عشق الأدهم

البارت الخامس ?

لفوا الاتنين لقوا شريف واقف وراهم وبيبصلهم بغيظ . اياد بص لامه وبضحكه مكتومه بيوشوشها

:وقعتى مع الى مابيرحمش (وعلا صوته ) حبيبى يابوب والله كنت لسه هقولها وماله بابا ماهو لسه زى القمر زى زمان .

راح وقف جنبه وباس ايده لاقي قلم نازل على قفاه بص لابوه بسرعه :ليه كده يابوب طيب .

شريف بغضب مزيف رسمه على وشه

:ايه بوب دى ياولد وبعدين ماتحولش توقع بينى وبين مامتك مش هتعرف انا مش عارف انت طالع لمين

اياد رد عليه بسرعه :ليك طبعا (وجرى استخبى ورا ناديه)

ناديه قربت وشوشته بمكر

:بقى انت عايز توقع بينا ماشى ياايدو ( وعلت صوتها) عيب كده يااياد حد يكلم باباه كده .

اياد مسك اديها بسرعه يحاول يرضيها

:خلاص وحياتي متشعليله عليا دى ايده جامده قوى . خلاص يابابا انا اسف ياغالى حقك عليا .

ضحك شريف وقربت منه ناديه وخدها فى حضنه بصلهم اياد قوى بصدمه :انتوا بتشتغلونى صح .

الاتنين فى صوت واحد :اه

اياد بغيظ منهم:ماشى الاقيها منكم ولا من منه هتجننونى حرام عليكم .

(ولسه هيكمل لاقها بتتصل ) هى بتيجى على السيره ولا ايه (وفتح الخط ) حبيبى

وفجاه سكت شويه وكمل مالك يامنه انتي معيطه ليه

ناديه راحت عليه بخضه :مالها منه؟حنين كويسه !!!

اياد شاورلها تستني يفهم منها .

اياد لمنه وهو بيحاول يهديها

:طيب ممكن تهدى وهى عامله ايه يعني .

سكت يسمعها وناديه جنبه هتجنن عايزه تعرف فى ايه

اياد لمنه :ماشي ياقلبى اهدى كده وخليكى جنبها هى بتحبك وبعدين محدش هيخرجها من الى هى فيه الا انتى

(سكت يسمعها ) خلاص اشوفك بكره فى الكليه سلام

وقفل الخط بص لناديه كانت واقفه هتفرقع منه

ناديه بزعيق:فى ايه ماتقول انتى هتشلينى .

اياد بزعل :همس اطلاقت !!

ناديه بشهقه :ياحبيبتي ياهمس ليه كده ايه الى حصل

اياد :مش عارف تفاصيل .

شريف :طيب هى عامله ايه

اياد :منه بتقول عامله نفسها كويسه قدمهم لكن هى حسه بيها وبوجعها على نفسها وعيالها .

شريف :ربنا يعوض عليها باحسن منه انا صحيح ماشفتهاش كتير بس باين انها اخلاق وجمال يعنى ربنا هيعوضها

ناديه :اه ياشريف والله مافيش فى ادبها ولا رقيقتها ياحبيبتى لما كانت تجيب الولاد النادى وتقعد معانا انا وحنين ومنه مكنتش بسمع صوتها اكيد عمل فيها حاجه كبيره دى كانت مستحمله منه كتير

اياد :منه بتقولى هيجوز

ناديه :الواطى بعد ماستحملت ظروفه فى الاول ومعملتوا ليها دا جزاها اول ماربنا فتحها عليه يطلقها

شريف :وانتى عرفتى منين الكلام ده .

ناديه :من حنين اختها كانت حكتلى عنها وانها اجوزت علشان ترضى مامتها

شريف :هو لسه فى بنات كده يالا ربنا يعوض عليها

اياد وناديه مع بعض :اللهم امين

اياد بصلهم قوى : المهم انا جعاااان .

ناديه بصتله بغيظ :صبرني يارب ورمت فى وشه الفوطه الى فى ايديها بقالها ساعه ودخلت المطبخ تانى .

اياد :مش عارف ليه حاسس انى لقيط .

شريف وهو سايبه وداخل اوضه: عرفتها لوحدك دى داحنا كنا مخبين عليك .

اياد :ماشى والله لانا داخل اكل يالا بقى .

ودخل المطبخ يدور على اكل لقى ناديه صوتت جرى على اوضه تانى واتصل بمنه يرغى معاها ويعرف تفاصيل الى حصل

_____________________

بعد يومين عند لورا

لورا لبابها شوقى : بابا انا قولت لمحمد يجى النهارده علشان نتفق على كل حاجه

شوقى وهو بيبصلها ورافع حاجبه : يعنى انتى ملقتيش واحد اغنى من محمد بتاعك ده تتجوزيه كان ماله شاكر الحلو راجل غنى ومش عارف يودى فلوسه فين

لورا بنفخ: شاكر حلو مين بس يابابا دا لا منظر ولاشكل وبعدين متجوز ٣وعايزنى اجبلوا الولد وغير كده عرفت انه بخيل قوى اخدوا اعمل بيه ايه ده

شوقى بصلها باستهزاء: وهو يعنى محمد بتاعك ده الى مش هيبقى بخيل معاكى.

لورا بابتسامة ثقه

: لا طبعا دا زى الخاتم فى صباعى قولتوا هطلق مراتك طلاقها قولتلوا مافيش شقق ليها سمع كلامى وبكره كل فلوسه تبقى ليا وبعدين هو كل الى محتاجه شويه دلع مكانش لقيهم مع السنكوحه مراته وممكن اخليه بالدلع يبيع الدنيا كلها علشانى واصلا بخيل ازاى وانا على طول بسحب منه بالالفات ولا انت مش شايف كنا فين وبقينا فين .

شوقى وهو قايم يشرب كاس :طيب ياختى اهم حاجه القى حد يصرف عليا .

لورا بعصبيه :انت مش هتبطل تشرب الزفت ده

شوقى وبدء يسكر : لا ياختى مش هبطل و مش عايز وجع دماغ انا مصدقت امك ماتت وخلصت منها ومن ارفها .

لورا بقهرا لما افتكرت امها

: ماهى ماتت من الغلب الى شافته معاك كنت مشغلها علشان تشرب الزفت ده ومستخسر فيها العلاج لحد مجلها فشل كلوى وسابتهالك سابتلك الدنيا كلها وسابتنى لغلبك .

شوقى بسكر تام :بت بقولك ايه مطيريش الكاسين من دماغى بادل مااطيرلك عريس الغفله بتاعك .

لورا بسرعه :لا خلاص بس ابوس ايدك بلاش بكره تشرب والبس البدله الى جبتهالك انا بقالى سنه باخد منوا فلوس علشان اشترى الشقه دى وأظهر ادامه زى مانا مفهماه .

شوقى وهو بيطوح :خلاص بقى غورى من وشى السعادى بزنك ده .

سابته لورا ودخلت اوضتها وهى بتكلم نفسها بخوف

: انا لازم اسرع الجواز قبل مايبوزها انا استحاله هفضل عايشه ومستحمله الغلب ده معاه انا لازم ابقى غنيه وغنيه قوى إن شالله على حساب اى حد !!اى حد

*****************

محمد تانى يوم راح لورا وقابل ابوها الى ظهر قدامه انه فعلا انسان محترم وتقى .

شوقى بهدوء :اتفضل يابنى اهلا وسهلا .

محمد :اهلا بيك ياعمى .

لورا وقفت قصاده وبصتله بدلال :تشرب ايه يامحمد

محمد بابتسامه :ولا حاجه متتعبيش نفسك .

شوقى :ازاى لازم تشرب حاجه وبص لورا اعمليللنا اتنين قهوه

لورا :حاضر ثانيه واحده .

شوقى لمحمد :انا بنتى حكتلى على كل حاجه ولولا انها بتحبك انا مكنتش وفقت على الجوازه دى ابدا

محمد بسرعه :وانا والله بحبها جدا والى هيا عايزاه هعمله

شوقى بتكبر :- وده عشمى فيك انك تخلى بالك منها ومتحرمهاش من حاجه انا طول عمرى معيشها فى مستوى راقى ومينفعش بعد ماتتجوز تتبهدل .

محمد بصله قوى وابتسم :- متخفش ياعمى لورا فى عنيا وطلبتها اوامر .

دخلت لورا بالقهوه : اتفضلوا

اخد محمد منها القهوه وبس لشوقى

:انا بقول نتجوز كمان يومين وكل حاجه اصلا جاهزه يغنى مش محتاجين نستنى .

شوقى :انت مستعجل قوى كده ليه ماهى لازم برده تشوف الى ناقصها .

لورا بسرعه : انا مش ناقصنى الى شويه لبس بس

محمد :خلاص بكره هخدك وننزل نشترى الى انتى عايزاه

شوقى :امرى لله يالا على خيرت الله

وفعلا فى خلال يومين خلصوا كل حاجه وكانوا متجوزين وبدأت حياته مع لورا .

__________________________

بعد مرور شهر

كانت همس بدات نفسيتها تتحسن كتير وحتى الاولاد معادوش بيسالوا على باباهم زى الاول وده لانه من ساعت ماتجوز مافكرش حتى يسال عليهم ومصارفهم بيبعتها بالبريد ودى كانت فكره لورا علشان يبقى معاه وصل بالفلوس دى الى هتموت وتخليه يمنعها

نزلت همس كالعاده توصل حور المدرسه قابلت صاحبتها نرمين بتوصل ابنها زين اكبر من حور ب٣سنين واصحاب جدا

نرمين اخدتها فى حضنها :همس حبيبتي وحشتينى فينك يابنتى مابقتيش تسالى يعنى .

همس :نيرو حبيبتى متزعليش منى والله كان عندى ظروف

نرمين :خير ياحبيبتي.

همس بصت على حور :بعدين يانرمين

نرمين لزين وحور :يالا يازين خد حور وادخل وديها فصلها وروح فصلك

زين:حاضر ياماما

مسك حور من ايديها ودخل المدرسه

نرمين لهمس :وراكى حاجه

همس: لا

نرمين :طيب تعالى نروح اى كافيه

همس: تمام يالا

بعد ماوصلوا الكافيه

نرمين :ها ياستى احكيلى مالك انتى فى مشاكل مع محمد

همس بصتلها بحزن : انا اطلاقت!!!

نرمين بشهقه:اطلاقتى ليه وامتى وايه الى حصل وصلك لكده

همس :اهدى يانرمين ووطى صوتك الناس بتبص علينا

نرمين بزعل:كده ياهمس ابقى اخر واحده اعرف اخس عليكى

همس بتنهيده :والله يابنتى انا ماكنتش عارفه افكر انا حتى حنين ماكلمتهاش الا لما كان جاى يطلق

نرمين :طيب ايه الى حصل

همس :هحكيلك

وحكتلها كل حاجه من اول ماكتشفت انه على علاقه بواحده لحد مااطلاقت

نرمين :بنى ادم زباله ربنا ينتقم منه والولاد عاملين ايه مسالش عليهم خالص من يومها .

همس ابتسمت بوجع :لا ولا مره من يوم مااتجوز انا مش عارفه كان فين عقلى لما وفقت عليه كان لازم اسيبه ايام الخطوبه بس هقول ايه الحمد لله نصيب واهو رزقنى بحور وادم علشان يعوضونى

نرمين :وتعملى ايه دلوقت

همس :ولا حاجه بعت كل الحاجه بتعتى والشبكه وعلى فلوس مأخرى عملتهم وديعه والى بيجى منهم على النفقه بصرف على العيال واهى ماشيه

نرمين : انا مقصدش فلوس هتعيشى كده وانتى لسه صغيره

همس : اه يانرمين هعيش لولادى معنديش استعداد ابقي تحت رحمه راجل تانى

نرمين :ياهمس ياحبيبتى مش يمكن تلاقى الى

قاطعتها همس:مش عايزه كفايه تجربه واحده بالله عليكى قفلى على الموضوع ده المهم انتي عامله ايه وعادل عامل ايه

نرمين اتن*دت بزعل على صحبتها :الحمد لله

وكملوا رغى مع بعض لحد معاد طلوع الاولاد من المدرسه اخدوهم وروحوا

__________________________

روحت همس بحور واول مادخلت كانت مامتها وقفه مستنيها

هناء بخوف باين عليها :كنتى فين يابنتى قلقتينى عليكى .

همس قربت منها تهديها :ابدا ياحبيبتى قابلت نرمين وكانت زعلانه منى روحنا كافيه جنب المدرسه وفضلنا نرغى لحد معاد الاولاد مالك بس قلقانه ليه

هناء:ابدا ياحبيبتى مقلقش عليكى يعنى المهم عندى ليكى مفاجاه

همس:خير ياماما

وفجاه لقت الى شالها وفضل يلف بيها من ضهرها لفتله بعد مانزلها والمفاجاه صدمتها

همس بصوت عالى : اسر حبيبى (وحضنتوا ودموعها نزلت) وحشتنى قوى قوى يااسر كنت محتجالك قوى

وفضلت تعيط لدرجه وجعت قلب اسر ودموعه نزلت

اسر وهو بيهديها :انا اسف والله من ساعت ماما ما قالتى وانا هتجنن وانزل بس اعمل ايه الحيوان صاحب الشركه كان رافض بس اول ماجت فرصه خلعت منه

خرجت من حضن اخوها وبصتله :المهم عامل ايه واخبار شغلك ايه

اسر :الحمد لله اهى ماشيه

جريت عليه حور :خالوا حبيبى عامل ايه

اسر حضنها قوى :حور القمر وحشانى ياعمرى

حور :وانت كمان ياخالوا

اسر:وانتى كمان ياروح خالو ادم فين

ادم كان يادوب لسه صاحى وطالع من الاوضه لقى خالو الى ماشافوش الى فيديوا

ادم :خايو بيبى

اسر ضحك على كلامه :ادومه والله انت الى حبيبى وحشتنى قوى

ادم :وانت مان حشتنى قوى انت سافى تانى خايو

اسر مش فاهم حاجه بص لهناء : هو بيقول ايه انا مش فاهم حاجه

هناء بدموع : بيقولك لسه هتسافر تانى يااسر

راح عليها اسر وباس ايديها :ماهى دى المفاجاه ياست الكل

همس :خير ياحبيبى مفاجات ايه

اسر :واحد صاحب شركه برمجه عندنا فى دبى فتح فرع هنا وعايزنى امسكه علشان مش هينفع يسيب البلد هناك يعنى هفضل هنا ياست الكل

هناء بفرحه :بجد يااسر هتفضل معانا

اسر بضحكه :بجد ياقلب اسر

همس :والله دى احلى مفاجاه تستاهل حفله حلوه ونجيب البت منه وحنين وفارس معانا

اسر:صحيح البت منه ام ل**نين عامله ايه كبرت ولا لسه

همس:دى بقت قمر وهتتخطب قريب

اسر بضحك:كمان لا دانا ف*نى كتير بقى

همس بضحك:يووووه فاتك كتير قوى

اسر وافتكر الى حصل لاخته : المهم الحيوان عمل معاكى ايه فى غيابى

همس برقت بعنيها على حور وادم اسر اخد باله وقالها: لينا قعده مع بعض

همس :تمام مش وقته

_____________________