تانى يوم عند اياد منه حبت تعمله مفاجاه راحتله المكتب ولسه يادوب هتدخل لقته واقف مع واحده بيضحكوا دخلت عليه ووشها بيطلع نار اياد اول لما شافها فرح جدا وقام راحلها
: منه ايه المفاجاه الحلو دى تعالى ياحبيبتى .
منه بصت للى معاه من فوق لتحت : مش هتعرفنا الاول .
اياد ابتسم على منظرها لانه عارف انها غيرانه : اه دى ريم مهندسه معانا فى المكتب هنا .
ريم مدت ايدها بابتسامه : اهلا وسهلا يانسه منه نورتى المكتب .
منه بصتلها باستغراب : انتى عرفانى
ريم لسه على ابتسامتها
: اه طبعا البشمهندس مالوش سيره غيرك وشفت صورتك الى على المكتب
منه بغيظ : ااه طيب تشرفنا !!!
ريم حست انها عايزه تولع فيها استاذنت وخرجت وقفلت الباب وراها
اياد قرب منها وهو بيقول من جواه ربنا يستر
: منون القمر ايه المفاجاه الحلوه دى وحشتينى قوى .
منه مردتش عليه ووقفه تهز رجلها عرف ان يومه مش هيعدى بس حب يعمل ع**ط .
: مالك
