"T-tita Nitz, Tita Cory, may sasabihin daw po si Jacob sa inyo." Kinakabahan pa si Fin. Hindi rin niya alam kung ano ang iisipin. Date ba ito? First time niyang makikipag-date officially.
"Ano 'yon, Hijo?" Ibinaba ni Cory ang librong binabasa saka tumingin sa binata. Nakaupo sila sa asotea.
"T-Tita, ipapaalam ko po sana kung pwede kaming mag-dinner ni Fin sa Sabado pagkatapos ng event namin sa school. Sa restaurant sa bayan lang naman po kami pupunta."
"Wala namang problema do'n. Mabuti nga at ipinag-papaalam mo ang pamangkin namin. Gentleman. Bihira na 'yan, hindi ba, Ate?" Nangingiti pa sa kilig ang tita Nitz niya.
"Salamat po. Ihahatid ko rin po ng maaga si Fin pagkatapos ng dinner."
"Magkatapatan na tayo, Hijo, ano? Prangkahan na. Ikaw ba'y lumiligaw sa dalaga namin?" Sinusuri ng
