Sa Somnium Dimension
Nakita ko ang anak ko. Ang ganda niya. Ang laki-laki na. Kahit saglit lang, nasilayan ko ang mukha niya. Masayang masaya si Alicia habang nagmumuni-muni sa nakita niyang mukha ng anak.
Napunta siya sa Somnium Dimension matapos siyang iligtas ng medalyon mula sa pabagsak na eroplanong sinasakyan. Papunta siya noon sa Maynila para magpatingin sa espesyalista dahil sa kanyang maselang pagbubuntis.
Hinimas ni Alicia ang kanyang mabilog na tiyan. Nagbunga ang kasinungalingan ng kanilang pagsasama. Nagkaroon siya ng amnesia ng mahabang panahon at naging mag-asawa sila ni Jeffer. Bumalik ang kanyang alala-ala pagkatapos ng aksidente. Bumubulusok ang eroplano pababa nang biglang magliwanag ang kanyang dibdib at nawalan siya ng malay. Pagmulat niya ng mata ay naalala niya an
