عشق الأدهم

البارت الرابع ?

دخلت همس الاوضه لقت حور بنتها قعده بتلون رفعت عنيها بصتلها وهى بتسالها بزعل

:ماما هو بابا مشى خلاص .

همس اتن*دت بحزن على عيالها

:- اه ياحبيبتي مشى .

حور الحزن اترسم على وشها وبصت لرسمتها بزعل

:- هو مجاش يكلمني ليه ياماما . كنت عايزه اوريه اني شاطره في الحضانه وجبت عشره من عشره

همس بصتلها بدموع مش عايزه تحررها

:- بصي ياحور انتي عارفه ماما بتحبك انتي وادم قد ايه صح

حور ابتسمت بطفوله

:ايوه ياماما وانا كمان بحبك قد البحر

همس :احنا هنفضل هنا مع تيتا هنعيش هنا على طول .

حور بصتلها باستغراب

:- ليه ياماما وبيتنا مش هنروحوا تاني و***بي وحاجتي الحلوه هنسبها هناك .

همس بصتلها بحيره مش عارفه تقولها ايه

:- معلش ياحور هنفضل هنا مع تيتا مش انتي بتحبيها

حور:اه ياماما بحب تيتا بس انا عايزه بابا كمان .

همس وقلبها وجعها قوي علي بنتها

:- بابا هيسافر ومينفعش نعيش لوحدنا فى البيت علشان كده هنفضل هنا .

حور بخضه:يعني مش هشوف بابا تاني خالص .

همس ردت وهى بتدارى وجع قلبها

:لا ياحبيبتي هتشوفيه كل لما يرجع اجازه اتفقنا

حور:حاضر ياماما اتفقنا .

حضنتها همس :قلب ماما يارب يخليكوا ليه

دخلت حنين متعصبه ووقفت قصاد همس بغيظ

:انتي ازاى تتنزلي عن حقك كده بكل سهوله .

همس وهى بتبصلها قوي علشان ماتتكلمش قصاد حور :بعدين ياحنين بعدين .

حنين فهمتك بعد ماخدت بالها من حور قربت منها حضنتها

:حور ياقلبي وحشتيني

حور : وانتي كمان ياخالتوا وحشتينى قوى منه فين

حنين :في اوضه تيتا .

همس مستغربه لانها مشافتش منه :هى جت معاكي اومال ماجتش سلمت عليا ليه من ساعتها .

حنين :من ساعت مادخلت وسمعت الي حصل وهى بتعيط جوه

جريت همس على منه ودخلت لقتها مبهدله نفسها عياط

همس: منه مالك ياقلبي .

جريت عليها منه وحضنتها واتكلمت بصوت مقطع من العياط

: حبيبتي ياخالتوا متزعليش انتي احسن واحده في الدنيا هو الي خسر والله .

همس غمضت عنيها بوجع وطلعت من حضنها

: انا مش زعلانه يامنه انتي اكتر واحده عارفه انى مكنتش بحبه كل الحكايه ان صعبان عليا سنين عمري الى راحت معاه على الفاضى .

منه طبطبت عليها :انتي لسه صغيره والف واحد يتمناكي

همس : خلاص يامنه انا اخدت نسيبي من الدنيا اهم حاجه عيالي وبس

منه :بس انتى

قاطعتها همس : خلاص يامنه علشان خاطري المهم عامله ايه فى الكليه واياد عامل ايه

منه فى سنه تالته كليه فنون جميله وبتحب زمليها وابن صاحبه مامتها من سنه ومتفقين ان بعد مايخلص يجي يخطبها

منه وهى بتحاول تخرج همس من حاله الحزن الى هى فيها : الحمد لله اسكتي عملتلك فى اياد حته مقلب انما ايه طلع من دماغه

همس بضحك :يابنتي حرام عليكي هتموتيه قبل اوانه

منه :وانا مالى هو الى بيحب يعصبني وانا مش بسيب حقي

وفضلت ترغي معاها وتحكلها علي الى عملته في اياد وهمس مش بطله ضحك

بره هناء وحنين وفارس سامعين صوت ضحكهم هناء بوجع علي بنتها :ياقلبي يابنتي انا السبب في الى انتي فيه

حنين مسكت اديها وبستها :لا ياماما ده نصبها ويعالم بكره في ايه

فارس: ايوه ياماما همس لسه صغيره والعمر قدمها بكره ربنا يرزقها بواحد ابن حلال

حنين :مفتكرش انها ممكن توافق تتجوز تاني يافارس

فارس :سبيها للايام يعالم مخبيلها ايه !!!!!!!!!!!!

(فعلا ياعالم الايام مخبيلها ايه )

******************

تاني يوم حنين وفارس راحوا اخدو همس ووصلوا للمؤذون فارس بص لهمس الى كانت سرحانه وبص لحنين علشان تكلمها هى .

حنين :هموسه حبيبتى مالك ياقلبى

همس :مافيش ياحنين بس مكنتش عايزه اشوف وشه تانى

فارس :احنا هنخلص وهنمشى على طول والله لو كان ينفع كنت خليته طلقك غيابى ومحتتكيش فى الموقف ده بس لازم تستلمى حقوقك قدام المؤذون

همس :انا عارفه يافارس وصدقنى الموقف مش فارق معايا وحتى مش حاسه انى زعلانه انا حاسه ان فى طوق كان خانقنى ودلوقتى بس هقدر اشيله

حنين :طيب ياحبيبتى يالا علشان منتاخرش على العيال

همس :يالا

ودخلوا للمؤذون وبعد رغي كتير علشان يحاول يوفق بينهم ومعرفش قال لمحمد

المؤذون: ارمي عليها اليمين

بصلها محمد شويه كانت بصه الجنب التاني ووقفه جامده ومش متأثرة :انتي طالق !!!!!

همس غمضت عنيها وحست براحه غربيه اول مره واحده تطلاق وتبقي مرتاحه كده

المؤذون لهمس :استلمتي كل حقوقك يابنتي

رد فارس بدلها :ايوه حضرتك .

المؤذون :طيب امضي يابنتي هنا

قربت همس ومضت علي قسيمه الطلاق او بمعني اصح عقد حريتها

همس:لسه في حاجه تانيه حضرتك

المؤذون :لا خلاص كده وبص لمحمد قوى وبصلها تاني ربنا يعوضك خير

استغربت كلامه قوي بصتله وهزت راسها ومشيت اما محمد كان عامل زي الى مضروب على راسه مش عارف هو صح ولا غلط وبصه المؤذون ليه وكلمة لهمس اتاكد ان هو مشى طريق غلط بس حاول ميفكرش مضى على القسيمه ومشي هو كمان

واول ماركب عربيته لقي لورا بتتصل ابتسم ورد عليها

محمد:حبيبت قلبي خلاص فضتلك حددى معاد مع ابوكي بقي بسرعه

لورا ببسمه نصر :مب**ك ياحبيبي انا هكلم بابا وحددلك معاه معاد بس قولي ادلتها كام

محمد بتوتر من رد فعلها :ابدا كل الحكايه 50الف

وقبل مايكمل قاطعة لورا :يانهار اسود 50الف ليه كنت متجوز مين نانسي عجرم كان كفايه قوى 10الاف

هى فلوس في الارض

محمد: ياحبيبتي علشان عيالي مش علشانها

لورا بزهق :خلاص يامحمد خلصنا انا هكلم بابا وهرد عليك سلام

وقبل مايرد كانت قفلت بص للتلفون ونفخ دى همس عمرها ماعملتها... ايه ده !!انا ليه بقارن بينهم وبعدين هى خايفه عليا مش اكتر عشان كده زعلت وافتكر اول مره شاف لورا فيها

(فلاش باك )

كان فى معرضه وبص لاقى واحده واقفه محتاره قام يشوفها واول لما قرب منها ولفتله انبهر بجمالها

محمد: اؤمرينى عايزه حاجه معينه

لورا كانت مايشيه من قدام المعرض وكانت طبعا ظروفها استحاله تخليها تشترى عربيه شغالها كان يادوب مكفيها لبس ومصروف ابوها حبت تتف*ج على العربيات وتمنى نفسها انها ممكن يبقى عندها واحده

لورا بتكبر متعوده عليه :انت بتشتغل هنا

محمد ضحك :لا انا صاحب المعرض

عجب لورا وقالت لنفسها :صاحب المعرض اه وماله مش يمكن اعرف اوقعه وابقى فى عز

لورا بضحكت دلع لمحمد : اه اهلا وسهلا انا لورا

محمد باعجاب واضح :محمد تحبى تتف*جى الاول ولا تشربى حاجه

لورا بدلع اكتر :معنديش مانع ممكن اشرب قهوتى اصل كنت مستعجله ومشربتهاش

محمد :ياسلام احلى قهوه لاحلى لورا اتفضلى

لورا حست باعجاب محمد ليها وبدأت تلعب عليه وفهمته انها مستوى وباباها كان مدير عام وطلع على المعاش

لورا :بصراحه مش لقيه عربيه احسها ليا خالص عايزه حاجه كده اسبشيال

محمد وعينه على كل حاجه فيها :عنيا ليكى وهتبقى هديا كمان

لورا بفرحه بدريها:لا كده يبقى كتير

محمدوهو بيقرب عليها :مافيش حاجه كتير عليكى

لورا قامت وقفت ومثلة انها متعصبه :ايه ده انت هتعمل ايه انت فاكرنى ايه انا غلطانه انى اعدت معاك

وكانت هتشمى محمد لحقها

محمد :استنى بس انا اسف ياستى مش هعمل كده تانى

لورا :توعدنى تكون مؤدب

محمد بضحكه :اوعدك

لورا لنفسها :شكلك هيبقى سهل توقع على بوزك

وفعلا وقع فى شباكها الى هو لسه مش حاسس بيها وبعد كام شهر طلب يتجوزها وهى وفقت وفهمته انها بتحبوا ومش قادره تبعد عنه حتى لو متجوز

فاق محمد من ذكرياته ومشى بالعربيه للبيت وهو مقتنع بحب لورا الكبير ليه

_________________________

في بيت همس بعد ما وصلت هى وحنين وفارس جريت عليها منه وحضنتها وحاولت تقلبها هزار شويه

منه : حبيبتي يا هموسه يلا خد الشر وراح

حنين بصرامه :منه مش وقت هزار

همس بتنهيده :فى ايه ياحنين هو فعلا اخد الشر وراح

كلهم بصولها خصوصا هناء وفجأة لقو نفسهم بيضحكوا ومش عارفين يبطلوا ضحك

__________________________

فى بيت اياد حبيب منه دخل وفضل ينادى على مامته

ايادبصوت عالى:ياماماااا ياماماااا انتي فين ياست الكل

خرجت مامته ناديه من المطبخ :نعم ياحبيبي بتزعق ليه

اياد :ايه ياحبيبتي وحشتيني فينك كده يابطه

ناديه :ياولا يابكاش انا بردو الى حبيبتك اومال منه تبقي ايه

اياد وهو ولهان وباصص لفوق :منه دى العشق والغرام ايييييح

بصت ناديه مكان ماهو باصص فوق :لا اله الا الله الواد اتجن (وبصوت عالى) اننت باصص على ايه فوق

اياد بخضه :فى ايه ياماما حرام عليكي قطعتيلى الخلف

ناديه : اعملك ايه اول ماتيجى سيرة منه تتهبل

اياد: اعمل ايه ياماما بحبها قوي ولسه كمان ست شهور عبال مااخلص السنه دى المهم عمى مجاش انهارده

ناديه :اه لوسمعك وانت بتقوله ياعمى هيفرمك لا مجاش مسافر يخلص شغل فى دبى اسبوع وراجع

اياد :انا مش عارف واحد زى ده طول بعرض بوسامه بفلوس ومنصب انا نفسى ياراجل معجب بيه مش بيجوز ليه مش عارف انا

ناديه :والله يابني كل بنات العيله والجيران وصحابى فى النادى هيموتوا عليه الى عايزاه لبنتها والى عايزه لنفسها بس هنعمل ايه دماغه حجر قال ايه مش عايز وجع دماغ هو حر بكره تيجي الى تخليه يطب على بوزه

اياد:بكره امتى ياماما دا خلاص داخل علي الاربعين

ناديه بشهقه :اربعين ايه ياولا كل الحكايه ٣٧ سنه

اياد بضحك :مالك يانونه محموقه كده ليه انا كده هغير منه

ناديه :تغير ليه انشاء الله دانت قلبي من جوه بس ربنا يعلم انا بحبوا زيك لما بشوفه بيفكرنى بابوك فى شبابه

صوت من ورها : وماله ابوه دلوقتى ياست ناديه .