Chapter 35
Tanong niya. Suspetsa ko rin iyon. Kung buntis ako, paano na ako? Paano ko ipaaalam ito kay Bryan para panagutan niya ako? Paano ang aking pag-aaral? Paano na ang pangarap namin ni Nanang?
“Hindi ho ako buntis Nang. Hindi ho ako pwedeng mabuntis. Naparami kasi yata ang kain ko ng mangga kagabi bago natulog kaya ako nagsusuka ngayon.”
“Kagabi pa kasi kita sinasabihan na huwag masyado sa maasim kapag gabi na. Sana lang anak. Sana mali ako sa aking hinala.”
“Tumataba lang kasi ako Nang. Napapalakas kasi minsan ang kain ko ho e.”
“Sana. Sana lang nagkakamali ako sa hinala ko. Mas inuuna ko ang tiwala ko sa’yo kaysa sa aking paghihinala. Ang tanging kinakapitan ko na lang ngayon ay yung tiwala ko na hindi mo ako pinagsisinungalingan.” Tinignan ako ni Nanang. Sinusukat niya kung
