YESTERDAY ONCE MORE
written by: Blackrose
Chapter 24 -Ako Na Lang
Ilan ulit ng nagpabalik-balik sila Jade at Arthur sa loob ng Ocean Park. Kanina pa nila hinahanap ang dalawang bata pero ni anino ng mga ito ay hindi nila matagpuan. Labis na ang pag-aalala ni Jade sa maaaring nangyari sa mga anak. Si Arthur naman ay tumawag na ng mga pulis para matulungan sila sa paghahanap sa dalawang hindi matagpuan. Ilan oras na ang nakalipas pero walang Stephanie at Lady silang nakita. Sobra-sobra ang pag-aalala ni Jade. Hindi siya mapakali dahil hindi niya mawari kung nasaan na nga ba ang mga ito habang alam niyang hindi naman ugali ng dalawa na basta na lang lalabas ng walang pasabi.
"Tahan na, Mahal. Makikita rin natin sila. Hindi tayo titigil hanggang hindi natin sila natatagpuan. Tahan na Maha
