Lumipat kami ni Love sa condo ko, hindi naman dito kalayuan. Hindi kami inabot ng isang oras, dahil nga madaling-araw na. Kaagad nakatulog ang babae at ilang oras lang, nagising din ito kaagad at nagbihis, baka daw nag-aalala na ang kanyang ama.
“Ihahatid na kita.”
“No, Thanks. Susunduin daw ako ng brother in-law ko.”
Napasimangot ako, brother-in-law? Ayaw ko man isipin, pero parang na curious ako. Tsaka, bakit siya susunduin? Ang effort naman ng lalaking ‘yon.
“Bye, Geo! Kita na lang tayo sa mata.”
Paalam na sabi ng babae sa akin na hindi na ako nilingon pa, abala ito sa pakikipag chat sa magsusundo sa kanya.
Hanggang sa makalabas ito, hindi ako mapalagay kakaisip, kung sino ba ang brother in-law niya. Kung ano ba ang itsura, at kung may posibilidad na magkagustohan silang dalawa.
