MANGHANG-MANGHA ako nang makita ang Santillian University. ‘Di ko inakala na sobrang laki ang eskwelahang papasukan ko. Mayroon palang ganitong university na ‘di kalayuan sa baryo namin? Well, halos ilang oras ang biniyahe namin bago makarating subalit hindi pa rin ako makapaniwala.
Abala si Marcus sa pagsasalita. Ipinapaliwanag niya sa akin ang tungkol sa ilang detalye tungkol sa S.U. samantalang abala ang mga mata ko sa pagmamasid. Tumatangu-tango lang ako sa kanya.
“Nakikinig ka ba, Zoie?”
“O-oo naman!”
Napailing si Marcus. “Para namang hindi.”
“Paano mo naman nasabi?” Hinarap ko siya.
“Kung totoong nakinig ka sa mga sinabi ko kanina, ano nga ulit ang sinabi ko?” Bahagya siyang yumuko upang magpantay ang height naming dalawa.
Tumagilid ako saka kinagat ang isang daliri ng kam
