عشق الأدهم

البارت العاشر ?

بعد يومين عند ادهم كان قعد مع ناديه وبقاله يومين نفسه يسألها عن همس بس مش عارف ولو سأل اياد مش هيسكت حاسس انه عايز يعرف عنها كل حاجه وخايف لتكون اصلا متجوزه واخر مازهق من التفكير راح يحاول يقرر ناديه من غير ماتحس

قرب ادهم وقعد جنبها كانت مركزه مع التلفزيون جدا :ايه يانونا بتتف*جى على ايه .

ردت ناديه وهى مندمجه : دا مسلسل تركى بس حلو قوى ياادهم البطل هيموت ويلاقى البت الى بيحبها ومش عارف عنها غير شكلها بيفكرنى بسندريلا .

ادهم سرح وقال لنفسه :هى بتلقح ولا ايه لا لا اكيد المسلسل فعلا كده ورجع كلمها تانى

: امال اياد فين يانونا مش باين يعنى .

لفتله ناديه بعدم اهتمام :فى اوضه تلاقيه بيكلم منه

أدهم جاتله فكره ومصدق انها جابت السيره

:اه صحيح هو مش المفروض نعزم منه واهلها على الغدا عندنا ولا ايه .

ناديه انتبهت لكلامه اخيرا

:والله ياأدهم لسه كنت بفكر اكلمهم واقولهم يجوا بعد بكره يتغدوا معانا بس محتاره اطبخلهم ايه

أدهم بلؤم : ايوا كلميهم وانا ياستى عليا اساعدك فى المطبخ

ناديه بصتله وضحكت قوى

: ايه الكرم والتضحيه دى كلها ياترى وراها ايه .

أدهم اتوتر وحاول مايبينش

: هيكون ليه يعنى علشان اياد انتى عارفه انه كان زعلان منى فبحاول اصالحه بس مش اكتر قوليلى بقى هما كام فرد علشان افكر معاكر هنعمل ايه .

ناديه بتفكير وهى بتعدهم

: حنين وفارس ومنه وهقول لطنط هناء جده منه وهمس واسر

أدهم مصدق جابت السيره عمل نفسه متفاجا

:مين همس واسر دول يانونا .

ناديه بصتله :همس خالت منه واسر خالها

أدهم ارتاح بس ملحقش يفرح لما كملت ناديه العد

:وحور وادم عيال همس

ادهم بقهره :هى همس متجوزه ؟

ناديه استغرب صوته : لا مش متجوزه .

أدهم فرح بس استغرب :أمال عيالها ازاى وهى مش متجوزه .

ناديه بزعل على همس :مطلقه ياحبيبتى .

أدهم سرح ومش عارف يزعل ولا يفرح

: بس دى شكلها صغيره قوى

ناديه مستغربه :انت شوفتها فين ياادهم !!

أدهم اتوتر لانه وقع بل**نه

:هااا فى الفرح اياد كان بيعرفنى على عيلة منه وافتكرتها لما انتى اتكلمتى

كملت ناديه بزعل :اه ياحبيبتى عندها ٢٧ سنه اتجوزت صغيره ولسه مطلقه بقالها حوالى تسع شهور

أدهم سرح :ياترى كنتى بتحبيه ياهمس وزعلانه عليه

وزى مايكون ناديه سمعت افكاره جوبته على السؤال الى مسالهوش

:بس هى مش زعلانه مكنتش بتحبوا اصلا اتجوزت علشان خاطر مامتها ضغطت عليها وكانت عايشه والسلام

أدهم باهتمام : وايه الى حصل خلها اطلقت .

ناديه بدأت تاخد بالها من اهتمام ادهم بس مبينتش : الواطى بعد مااستحملت ظروفه اول لما ربنا رزقه راح حب واتجوز ورمى عياله ولا همه عشره ولا عيال .

أدهم بصدمه :اتجوز عليها من وراها

ناديه :لا هحكيلك

وحاكتله كل الى تعرفوا عن همس وهو كان بيسمعها باهتمام هى ملاحظاه كويس

ناديه :بس ياسيدى ومن يوم ماتجوز مسالش فى عياله كانه مخلفش ولا اتجوز قبل كده

أدهم حس بضيق :بنى ادم واطى وخسيس حتى عياله باعهم الى زى ده ميتزعلش عليه

ردت ناديه :هى اصلا مش زعلانه وقالت كفايه عليا عيالى اعيش علشانهم .

أدهم بلهفه :يعنى ايه تعيش علشانهم دى لسه صغيره فيها ايه لما تتجوز تانى وتعيش حياتها .

ردت ناديه بلؤم

: والله ياأدهم ياريت ربنا يرزقها بواحد يغير رئيها ويعوضها عن الى شافته .

ادهم بتفكير : اللهم امين

ناديه بصتله قوى وبدأت تشك فيه :المهم ياأدهم انا هقوم اقول لشريف واياد

أدهم باستغراب :على ايه

ناديه ابتسمت وبدات تتاكد

:على العزومه انت نسيت ولا ايه

ادهم :اه اه طيب

وسابته غرقان فى افكاره ودخلت لاياد كان ماسك الموبيل وهيتصل لسه بمنه

اياد : تعالى ياست الكل فى حاجه

ناديه دخلت واقفلت الباب : ولا يااياد انا حاسه بحاجه ومش عارفه هى صح ولا لا

اياد باستغراب :حاجه ايه ياغالية

ناديه :أدهم !!!

اياد قلق :ماله ادهم فى ايه .

ناديه بتفكير :سألنى على همس بس بطريقه غير مباشره وكان مهتم قوى على غير العاده .

اياد قام بسرعه :تصدقى وسالنى عليها فى الفرح تفتكرى الصناره غمزت

ناديهبتفكير :مش عارفه بس مبطلش اساله اول ماجبت سيرتها وكأن مصدق اجيب السيره

اياد :وايه الى جاب سيره همس

ناديه حاكتله على اقتراح ادهم وكل الكلام الى اتقال

اياد بفرحه:يعنى هو الى اقترح عليكى العزومه لا وعايز يساعد ااااه الحكايه فيها انه

ناديه بابتسامه :تفتكر

اياد :افتكر قوى بس المشكله همس مقفله قوى فى الموضوع ده .

ناديه :نتاكد بس من أدهم وربنا يسهل مع همس انا هروح اقول لابوك على العزومه واكلم حنين واعزمهم وانت متقولش لحد اما نشوف هيعمل ايه لما يشوفها وعايزاك تركز معاه من غير مياخد باله أدهم عيندى ولو حس ان احنا فاهمين حاجه هيعند اكتر

اياد غمزلها بعينه :ماشى ياست الكل حلوتك وانتى بتخططى

ناديه ض*بته :اتلم ياولا مش بخطط لمصلحته

وسابته وراحت بلغت شريف بالعزومه وعاملوا اتصالتهم بفارس وحنين وهمس واسر واتفقوا على بعد بكره وبلغت أدهم بمعاد العزومه واكد عليها انه هيساعدها فى كل حاجه .

_______________________

عدى اليومين الى بعد الفرح على همس زى ماعدوا على ادهم كل لما تفتكره قلبها يدق بس تسكته انها ام ومينفعش انها تحلم راحت لاسر ودخلت قعدت جنبه

:اسر بقولك ايه مش هتشغلنى معاك بقى زى ماقولتلى

اسر بصلها وابتسم

:عمرك اطول من عمرى لسه كنت هقولك انى ضبطلك الدنيا عندى وتقدرى تنزلى معايا من بكره

همس بفرحه انها هتلاقى حاجه تشغلها

:بجد طيب تمام من بكره هنزل معاك الا قولى صحيح عملت ايه مع نور

اسر :اخدت رقم باباها وهكلمه بكره واطلب اقبله

همس :ربنا يوفقك ويكتبلك الخير كله ياحبيبى

اسر باص جبنها :انا وانتى يارب ياحبيبتى .

قامت همس :طيب هسيبك بقى (وبعد ما مشيت رجعت تانى )

صحيح هو اياد كلمك على العزومه بعد بكره

اسر :اه شريف الى كلمنى

همس بتوتر :طيب كويس هو مين الى هيبقى هناك

اسر مش عارف اخته مالها حاسس بتوترها بس مش فاهم : مش عارف بس اكيد احنا وهما بس مافيش حد غريب

همس اطمنت شويه :طيب كويس انا هروح اشوف العيال تصبح على خير

ومشيت وفضل اسر واقف مستغرب هى بتسال على ايه

_____________________

لورا بقت كل يوم مع معتز ومكالمات وخروج وفى مره كانوا مع بعض

لورا بصتله بتردد :معتز

معتز :نعم ياحبيبتى

لورا بتوتر : انا فى حاجه كنت مخبيها عليك وخايفه تزعل منى

معتز بصلها قوى وابتسم باستهزاء

:ااه أصدقك انك متجوزه عنى !!!

لورا اتصدمت انه عارف : ان... انت عارف من امتى

معتز بصلها بزعل : من امبارح كنت عايز اعملك مفاجاه واطلبك من اهلك للجواز ولما سالت عرفت انك متجوزه تقريبا من سنه ممكن اعرف كدبتى عليه ليه

لورا بدموع ولهفه :انا كنت خايفه لما تعرف تسيبنى انا ماكنتش اعرف انى هحبك كده صدقنى يامعتز انا بحبك قوى

معتز :وجوزك مش برده اختيه من مراته ولا انا معلوماتى غلط

لورا بسرعه :لا يامعتز انا مكنتش بحبه بابا هو الى غصبنى اجوزه علشان فلوسه

معتز :يعنى انتى مش عايزه تكملى معاه

لورا مسكت ايده بسرعه :لا انا بحبك انت مش عايزه غيرك صدقنى ياحبيبى .

معتز بلؤم:تمام يبقى تطلقى منه ونتجوز

لورا بسعاده :بجد !!! انا موفقه طبعا

معتز :بس لازم تعملى حاجه قبل ماتطلبى الطلاق

لورا باستغراب :ايه هى الحاجه دى

معتز :هقولك اسمعينى كويس

وقالها على خططه الى هينفزوها قبل الطلاق

________________________

عند اسر اتصل بوالد نور

اسر اتكلم بتوتر :الو مساء الخير انا اسر مدير نور فى الشركه

نادر والد نور : اه اهلا يابنى نور قالتلى انك هتتصل بيا عايزنى خير

اسر بتوتر اكتر:خير ان شاء الله انا كنت عايز ازور حضرتك فى البيت انا وعيلتى اطلب ايد نور

نادر بفرحه :اهلا وسهلا يابنى تشرف انت والعائله فى اى وقت .

اسر :طيب تحب نيجى امتى

نادر :جاسر اخو نور نازل اجازه يوم الخميس يعنى بعد اربع ايام يناسبك

اسر :اه طبعا ان شاء الله هكون عند حضرتك على الساعه ٨

نادر :تنور يابنى

اسر :ربنا يخليك تامرنى بحاجه

نادر : الامر لله ربنا يكرمك يابنى مع السلامه

قفل نادر مع اسر وكلم جاسر علشان يسال على اسر قبل مايجى يتقدم

اما عند اسر كانت الفرحه مش سيعاه وكلم نور قالها انه هيكون عندهم يوم الخميس وهى كمان فرحت جدا

وفضلو ا يرغوا مع بعض

_______________________

فى بيت همس كانوا بيتغدوا كلهم مع بعض وحنين ومنه وفارس موجدين

اسر :على فكره انا كلمت بابا نور واتفقت معاه على يوم الخميس إن شاء الله

هناء بفرحه : ربنا يتمملك على خير ياحبيبى يارب

همس :ايوا ياعم وهتبقى عريس اخيرا

كلهم هنوه وفضلوا يخططوا هيعملوا ايه وهيجيبوا ايه

حنين :صحيح ماتنسوش بكره عزومه اهل اياد

اسر : اه فكرتينى علشان اجبلهم هديه حلوه تليق بست منه واستاذ اياد

منه :حبيب قلبى ياخالوا

حنين : ايوا ياست منه مين قدك اسر باشا بنفسه رايح يجيب هديه علشان عيونك

منه بضحك :ايه ياست الكل الحقد ده دانا بنتك يعنى

فارس :بالراحه ياحنين على البت للعين ترشق فيها

حنين بغيظ:قصدك ايه بقى ياسى فارس انا عينى وحشه

فارس قرب منها شويه :هو فى عيون احلى ولا اطعم من عيونك الى سحرانى بجمالهم

اسر ومنه مثلوا انهم بيعزفزا كمانجا : ترررارارارارا

وضحكوا كلهم كل ده وهمس مش معاهم وسرحانه

همس كانت بتكلم نفسها وهى فى عالم تانى : ياترى أدهم هيكون هناك انا مش عايزه اشوفه انا خايفه من قلبى يغدر بيا وانا مش ناقصه مش عارفه اشمعنى هو الى حسيت انى ,!!!مش عارفه انا مش هروح بس مش عارفه اقولهم ايه ربنا يستر بقى

اسر اخد باله من همس وبيقول لنفسه ياترى مالها حاسسها متوتره مش عارف ليه

اسر لهمس :مالك ياهمس سرحانه فى ايه

همس انتبهت : هاا لا ابدا حاسه بس انى داخل عليا برد وبفكر مرحش معاكم

اسر اتاكد ان فى حاجه بس مش عارف هى ايه لانه لحد دلوقت مشافش أدهم

منه بسرعه :هموسه حبيبتى طنط ناديه ماكده عليا انتى قبلنا علشان خاطرى دانتى لو مجتيش هتعلقنى

همس بتوتر:ربنا يسهل ان شاء الله

كملوا قعدتهم وشويا وحنين وفارس ومنه روحوا وهمس دخلت تنيم العيال وطلعت لاسر

همس :اسر ماقلتليش هنزل الشغل من بكره ولا امتى

اسر مستغربها منين تعبانه ومش عايزه تروح العزومه ومنين عايزه تنزل الشغل بكره

اسر : خليها بعد بكره علشان عزومه منه انتى نسيتى

همس :اه اه خلاص تصبح على خير

اسر وقفها :همس انتى كويسه

همس بصتله قوى واتن*دت :اه يااسر گويسه الحمد لله

اسر : ماشى ياهمس تصبحى على خير

همس :وانت من اهله

راحت اوضتها وفضلت طول الليل تفكر وتقنع نفسها ان لازم تسيطر على نفسها اكتر من كده ومتخليش حد ياثر عليها مهما كان مين

بس ياتري هتقدير تقاوم عشق ادهم !!!