Ganadong kumakain si Flora habang si Clinton ay nakatingin lamang sa kaniya. Ngayon na lang ulit kumain ng magana si Flora dahil simula nang magkalabuan silang mag-asawa, nawalan talaga siya ng gana sa pagkain. Madalas nga siyang nalilipasan ng gutom. At natutuwa siyang nakakain ulit siya katulad ngayon ng magana at walang iniisip.
"Manong..."
"Hmm?"
Tumikhim siya bago matamis na ngumiti. "Salamat pala, ha? Salamat sa naging tulong mo sa akin. Itong pagsama mo sa akin dito, at pag-asikaso mo noong nagkasakit ako, malaking tulong iyon para sa akin. Alam mo bang ngayon na lang ulit ako kumain ng ganito karami? Kaya ako namayat ng husto dahil palagi akong nalilipasan ng gutom. Wala akong ganang kumain dahil stress na stress ako sa relasyon namin..." malungkot niyang sabi.
"Normal lang nam
