SUMAPIT ANG araw ng Sabado at araw ng paghahanda ng grupo namin sa reporting kaya maaga akong gumising upang maglaba. After lunch pa naman ang meeting time namin kaya may oras pa ako para makapagpahinga bago maligo saka tunguhin ang room ni Mary. Mahina kong sinabayan ang awiting pumailanlang mula sa phone na ibinigay ni Kuyang Guard. Lalo akong ginanahan sa ginagawa ko dahil sa good vibes na hatid ng tugtog niyon. Very light lang ang dating pero malalim ang ibig sabihin. Natuklasan ko iyon nang kalikutin ko ang laman ng phone.
“I want you to know, I love you the most…just give me your forever…” Bahagya pang lumakas ang boses ko sa bandang huli. Ang ganda ng mensahe ng awiting ang tanging nais lamang ay ialay ang pag-ibig na walang hanggan. Nakagat ko ang labi ko habang nakangiti. Parang
