Binuksan ni Kristoff ang pintuan na kasama ang asawa sa tabi niya. Pagkabukas niya ay naroon sa kanilang bakuran ang limang taong nakatayo. Dalawang lalaki na nasa edad 40s at tatlong babaeng may edad na rin. Ang tatlong ale na nasa unahan ay may dalang tupperware habang ang dalawang lalaki ay may dalang mga bote ng alak. Natahimik si Kristoff sa di inaasahang mga di kilalang bisita na pumasok sa kanilang bakuran. Bakas sa mukha ng dalawa ang pagtataka.
"Magandang araw! Kumusta kapitbahay? Pasensya na at pumasok na kami na walang pahintulot.." ani ng ale na humahakbang pa papalapit sa bahay.
"Magandang araw din po.." bati ni Abby na may ngiti sa mga labi.
"Nagtataka siguro kayo. Kami ay mga kapitbahay ninyo. May dala kaming mga pagkain para pagsaluhan natin. Ito ay isang handog para sa
