عشق الأدهم

البارت السابع ?

ادم بصلها بزعل الاطفال :بابا مش حب اتم مش ايجى سوفه

(بابا مش بيحب ادم مجاش يشوفه )

همس حضنته بوجع وعنيه اتملت دموع على عيالها

: دومه مش انت بتحب ماما

ادم ابتسم وحضنها قوى :حبك قد البحى

همس بعدته شويه وملست على خده بحنيه

:طيب ياقلبى بابا مسافر واول مايجى هيجيلك على طول عشان بيحب ادومه خالص اتفقنا

ادم :ماسى

ثوانى ورن تلفونها بصت عليه لقتها منه حمدت ربنا انها جتلها نجده علشان ادم يتلهى بيها

همس بصت لادم :دى منه حبيبتك اهى بتتصل خد رد عليها

ادم اخد التليفون بسرعه ورد على منه بزعل

:ايو منه تالى خدى اتم( وسكت شويه يسمعها ) ماسى اخليس كيمى ماما ماسى خدى ماما كيمى منه

( الو منه تعالى خدى ادم ماشى متتاخريش تكلمى ماما ماشى)

همس خدت منه التلفون وبسته :الو ايو ياست منه فينك

منه:- موجوده اخو ياحبيبتى غندى ليكى خبر حلو

همس :- خير فرحينى

منه بفرحه :- انا نجحت بامتياز

همس فرحت قوى :- بجد الف مب**ك ياقلبى واياد عمل ايه

منه :- الحمد لله نجح هو كمان

همس :- طيب الحمد لله يعنى اخيرا هتتخطبوا

منه بهيام :- اه اخيرا ؟؟! وانكل شريف كلم بابا وحددو معاد يقراوا الفاتحه كمان !!!! المهم احنا جاين انهارده وهبقى اكملك لما اجى

همس ابتسمت :- ماشي هستناكوا متتاخروش

منه :- لا مش هنتاخر سلام

همس :- مع السلام

قفلت معاها وطلعت همس تفرح هناء وتقولها ان هما جاين

هناء بفرحه :نجحت وجابت امتياز كمان طيب الحمد لله دى حنين كانت خايفه قوى

همس :اه كانت خايفه ان منه متركزش فى المزاكره بسبب اياد بس الحمد لله وبابا اياد كلم فارس وحدد معاه معاد يجوا يقروا الفاتحه ويحددوا الخطوبه

هناء:والله فرحتينى ياهمس عقبال مافرح بيكى انتى واخوكى يارب

همس ردت بعصببه :تانى ياماما قولتلك انا خلاص اخدت نصيبى وكفايه عليا عيالى اربيه واكبرهم .

هناء بهدوء :ياحبيبتى انتى لسه صغيره وممـ

قاطعتها همس بحزن بتحاول تتداريه :بالله عليكى ياماما بلاش كلام فى الموضوع ده وبعدين ماعندك اسر افرحى بيه اولا

كان اسر لسه جاى من الشغل وداخل سمع كلامها الاخير .

اسر لهمس:جايبه سيرتى ليه ياهموسه وانا اقول عمال اكح ليه .

همس بصتله وابتسمت بخبث

: بدعيلك ياحبيبى نفرح بيك قريب ان شاء الله

اسر بصلها بغلاسه :اوعدك اول ماالقيها هفرحكوا على طول

هناء بصتله قوى :امتى ان شاء الله لما تشيب وشعرك يبيض من قلت البنات ياعنى مش لاقى واحده عجباك .

همس بتوشوش اسر:البس انت بقى مكانى ياحلو

وسبته ودخلت الاوضه وهى بتضحك وهو فضل يبصلها بغيظ وقام باس دماغ امه وقالها :انا جعان قوى مافيش اكل ولا ايه

وسبها هو كمان وجرى على اوضه يلحق نفسه .

هناء رافعت ايدها :يارب يعودكوا خير ياعيالى ويفرحنى بيكوا امين يارب

___________________

فى بيت اياد دخل شريف وبلغهم بمعاد ما هيروحوا لمنه

ناديه بصتله بتفهم :يعنى اتفقت مع فارس على يوم الخميس الجاى

شريف: اه ياحبيبتى ان شاء الله

اياد بفرحه :بجد يعنى فاضل ٣ ايام بس

شريف بصله بق*ف:ياولا اعقل شويه وإحمد ربنا ان وافقت اخطبلك قبل ماتبتدى شغل

اياد رد عليه ببوز:ليه بس يابابا ماالمكتب موجود وجاهز فاضل شويه دعايه بس وكل يبقى تمام باذن الله.

ناديه ابتسمت :ربنا يوفقك ياحبيبى وتبقى اكبر مهندس د*كور فى البلد

اياد رفع ايده :امين يارب !!! المهم عمى هيجى طبعا صح .

شريف: انا لسه مكلمه وبيقولى هيحاول يخلص شغله علشان يجى

اياد لما سمع اتعصب :يحاول انا مش عارف هو ليه على طول مسافر مسافر هو مافيش غيره فى الشركه الزفت دى .

ناديه: مش شغله يابنى يعمل ايه يعنى

اياد بزعل: خلاص هو حر انا داخل انام

شريف بصله قوى وهو داخل بعد مااياد دخل

:اهو زعل اعمل ايه اسافر يعنى اجيبه بالعافيه

ناديه:مانت عارف ياشريف اياد بيحب ادهم قد ايه

شريف وهو بيطلع تليفونه :انا عارف هكلمه تانى وهقوله ان اياد زعلان وهخليه يكلمه يتصرف معاه

واتصل كلم ادهم

:- ايوا يامغلبنى

:- ليه بس انا عملت ايه

:- مدبسنى مع اياد واهو فى الاخر لوى بوزه علينا اتصرف بقى

ضحك ادهم قوى

:- خلاص اقفل وانا هتعامل

:- تمام ربنا معاك سلام

__________________________

عند اياد دخل زعلان جدا من عمه الى على طول مسافر وقال يكلم منه يفضفض معاها

منه بعد ماحكلها حاولت تهديه :خلاص بقى ياايدو متزعلش هو ان شاء الله هيجى

اياد:انتى عارفه انا بعتبره اخويا الكبير يامنه علشان كده زعلان ان مش عايز يسيب شغله ويجى ان شالله يوم للدرجادى انا مش فارق معاه

منه: طيب مش يمكن يجى وانت بتسبق الاحداث

اياد بزعل : انا عارف ادهم الشغل عنده نمره واحد استحاله هيسيبه ويجى

بص على تلفونه لقى ادهم على الانتظار

قال لمنه اهو بيصل بيا مش قولتك تلاقيه هيقدملى ميت عزر

منه:طيب معلش ياحبيبى رد عليه وانا هكلمك تانى سلام

وفتح على ادهم ورد بزعل :الو

ادهم حاول ميدلوش فرصه يلومه :حبيبى الف مب**ك على النجاح والخطوبه ايوا ياعم مين قدك

اياد بعدم اهتمام :الله يبارك فيك شكرا

ادهم لما لقاه مقفل استسلم للامر الواقع : شكرا !!!! دانت زعلان بجد بقى

اياد:وانا هزعل ليه كل واحد حر فى حياته ومش هجبر حد انه يعملى قيمه .

ادهم بتنهيده :اياد انت عارف انا بحبك قد ايه وبعتبرك اخويا الصغير مش ابن اخويا بس والله غصب عنى عندى مصيبه فى الشغل

اياد نسى كل زعله بمجرد ماسمع مصيبه ورد عليه بخضه:فى ايه انت كويس حصلك حاجه ..

ابتسم ادهم :متخفش ياحبيبى كل الحكايه الموظف الى كان مسؤل عن الطلبيه الى جايه من دبى لعب فى الورق وكان عايز يختلس فلوس لنفسه بس الحمد لله ان كنت متابعه من الاول علشان كده سافرت تانى اخلصها بنفسى وصدقنى هحاول اخلص واجيلك بسرعه وياسيدى ليك عليا فى الخطوبه هقلبلك الدنيا

اياد بضحكه :يعنى هتغنيلى زى ماكنت وعدتنى

ادهم :اكيد انا ديما عند وعدى وانتى عارفنى عمرى مابخلف وعد ابدا هاا لسه زعلان

اياد :حبيبى يادهومه عمرى ماعرف ازعل منك ابدا ربنا يرجعك بالسلامه

ادهم :الله يسلمك وبارك لمنه لحد ماجيلها يلا سلام

اياد :سلام

قفل اياد معاه وفضل يفكر فى عمه الى نفسه يفرح بيه بس هو رافض فكرت الجواز لان معندوش استعداد يتخدع تانى ودعاله

اياد:ربنا يرزقك بالى تقلب حياتك وتخليك تلف علشان تردى تتجوزك ياادهم يابن سعاد

*****************

عند اسر فى الشركه

كان لسه داخل الشركه وباصص للموبيل وفجاه خبط فى حد الموبيل وقع منه نزل يجيبه ويادوب بيرفع عنيه علشان يتأسف لانه مكنش باصص قدامه

كانت الى خبط فيها بتزعق

البنت :مش تاخد بالك ايه مابتشوفش ولا ايه(ولما لقيته مسهم) ماله ده بينوا مجنون وسابته ومشيت

اسر سهم من جمال عنيها الى زى موج البحر وساعتها افتكر دعوت همس

(يارب تتخبط فى الى تسرق قلبك من نظره ) حس ان قلبه بيدق لدرجه ان مسمعش هى قالت ايه وسابته ومشيت .

فاق لنفسه وطلع على مكتبه وهو بيسال ياترى مين دى اول مره يشوفها هنا .

دخل مكتبه وشويه ودخلت السكرتيره : استاذ اسر الموظفه الجديده و صلت وعايزه تقابل حضرتك

اسر :خليها تتفضل ياسيلا

خرجت سيلا ودخلت البنت اول مادخلت كان اسر باصص للورق الى على المكتب واول مارفع عنيه قالت لنفسها

يانهار اسود اترفضتى يانور من قبل ماتشتغلى ايه الحظ ده يارب.

اسر سهم تانى وبعد فتره فوق نفسه :اتفضلى ياأنسه ..

نور بتوتر:نور يافندم نور نادر السيوفى وده السي فى بتاعى ياعنى لو قبلت

اسر بابتسامه :ليه بتقولى كده

نور بصت للارض:يعنى علشان الى حصل تحت من شويه

اسر بصلها قوى :محصلش حاجه انا الى كنت غلطان ومركز فى الموبيل

نور توترها زاد من نظراته :انا اسفه يعنى لو طولت ل**نى

اسر مستغرب لانه مكنش مركز هى قالت ايه ساعتها :هو انتى طولتى ل**نك قوى يعنى

نور لنفسها هو ماسمعنيش ولا ايه :ابدا يافندم انا ماقولتش حاجه خالص

اسر بضحكه بينت غمازته وزادته وسامه : خلاص اتفضلى روحى لسيلا هى هتوريكى مكتبك

نور لنفسها وهى مسهمه يخربيت حلوتك وهو انا ازاى دخلت فيك شمال وانت كده يلا بقى اعمل ايه غ*يه الوقت يقول عليا ايه

اسر وهو اخد باله انها مسهمه :يانسه نور اتفضلى عند سيلا هتوريكى مكتبك

نور بعد ماركزت مع كلامه :حاضر عن اذنك

وخرجت وفضل اسر باصص على الباب وقلبه عمال يدق

اسر لنفسه :عمرى ماشوفت عيون بالجمال ده بركاتك ياشيخة همس

وكمل باقى اليوم وهو كل تفكريه فى نور

________________________

واخيرا اجى اليوم الى اياد ومنه مستنينوا كانوا كلهم متجمعين فى بيت حنين وبيقروا الفاتحه وحددوا معاد الخطوبه اول الشهر يعنى بعد عشر ايام

اياد بعد ما قروا الفاتحه كان هيطير من الفرحه وبص لمنه الى م**وفه من الموقف وفى نفس الوقت هتموت من الفرحه

اياد:اخيرا بقيتى خطبتى انا مش مصدق

منه بغلاسه: دى لسه يدوب نص خطوبه بس

اياد بغيظ: ياسلام صدقى انا شكلى هرجع فى كلامى من الجوازه دى

منه بصتله برفعه حاجب :بتقول حاجه يااياد

اياد :ابدا ياحبيبتى بقول انا فرحان قوى وكلها عشر ايام ونعمل خطوبه ونعلى الجواب

منه بضحك :دى بيقولها فى كتب الكتاب مش فى الخطوبه

اياد بغمزه:ياستى كلها شهرين تلاته ونكتب الكتاب ونعلى الجواب

حنين وهمس وناديه وهناء اعدين مع بعض جنب منه واياد وبيتكلموا ويتفقوا هيعملوا ايه وهينزلوا يجيبوا احتياجاتهم للخطوبه امتى

اما فارس واسر وشريف فضلوا يرغوا فى الشغل

ادهم اتصل على اياد علشان يباركلوا

اياد :حبيبى الله يبارك فيك

ادهم:منه فين ادلها الموبيل اباركلها

منه لادهم:الوا الله يبارك فى حضرتك

ادهم : الولا ده لو زعلك ولا عمل فيكى حاجه اتصلى بيا بس وهتلاقينى معلقوا فى المروحه

منه بضحك؛ههههه عنيا بدال هتعلقوا انت اول واحد هتصل بيك

اياد:وانتى فرحانه انى هتعلق

منه:اه طبعا مش هتبقى مزعلنى

اياد بحب:وانا اقدر ازعلك برده دانتى عمرى كله

منه ات**فت لان ادهم سمعه وضحك فحدفتله الموبيل وكمل هو كلام مع ادهم

ادهم :ماشى ياعم مش هقطع عليك المهم الخطوبه امتى

اياد:اول الشهر اوعى بقى تسافر ولا تطلع باى حجه

ادهم :وانا اقدر انا اصلا جاى كمان خمس ايام يعنى متألقش هبقى معاك من بدرى

اياد :كويس علشان اعرف اتحفظ عليك

ادهم ضحك وقاله:اسيبك بقى مع خطبتك وسلملى على شريف وناديه

اياد:عنيا سلام

قفل وبص لمنه: وحشتنى الحبه دول