البارت الثانى ?

1565 Words

بعد تفكير كتير هتعمل ايه لبست همس وجهزت عيالها ونزلت راحت عند مامتها،وقفت شويه قصاد الباب تحاول تهدى علشان تبان طبيعيه يمكن امها ماتلاحظش حاجه دخلت عند مامتها وهى بتتكلم بسرعه :مساء الخير ياماما عامله ايه بعد اذنك خلي العيال معاكي عندي مشوار مهم و.. قاطعتها مامتها وهى بتهديها هناء:ايه يابنتي بالراحه مالك تعالى اقعدى مستعجله كده ليه ومشوار ايه ده الى مخليكي متوتره كده همس بحزن بان عليها غصب عنها راحت قعدت جنبها :مشوار مهم لما اجي هحكيلك علي كل حاجه . هناء وهي بتمسح علي ظهرها :مالك ياهمس فيكي ايه ياحبيبتي عمرى ماشوفتك حزينه كده غير يوم ماباباكي اتوفي . همس افتكرت يوم مابابها اتوفى وانهيارها عليه وهى كانت يادوب ١٥ سنه مان سندها وامانها محستش بالامان من يوم ما مات همس الدموع بدات تتجمع في عنيها :بعدين ياماما بعدين خالي بالك من العيال لحد لما ارجع معلش هتقل عليكى هناء بصتلها وقلبها مش مرتاح وحاسه ان بنتها مخبيه حاجه كبيره : تتقلى ايه بس ياحبيبتى روحى ربنا يصلح الاحوال سابتها همس ونزلت وعنين هناء عليها وهي حاسه بقبضه في قلبها ودعت من قلبها الى مرعوب :استر يارب. ___________________________ وفي نفس الوقت نزلت همس وركبت تا** وراحت للمكان الي محمد هيقابل حبيبته فيه وصلت وفضلت في العربيه خايفه تنزل مش هتقدر تشوف جوزها مع واحده حتي لو مش بتحبه مش هتستحمل بس مافيش مفر لازم تواجه السواق بصلها مستغرب منزلتش ليه :هو انتي نزله ولا ايه انا اسف بس انا بقالي 10دقايق واقف همس بصتله بتوهان :هااا اه اه نزله اهو ونزلت وقفت شويه غمضت عنيها تهيئ نفسها للموقف وفتحت عنيها ومشيت في اتجاه الكافيه دخلت وعنيها بدور علي جوزها بتبص يمين وشمال وبتدعى ربنا انها تكون غلطانه لحد ماشفته وحست بالدنيا لفت بيها من صدمتها !!!! محمد قاعد علي كنبه وجمبه واحده ماسك ايديها ومقرب منها وبيتكلموا وبيضحوا قوى قربت منهم وهى بتتحرك زى الاله وقفت قصاده وهى بتبصله بوجع انتبه محمد ان في حد واقف قصاده يادوب بيرفع عنيه لقاها همس ساب ايد الى قاعده جمبه ووقف مصدوم مش عارف يقول ايه همس اخيرا الكلام طلع منها بس كانت اكتر مره حست بوجع فيها لما اتاكدت من ظنها :متوقعتش صح بس ادينى وفرت عليك مؤمرات وخطط علشان تخلص منى ومن عيالك بس ياترى هى تستاهل تعمل علشانها كل ده محمد اتكلم وهو مش عارف يبرر الى عمله بايه : همس انااا قطعته همس بقهره :انت ايه ؟ كمل !!! مش عارف تقول ايه صح هتبرر بايه انا عمري مقصرت معاك عمري ماخليتك تنام زعلان في يوم بالع** كنت باجي علي نفسي علشانك وعلشان عيالي. مفكرتش فيا بلاش مفكرتش في عيالك !!! بس عارف انا مش زعلانه عارف ليه محمد بيحاول يتكلم بس قامت الي معاه وبصتله قوي وقالتله بكل جبروت :مالك انت عامل كده ليه هو مش المفروض انك خلاص كده كده هتسبها خايف منها ليه ماتقولها انك بت .. محمد قاطعها قبل ماتكمل ،: لورا لو سمحتي اسكتي انتي دلوقت همس بصتله بزهول :لوسمحت !!! انت بجد كده من امتي انا مش قادره اصدق انى كنت عايشه معاك كل السنين ظى وانا مخدوعه فيك !! بس عارف انا مش زعلانه علشان انا عمري ماحبيتك بصلها محمد بصدمه !!!! همس كملت بكبرياء وهى بتحاول تردله الوجع اضعاف :مستغرب ليه ايوه عمري ماحبيتك كنت عايشه معك بمايرضي الله وخلاص لكن حب لا عمري ماحسيته معاك بالع** كنت ببقي عايزه ابعد عنك بس كنت براجع نفسي عشان عيالي وبقول اهي عيشه والسلام بس خلاص الحمد لله لحد كده انت من النهارده بره حياتي كل الي يربطني بيك عيالي وبس بصتله بوجع وقهرت عشره وسنين ضاعت من عمرها :طالقني يامحمد ضحكت لورا بشماته وهى بتبصلها من فوق لتحت :اوعى تكونى فاكره انه هيجرى وراكى ويقولك لا خلاص اخر مره لا ياحبيبتى هو اصلا كان ناوى يطلقك بس ياعينى كنتى صعبانه عليه مش عارفه ليه بس كويس اهى جت منك يا حلوه محمد بص للورا علشان تسكت بس همس ردت عليها بسبات وهى بتضحك باستهزاء خليته اتصدم لتانى مره : لا والله فيه الخير انى صعبت عليه وعلى العموم اشبعى بيه هو اصلا مش فارق معايا ولا عمره كان فارق وسابتهم ومشيت وهى بتحاول تدارى وجعها قعد محمد مصدوم من كلامها وهو بيفكر مع نفسه :انا صحيح حبيت غيرها بس كان ضميرى وجعني عليها كنت فاكر انها بتحبني يعني كانت عايشه معايا كل ده وهي مش قاطعت افاكره لوراوهى بتبصله بعيظ :مالك انت زعلان عليها ولا ايه محمد اتمالك نفسه وبصلها وهو بيبتسم : لا هزعل ليه انتي عارفه اني كده كده كنت هسيبها واهو كويس ان جات منها وفرت علينا وجع القلب الى كنت لسه هعمله معاها بصتله قوى وهى بترجع لورى وبتكمل العصير الى مسكاه :- اه اتعدل كده انا فاكرتك بتحبها ولا حاجه وزعلان عليها مسك محمد اديها وباسها ورجع بص لعنيها بحب :- انا عمرى ماحبيت غيرك ياحبيبتى عايزك تتاكدى من كده ابتسمت لورا بثقه وهى بهز راسها انها متاكده ___________________ في نفس الوقت جريت همس وهي حاسه بضياع ودموعها متحجره في عنيها وركبت اول تا**ي قا**ها وهى بتحاول تتمالك نفسها ومتنهرش فى الشارع وكأن الدنيا موجعه معاها السواق كان مشغل اغنيه اليسا هعتبرك موت ومع كل كلمه كانت بتموت من جواها على عمرها الى راح مع حد ميستهلش هعتبرك مت ومن بكرة أنا هلبس أبيض وأخلي أصحابي وأهلي يهنوني هعتبرك مت ولو جاني مخلوق بعينيه ينكر موتك هعتبره أنا زيك فـي عيوني هعتبرك مت ومن بكرة أنا هلبس أبيض وأخلي أصحابي وأهلي يهنوني هعتبرك مت ولو جاني مخلوق بعينيه ينكر موتك هعتبره أنا زيك فـي عيوني أنا همنع حد يجيب سيرتك وأشيل من صوري كمان صورتك ولحد ما أكره روحك فيك هعتبرك مت لكن عمري ما هقول في خيالي الله يرحمه واللي يحبني يدعي لي عليك أنا أول ما هغمض عيني إنت هتختفي لا هيبقا لك ولا فوق ولا تحت الأرض وجود حتى إنت هتشك في نفسك وهتجري تدور في مرايتك هتلاقي نفسك مش موجود أنا أول ما هغمض عيني إنت هتختفي لا هيبقا لك ولا فوق ولا تحت الأرض وجود حتى إنت هتشك في نفسك وهتجري تدور في مرايتك هتلاقي نفسك مش موجود أنا همنع حد يجيب سيرتك وهشيل من صوري كمان صورتك ولحد ما أكره روحك فيك هعتبرك مت لكن عمري ما هقول في خيالي الله يرحمه واللي يحبني يدعي لي عليك يدعي لي عليك عليك؛!!!!!!!! ___________________ وصلت همس بيت مامتها واول مادخلت كانت مامتها قاعده مسكه المصحف صدقت وبصتلها باستغراب من شكلها وعيونها الحمرا :- فى ايه يابنتى جريت عليها همس ورمت نفسها فحضنها ودموعها نزله بشهقه توجع القلب هناء بخضه من منظر وعياط همس:مالك ياقلبي فيكي ايه اتكلمي ياهمس جوزك جراله حاجه . همس بدموع وصوت يقطع القلب: اااااه ياامي انا عملت ايه علشان اتوجع كده عملت ايه عشان اعيش مخدوعه سنه بحالها طيب لو انا ست وحشه كنت قولت عقاب ربنا ليا بس انا عمري ماعملت في حاجه وحشه عمري ياماما وفي الاخر ي**ني هناء بصدمه لما سمعت الكلمه : ي**نك !!! محمد جوزك ازاي احكلي يابنتي الله يخليكي ايه الي حصل يمكن تكوني فاهمه غلط. همس بصوت عالي موجوع :فاهمه غلط يااااريت مكنتش حسيت اني ولا حاجه كده انااا ولا حاجه جوزى سابني ورمى عياله ورى ضهره عشان حبيبته الجديده الي مقدرش ينطق قدمها وهى وقفه تبجح فيا وتقولى هو اصلا كان هيسيبك بس صعبتى عليه الزباله بتقولى انا الكلام ده وهو ولا نطق !!! كملت بقهره ووجع :. وينطق ليه مانا كنت يادوب واحده راضيه بقليلها جابوهالوا علشان يفتح بيت وخلاص حاولت هناء تهديها يمكن تفهم الحكايه :طيب اهدي ياقلبي واحكيلي الي حصل قعدت همس بتعب وبصوت ضعيف : عايزه تعرفى بنتك حصل فيها ايه هحيكلك حاضر ... وحكتلها كل حاجه من اول معاملة محمد الي اتغيرت لحد مارحتلهم الكافيه والكلام الى اتقالها من لورا وسكوت محمد عليه خلصت همس كلامها وبصت لامها بلوم :سمعتي الى اتعمل فى بينك !! هااا لسه هتقولي فاهمه غلط ولا هتقوليلي معلش ارجعي بيتك علشان خاطر عيالك ولا لالا عشان تبقي مطمنه عليا صوتها علا وهى بتكمل بقهره :- :- مش ده كلامك ليا عشان اتجوز عشان تبقي مطمنه عليا مع راجل يحميني ويبقي عندى بيت وعيال واهو ادى النتيجه سيبت دراستى الى كان فاضلى فيها سنه واتخرج عشان ارضيكى و اتجوزت راجل خاين بمجرد ماربنا فتحها عليه باعني انا وعياله عشان وحده تانيه سكتت شويه وبصت لامها الي دموعها نزلت علي بنتها وحست بالذنب ان هى الى اتسرعت وجوزتها لاول واحد جالها وادى النتيجه هناء اتكلمت بدموع:-حقك عليا يابنتي انا السبب بس والله ماكان قصدى انا فكرته راجل يعتمد عليه بس طلع واطى وبعد ما استحملتي ظروفه كل السنين دى اول ماربنا رزقه باعك انا السبب انااا السبب وفضلت تبكي بقهره جريت همس عليها لما شافتها انهارت كده وحست بالذنب انها لامتها :انا اسفه ياماما اسفه والله انا مش عارفه بقول ايه انتى ملكيش ذنب دانصيبي والحمد لله انها جت لحد كده انا طلبت الطلاق منه وهرجع اعيش معاكي تاني انا وعيالي كفايه لحد كده بصتلها هناء باستسلام :الي يريحك ياحبيبتي اهم حاجه متزعليش نفسك انتي لسه صغيره والف مين يتما وقبل ماتكمل قطعتها همس :لا ياماما خلاص أنا هعيش اربي عيالي والحمد لله علي كده انا عمرى ماهعرف اثق فى راجل تانى ابدا عمرى سكتت هناء لان مافيش كلام ينفع يتقال بعد الى حصل همس:تصبحي علي خير ياماما انا هادخل انام وقفتها هناء قبل ماتدخل :طيب هنعمل ايه اتصل باختك واخوكي كمان لازم يرجع من السفر يقف معاكى همس:لا متتصليش بحد الموضوع منتهى اصلا وسيبي اسر اخويا في غربته هو مش ناقص وانا الصبح هكلم حنين هقولها هي وفارس علشان يروح يخلص معاه اجرائات الطلاق هناء ب**ره قلب :الي تشوفيه ياحبيبتي تصبحي علي خير همس:وانتي من اهله دخلت همس الاوضه الي نايمين فيها عيالها ودموعها نزلت تاني بس مش علي جوزها علي نفسها وعيالها الي خلاص المفروض تاقلمهم يعيشوا من غير اب راحت نامت وسطهم واخدتهم في حضنها وغمضه عنيها واتمنت ان كل ده ميكنش حصلها وتصحي تلاقي نفسها تاني لسه بنت في بيت اهلها

Free reading for new users

Scan code to download app

App Store Google Play

Facebookexpand_more