تانى يوم طول الوقت همس متوتره وعماله تفكر هتقوله ايه لحد ماخلصت الشغل ولقت ادهم اتصل بيها
أدهم : الو ايوا ياهمس خلصتى
همس : اه خلاص انت فين
أدهم : قدامى عشر دقايق واكون قدام الشركه
همس : تمام هستناك
أدهم قفل معاها وهو كمان عمال يفكر ياترى عايزاه ليه وصل أدهم واتصل بيها تنزلوا نزلت همس وركبت العربيه مع أدهم
همس : ازيك ياأدهم عامل ايه
أدهم بصلها كانت جميله قوى : الحمد لله كويس تحبى نروح فين
همس : اى مكان
أدهم طلع بالعربيه وراح للكافيه الى متعود يروحه نزل وفتحلها الباب نزلها ودخلوا الكافيه قعدوا وبصلها
أدهم : تشربى ايه
همس توترها بيزيد وقلبها عمال يدق : ولا حاجه
أدهم : ازاى يعنى لازم تشربى حاجه اجبلك ليمون يهد*كى
همس بصتله : يهدينى ليه مالى
أدهم ابتسم : انتى مش حاسه بنفسك متوترا ازاى
همس بصت لبعيد وحاولت تهدى ض*بات قلبها أدهم طلبلها الليمون وطلب ليه قهوه شرب الليمو
