladong braso at sa kanya bumagsak ang nanghihinang katawan ko!
"I-ikaw" nanghihinang saad ko na makumpirmang siya nga ang lalakeng nakabundol sa aking iniwanan na lang ako basta kahit nakiusap at naghihingalo na ako sa mga oras na 'yon.
NAPAKUNOTNOO AKONG pinapakiramdaman ang paligid ko. Napakatahimik at lamig ng silid na kinaroroonan ko. Malambot at mainit ang kamang kinahihigaan ko. Un
