LORENZO CLYDE
Naramdaman kong may mga humawak sa akin matapos kong magpakawala ng suntok kay Lorkan. Balak ko pa sanang sugurin muli ito at patikimin pa uli pero hindi na ako nakalapit pa dahil pinigilan na ako nina Wookie at Evander. Nagpumiglas pa ako pero ayaw nila akong bitawan.
"Ano ba?! Bitawan niyo nga ako," galit kong sabi sa mga ito.
Pero sa halip na sundin at pakawalan ako ay mas lalo pang humigpit ang paghawak nila sa akin. Wala na akong nagawa pa.
"Brad, kalma lang. Ano ba?!" ani Wookie na nakahawak sa akin. Halatang nahihirapan din ang mga ito sa pagpupumilit ko at pag-awat sa akin.
Nakita kong agad na dinaluhan ni Kim si Lorkan. Halos hindi pa ito nakatayo dahil sa lakas ng suntok ko sa kanya. Napaupo ito sa sahig habang sapo ang nasaktang pisngi. Halatang nasaktan it
