"Ma'am, nandito na po si Sir Tray."
Nagmadali siyang inilagay ang mga gamit niya sa shoulder bag niya saka lumabas ng opisina niya. Nakita niyang naniningin si Tray habang nagliligpit naman si Nympha.
"Nympha, tayo na." Aya niya rito. Isinasabay na niya si Nympha pauwi. Tutal naman ay nadadaanan naman nila ang kanto ng bahay nito.
Matapos maisarado ang shop ay sumakay na sila sa kotse ni Tray. "Tray, may balita na ba galing kay Andrei?" tanong niya sa asawa. Si Andrei ay isang detective na pinakiusapan nilang mag-asawa na hanapin ang kanyang niyang mga kamag-anak.
"Call him."
Kinuha niya ang phone nito sa dashboard at hinanap ang pangalan i Andrei. Ikatlong ring ay sinagot na nito.
"Boss?" Mukhang nabubugnot na tanong nito.
"Hmnnn.. Collins? Si ---"
"s**t! Mrs Henderson? Napatawag
