“Mahal, kain nang kain. Gusto mo ng bopis?” Tinaas niya ang kamay doon sa tindera. “Te, pa-order nga ng isang bopis! Padagdag na rin ng sabaw.” Kinuha naman niya yung pitsel ng tubig at sinalinan ang baso ko bago bumalik sa pag-kain. Sunod-sunod ang subo niya, parang gutom na gutom.
After class dinaanan ako ni Levi sa classroom at niyaya ako maghapunan rito sa karinderya malapit sa apartment. Sa lumipas na dalawang linggo mula noong umalis siya sa unit niya at makitira sa mga kaibigan niya. Ngayon ko na lang siya nakasama ng matagal-tagal. Palagi kasi siyang niyayaya ng mga ‘yon kung saan-saan. Madalas sa inuman.
Syempre di niya magawang tumanggi, gustuhin man niya. Kailangang makisama. Lalo ngayon, si Brixx rin ang may mga connection kaya nagkakaroon siya ng mga gig lately.
“Dahan-d
