"Tita," nakayukong sabi ni David nang makita niya ang Nanay ni Amara na nakaupo sa sofa habang umiinom ng wine. Hindi tumingin ang babae sa kanilang dalawa at pinagpatuloy ang pag-iinom ng wine.
"Mom," naglakad ng mabilis si Amara papunta sa kaniyang Ina at umupo sa tabi nito.
"Sorry na," paglalambing ng dalaga, hinawakan nito ang braso ng Ina.
"Paalisin mo rito ang lalaki na iyan sa pamamahay ko."
"Mom, huwag naman po kayong gan'yan sa kaibigan ko," paiyak na si Amara, pinipigilan niya lang tumulo ang mga luha niya, dahil nga baka mas lalong lumala ang kondisyon niya.
"Paalis mo 'yan dito!" nahihiya siyang tumingin kay David at tinunguhan naman siya ng binata, sabay nginitian.
Nang makita ni Amara na umalis na ang lalaki ay kinausap niya na ang kaniyang Ina at nilambing ng nilambing
