Lumingon pa ako sa natutulog pa rin na si Levi bago nagpatangay sa paghila ni Brixx sa 'kin. Sa salas, nahinto sa pag-iinuman yung mga lalaking nasa couch nang makita kami. Tumingin sila sa 'kin pagkatapos ay ngumisi.
"Tagay ka muna, Miss," alok sa 'kin nung lalaking long hair at may hikaw sa ilong. Nilagyan niya ng alak ang shot saka ipinabot sa katabing lalaki.
"Oo nga, oh. Isa lang naman." Inilapit niya 'yon sa 'kin.
Tinitigan ko 'yon saka ako umiling. Bukod sa hindi ako mahilig uminom ng hard liquor, hindi rin ako tiwala sa itsura nila. They looked funny, tulad ni Brixx, mapupula yung mga mata nila at mapupungay. Halatang may mga tama na. I was just worried with Chelsea. Hindi makayanan ng konsensya kong mapahamak siya nang hindi ko man lang natutulungan.
"Pass ako. Pasensya n
