KINABUKASAN, pagsapit ng umaga ay dahan-dahan na nagmulat si Aza ng kaniyang mga mata. Paupong bumangon siya sa kama niya at bahagya pang inunat ang mga braso. Deretso na ding tumayo si Aza at naglakad sa may bintana kung saan binuksan niya ang kurtina at agad sumilay sa kaniya ang ganda ng view na nakikita niya mula sa kaniyang kuwarto.
"Good morning to me!" bati ni Aza sa kaniyang sarili ng mapatingin siya sa dalawa niyang kamay na bahagya paring nananakit dahil sa kakapipit ni Yvana sa kaniyang mga kamay sa tuwing nakakalimutan niya ang tinuro nito.
Masaya si Aza dahil naging okay na sila ni Yvana, mabait ito at masayang kasama, sadyang napangunahan lang ng selos sa kaniya dahil sa pagiging malapit niya kay Onyx. Hindi niya inasahan na ang sinasabi nitong magpapagaan sa pakiramdam niy
