NATULOY AKO sa pagpunta sa S.U. dormitory na kasama si Seth na isa sa tauhan ni Marcus. Hindi na ako nakapagpaalam sa kanya dahil mas nauna pa siyang umalis sa akin. Marahil pupuntahan si Milliscent. Tiyak na inabot sa kanya ni Angie ang mobile phone kaninang umaga. Malakas akong nagbuga ng hangin.
Walang duda na makikipagkita siya sa Milliscent na iyon.
Inihinto na ni Seth ang sasakyan sa mismong harap ng gate ng S.U. Hindi alam nina Anika at Paul ang pagdating ko kaya tiyak na magugulat silang dalawa.
“Hintayin mo na lang ako rito,” utos ko.
“Sasamahan kop o kayo sa itaas, Madam. Ako po ang bahala sa mga gamit ninyo,” ani pa nito. “Bilin din po ni Sir na huwag kayong hahayaang mag-isa.”
Naningkit ang mga mata ko. Kahit na ano pa ang sabihin ko ay mas susundin ni Seth ang amo kaya
