Irieth
NANATILI akong tahimik hanggang sa maubos ang pagkaing sinandok sa akin ni Keen. Nagsasalita lang ako kapag may tinatanong sa akin ang sino man sa pamilya nito. Especially, kapag ang mommy niya.
Hindi ko mapigilan ang humanga dahil sa likas nitong ganda, para siyang isang artista kahit na medyo may edad na. Bukod do'n ay napakabait pa. Gano'n din ang daddy ni Keen at ang kapatid nito. Maging ang Aunty niya ay laging nakangiti sa akin sa t'wing magtatagpo ang aming mga mata. Ang sabi ni Keen, ito raw ang mommy ni Coolin, na hindi nakarating ngayon dahil sa importante nitong inasikaso. School matter.
Napukaw ang aking atensyon nang may lumapit na isang babae at lalaki sa round table kung saan kami nakaupo ni Keen. Mukhang hindi nalalayo sa edad ng mommy at daddy nito ang age ng mg
