البارت السادس ?

1641 Words

همس جهزت حفله صغيره على قدهم وكلمت اختها الى طارت من الفرحه برجوع اخوها هو صحيح اصغر منها بعشر سنين واكبر من همس بست سنين بس بيعتبروا ابنهم وباليل اتجمعوا كلهم فى جو عائلى جميل حنين لاسر : والله زمان ياسر وحشتنا قوى ياحبيبى فارس :اه والله الواحد كان مفتقدك قوى اسر بضحك:ادينى قاعد على قلبكم ومعندش هسافر تانى منه :والله ياخالوا انا فرحت قوى انك مش هتسافر تانى اسر :مانا اول مالقيت فرصه مترددش ثانيه همس بضحك :ايو ياعم ومش اى فرصه دانت بقيت ماسك شركه بحالها يعنى مش اى حاجه اسر بيمثل الصدمه :ياساتر يارب انتى بتقرى ياهمس ولا ايه ااااه قلبى همس بضحك :لا ياحبيبى انا بحسد بس هناء :الحمد لله ربنا يوفقك يارب يابنى كلهم وراها :امين يارب بعد مافضلوا وقت طويل مع بعض ضحك وهزار واسر محاولش يفتح موضوع همس لما شافها مبسوطه وبعد ماحنين وجوزها وبنتها مشيوا وهمس نيمت العيال طلعت لقت اسر مستنيها اسر:تعالى ياهمس عايز اتكلم معاكي همس جت جنبه :انا عارفه انت عايز تعرف الى حصل هحكليلك ولو انى تعبت ونفسي معنتش اتكلم عليه تانى بس هحكليك وحكتله الحكايه من الاول للاخر اسر ساكت تماما والنار قايده جواه واستنى لما خلصت وقالها: يعنى حتى عياله مبيسالش عليهم للدرجادى بايع الزباله ده عمرى ماحبيته منه لله همس:لا ياسر حتى هما معادوش بيسالوا عليه نسيوه او زهقوا من كتر مابيسالوا مش عارفه والله يااسر بس الحمد لله انا راضيه بنصيبى اسر: ونعمه بالله انا مش عايزك تزعلي ربنا ليه حكمه فى كل حاجه ويعالم حكمته من طلاقك ايه همس :كلو خير يااسر المهم مش هفرح بيك بقى اسر بضحكتوا الى بتبين غمازاته وبتزود وسامته :مش لما الاقى الى تسرق قلبي من غير ماحس همس :هتلاقيها انشاء الله قريب اسر :ادعيلى ياهموسه همس رافعت ايديها للسما :يارب ياسر يابن هناء تتخبط فى الى تسرق قلبك من نظره وطير النوم من عينك وتجرى تقولها الحقينى واتجوزينى قبل مااتجنن اسر بصوت عالى:ايه انتى بتدعيلى ولا بتدعى عليا همس بضحكه:بدعيلك طبعا سابها وقام وهو ماشى حدف عليها مخده جت فى وشها قامت جاريه وراه ________________ اسر بدء شغله فى الشركه وبدء يختار الموظفين الى محتاجلهم عمل افتتاح للشركه صاحب الشركه نزل يوم الافتتاح حضر الحفله وسافر تانى الحفله كان فيها كل اهل اسر وكانوا مبسوطين قوى همس راحت لاسر :بقولك ياسر اسر :خير ياحبيبتى همس :ماتشغلنى معاك انت عارف انى بحب المجال ده قوى اسر بتفكير : طيب والاولاد ياهمس هتعملى معاهم ايه همس :اهى ماما معاهم والشغل هيبقى الصبح وباقى اليوم هبقى معاهم اسر :خلاص ياحبيبتى ادينى بس كام شهر اضبط الامور هنا واهو تكون حور خالصت السنادى همس بفرحه :بجد ياسر اسر :بجد ياهموسه تعالى بقى اما نشوف الناس دى همس :يالا ____________________ فات ست شهور كانت فيهم همس مبتعملش حاجه غير اهتمامها بعيالها ومامتها واخوها اما عند حنين كانت منه بتذاكر ليل نهار علشان تنجح وتجيب تقدير وتتخطب لاياد وده شرط مامتها علشان توافق هى وفارس وجه وقت النتيجه ******************** حنين دخلت لمنه تصحيها :منه يامنه اصحى بقي يابنتى مش هتروحى تشوفى النتيجه قامت منه مفزوعه :اااه النتيجه يالهوى النتيجه فين هدومى راحت فين تاااا**. حنين مهدأ لها : تا** !!! اهدى يابنتي فى ايه منه وبدأت تفوق :النتيجه ياماما اياد زامنوا مستنى على نار حنين بغيظ:يعنى كل الى همك اياد ماشى يامنه جريت عليها منه :حبيبتى ياماما ازاى يعنى دانتى عمرى كله ونفسى افرحك والله ربنا يعلم حضنتها حنين:عارفه ياقلبى انا بس بنغشك ربنا يسعدك واشوفك احلى عروسه منه:يارب ياماما انا هنزل بقى وهطمنك حنين :ماشى ياقلبى ربنا ينجحك انشاء الله نزلت منه جرى على الكليه كان اياد مستنيها وخايف يدخل يشوف النتيجه بتعتهم الا لما منه تجيله اول لما شافها جرى عليها اياد بعصبيه :اتاخرتى ليه منه:معلش والله راحت عليا نومه اياد: وجالك نفس تنامى ياقلبك دانا منمتش من امبارح وهموت اعرف نتيجتك ايه قبل ناتيجتى منه :طيب يالا واقف ترغى ليه دخلوا يشوفوا نتيجه منه الاول راحت منه تشوفها وطلعت مبوزه اياد اول لما شافها قلبه وقع اياد : ايه مبوزه ليه ماجبتيش تقدير حلو منه:لا اياد : اومال فى ايه انطقى منه ووشها فى الارض :شلت ماده اياد وهو بيشد فى شعره:يالهووووووى يعنى ايه لسه هستنى سنه كمان لالالا انا خلاص جبت اخرى فجاه منه بصتله وماتت من الضحك على منظره بصلها اياد بص عين اياد: بتكذبى صح قولى انا بشتغلك منه بضحك :انا بشتغلك ههههههه نجحت بامتيااااااااز اياد بصلها وفضل ساكت شويه منه:اياد مالك انت موت ولا ايه ياحبيبى اياد:والله بدات اشك انك بتحبيبنى اصلا منه بطريقه طفوليه:خلاص ياايدو بهزر معاك والله اياد:ماشى يامنه اما اشوف اخرتها معاكى على العموم الف مب**ك منه بسربعه :طيب يالا بقى نروح نشوف نتيجتك انت كمان اياد:يالا ربنا يستر وراحو يشوفو النتيجه دخل اياد وخمس دقايق وطلع الفرحه مش سيعاه منه:هااه طمنى اياد:مش هعمل زيك علشان متهونيش عليا نجحت بجيد جدا منه بكبرياء :كل سنه اتفوق عليك (وبضحكه )الف مب**ك ياعمرى يالا بقى نروح نطمنهم اياد :يلا ياحبيبتى روحوا يطمنوا اهلهم الى الفرحه ماسعتهمش وخصوصا حنين الى دموعها نزلت من الفرحه حنين بدموع وهى حضنه منه:الف الف مب**ك ياقلب ماما منه :طيب بتعيطى ليه بس حنين:من الفرحه ياحبيبتى مش مصدقه نفسي بصراحه كنت خايفه اياد يشغلك وماتنجحيش بس الحمد لله منه بسعاده :ياحبيبتى اياد عمره ما عطلنى ابدا بالع** كان دايما يشجعنى ويحفزنى حنين:ربنا يهد*كم لبعض ويجعله خير ليكى منه ورافعه ايدها للسما بهيام :يارب ياماما حنين بضحك :والله مجنونه فارس دخل يجري من بره علشان بطمن منه عملت ايه فارس :طمنينى عملتى ايه منه بفرحه :نجحت بامتيااااااااز فارس حضنها وعيونه مليانه دموع :الف مب**ك ياحبيبتى انا كنت عارف انك هتجيبى امتياز منه بفخر:اومال ايه هو انا اى حد دانا بنت فارس باشا اكبر مهندس فى الدنيا حنين :ياسلام ياختى يعنى انا ماليش لازمه منه جريت عليها :دانتى القلب كله ياعمرى حنين : حبيبت قلبى وانتى بنتى الى طلعت بيها من الدنيا فارس بصلهم وسرح افتكر لما حنين كانت حامل فى اخر شهر فلاش باك حنين فى المستشفى وتعبانه جدا ولسه يادوب فى اول التاسع فارس راح للدكتور علشان يعرف حالتها فارس للدكتور :خير يادكتور حنين ليه تعبانه قوى كده هى خلاص هتولد الدكتور باسف :استاذ فارس انا مش هينفع اخبى عليك مدام حنين حالتهاحرجه جدا فارس بخوف :يعنى ايه انا مش عايز عيال لو فى خطر عليها مش مهم الى فى بطنها الدكتور :الجنين حالته كويسه المشكله فى الرحم عند مدام حنين حالته سيئه احنا هنعمل الى علينا والباقى على ربنا بس نصيحه منى اذا ربنا قومها بالسلامه تبقى دى اخر مره فارس:حنين لو عرفت مش هيهمها وممكن تعند وتحمل تانى الدكتور :هيبقى خطر عليها جدا فارس :هو ممكن وهى بتولد تعمل حاجه تخليها تمنع الحمل الدكتور : اه فى عمليه ربط قناة فالوب ودى بتمنع الحمل فارس:تمام يبقى تعملها من غير ماتعرف الدكتور :حضرتك متاكد من القرار ده فارس :اكيد انا المهم عندى مراتى مش عايز حاجه تانيه بس ارجوك بلاش هى تعرف حاجه الدكتور : تمام بس فى مشكله فارس :خير يادكتور الدكتور :اذا حبت تخلف تانى هتعمل معاها ايه فارس بتنهيده :انا هتصرف ساعتها الدكتور :تمام بس انا اسف حضرتك هتمضى اقرار بمسؤليتك عن القرار ده فارس: تمام همضى وبعد اسبوع ولدت حنين والدكتور عملها العمليه من غير ماتعرف وفارس حمد ربنا انها قامت بالسلامه وفضلوا سنتين عايشين مرتاحين ومبسوطين ببنتهم منه لحد ما فى مره كانوا قعدين مع بعض و حنين قالت لفارس حنين:فارس حبيبى ايه رئيك لما نجيب نونو كمان فارس كان سال الدكتور ان لواخدت حبوب منع الحمل علشان ماتشكش فى حاجه والدكتور وافق وكانت بتاخدهم طول السنتين فارس بتفكير :تمام ياحبيبتى حنين بفرحه وجعت قلب فارس:بجد يعنى هجيب نونو كمان فارس بزعل :انشاء الله وفعلا بطلت تاخد الحبوب بس محصلش حمل شهر واتنين واربعه حنين :فارس انا عايزه اروح اكشف فارس بقلق :ليه ياحبيبتى مالك حنين :احنا بقالنا اربع شهور ومافيش حمل فارس بتفكير : طيب هنروح للدكتور بتاعك بكره فارس كلم الدكتور واتفق معاه انوا يقولها انها كويسه والدكتور لانه عارف حالتها وافق بعد ماراحوا للدكتور وروحوا حنين :طيب بدال انا كويسه فى ايه بقى فارس :ياستى خير انشاء الله وانا كمان هروح اكشف علشان تطمنى حنين :وانت تروح ليه مانت كويس فارس :ياستى مايمكن حصل جديد حنين بقلق على حبيبها :لا انشاء الله هتكون كويس وبعد يومين بعد تفكير كتير هيعمل ايه دخل عليها فارس مبوز حنين :مالك يافارس شكلك زعلان كده ليه فارس :انا روحت كشفت حنين بقلق:وبعدين فارس :الدكتور قالى انى عندى مشكله وممكن معرفش اخلف تانى ياحنين (وبدأت عيونه تدمع بجد لانه حاسس بوجعها ) حنين قلبها وجعها على منظره خدته فى حضنها :مش مهم ياحبيبى عندنا منه بالدنيا كلها المهم ان احنا مع بعض فارس :بجد يعنى مش زعلانه حنين :لا ياحبيبى ده رزق ربنا ومافيش اعتراض على قله الرزق او كتره الحمد لله على كده ومن بعدها ماحولتش تفتح الموضوع ده تانى علشان فارس ميزعلش وحمدت ربنا على منه رجع فارس من ذكرياته على صوت منه :بابا يابابا روحت فين فارس :معاكى ياحبيبتى المهم عايزك تكلمى اياد و تحددى معاه معاد علشان يجى يخطبك منه :بجد والله العظيم يعنى خلاص هلبس دبلته اخيرا فارس وحنين سابوها ومشيوا وهما بيكلموا نفسهم :البت اتجنت الله يسامحك يااياد منه:استنوابس طيب اقولك يجى امتى وجرت وراى حنين وفارس _____________________________ عند اياد دخل البيت ينادى على ناديه علشان يفرحها اياد بصوت عالى : ماماااااا يمامااااا يانونه انتى فين انا نجحت يابشر ناديه جت عليه تجرى بفرحه :الف الف الف مب**ك ياقلب ماما اياد وهو فى حضنها :حبيبت قلبى الله يخليكى ليا يارب ناديه بصتله بسرعه: طمنى منه عملت ايه اياد بفرحه:الحمد لله نجحت بامتياز مش عارف البيت دى مخليانى شكلى وحش قوى ناديه:ليه بس اياد بغيظ:كل سنه هى تجيب امتياز وانا جيد جدا ناديه بضحك: علشان بتحبك اكتر وخايفه حنين تقلب عليكوا لو ماجبتش تقدير اياد وهو بيلعب فى شعره: تفتكرى طيب مانا علشان بحبها قوى مكنتش بعرف اركز اعمل ايه ناديه :المهم سيبنى بقى اروح ابلغ ابوك يكلم فارس علشان يحدد معاد معاهم خلينا نخطبكم لبعض لحسن عفنتوا اياد : ههههههههه اه والنبى الحقينا قبل ماننحرف وراحت ناديه تكلم شريف الى الفرحه ماكنتش سيعاه وقفل معاها وكلم فارس وحدد معاه معاد يناسبهم ____________________________ عند همس كانت بتذاكر لحور وجالها ادم ينادى عليها بنص ل**ن ادم : ماما عايس ايوح عند بابا (عايز اروح عند بابا) همس استغربت ايه الى فكروا بباباه حضنته وقالتله:مالك يادومه زعلان ليه بس ياقلبى ادم بزعل:بابا مش حب اتم مش ايجى سوفه (بابا مش بيحب ادم مجاش يشوفه )

Free reading for new users

Scan code to download app

App Store Google Play

Facebookexpand_more