CHAPTER 39
Binilisan ko ang lakad ko. Ngunit may isang malakas na kamay ang pumigil sa akin. Mabilis nitong tinakpan ang bibig ko kaya hindi ko magawang makasigaw.
Naging mabilis ang mga pangyayari kaya hindi ko napaghandaang gapiin ang pagkabigla. Ang pagkabiglang iyon ang dahilan kung bakit pansamantala ay naging parang tuod ako na walang magawa. Para akong pipi na hindi makasigaw dahil sa lakas ng kaniyang palad na tumakip sa aking bibig. Ang pwersahang pagyakap niya sa akin ang siyang tuluyang gumapi sa akin kaya hindi ko magawang lumaban. Ano nga bang magagawa ng dalagitang tulad ko kung ihambing sa lalaking katulad ni Mang Berto. Malaki ang katawan niya, malaking tao at malakas dahil banat ito sa pagbubukid. Gusto kong humingi ng saklolo, sumigaw ng sumigaw hanggang sa may makarin
