احمد : عموما انا هكتبلك ادويه علشان المغص ونصيحه منى ممكن تعملى عمليه تفكى الربط ده لان بعد الاربعين فرص الحمل بتبقى تكاد معدومه
حنين اخدت الروشته ومشت زى التيه مش فاهمه حاجه
ناديه بصتلها باستغراب : هو انتى كنتى عملتى ربط بعد منه ياحنين
حنين مش فاهمه حاجه وعامله زى التايه
: ربط ايه ياناديه مانتى عارفه ان فارس عنده مشكله علشان كده مجبناش عيال تانى انا مش فاهمه حاجه ابدا
ناديه بتفكير : طيب الدكتور الى ولدك منه لسه فاكراه
حنين : اه كان دكتور شاب اسمه على سليمان
ناديه : اه عارفاه طيب تعالى نروحله نكشف ونشوف هيقول ايه يمكن يكون الدكتور ده فاهم غلط .
حنين بصتلها قوى :- معاكى حق ممكن يالا بينا .
وفعلا راحوا للدكتور الى مافتكرهاش لان الموضوع ده بقاله اكتر من عشرين سنه كشف عليها وقالها نفس الكلام
حنين بتحاول تستوعب كلامه بصت للدكتور
: انا ماعملتش اى عمليات من يوم ما ولدت يادكتور
