Kabanata 12
Bite
ABOT HANGGANG langit ang pasasalamat ni Meos nang umuwi kaagad sila matapos ang tagpo sa pagitan ng mag-asawang Calvix. Akala niya ay magtatagal pa siya roon at makakasama si Darius. Hindi niya yata iyon makakaya't hindi niya nais na ito ang makasama niya. Ngunit, katulad sa pagpunta niya roon ay nakatulog na naman siya. Oo, pinatulog na naman siya ng magaling na bampira.
Napapaisip siya dahil doon. Ang katanungan na bakit siya pinapatulog ay nagpapagulo sa kaniyang isipan. May sekreto rin ba roon na hindi dapat niyang malaman? O, ayaw lang nito na magtaka pa siya dahil iba ang nadaanan nila gayong hindi ang daan na iyon ang alam niya sa Dark Village.
Malakas na napabuga siya ng hangin.
Ano pa ba ang mga sekreto na dapat niyang tuklasin? Maipapahamak kaya niya ang
