GABRIELLE's POV
"Matulog ka na muna. I'll wake you up when we're near."
Napabuntong hininga ako nang marinig ang sabi ni Kian, habang praning na praning pa ring pumipindot sa cellphone ko. Gustuhin ko mang ipikit ang mga mata, pakiramdam ko naman ay hindi kakayanin ng konsensya ko.
Alas siyete na kasi ng gabi kami nakalabas ni Kian ng amusement park dahil sa pagkawili sa mga food stalls at fair games. Ngayon naman ay mag-aalas nueve na at nakatigil kami sa gitna ng express way dahil sa walang usad na traffic. Iniwan ko si Courtney sa bahay nang walang bantay, kahit na pumunta doon si Gavin, 'e hindi ko naman alam kung hanggang ngayon ay nandoon pa rin siya. Ni-hindi ko man lang napaalam kay Courtney ang lakad ko, at hindi ko pa magawang magtext dahil wala ring signal sa pwesto ng kotse
