مفيش مستحيل

الجزء الثاني

عزت :طمني الأمور مشيت ازي هناك .. كله تمام بيان مستني الاجتماع . تمام ياحبيبي ان شاء الله خير

عزت :امال فين أنور بيه لسه مارجعش من بره ..

تاليا :الولد لسه جاي علي البيت من شويه سيبه يرتاح وينام حبه .. يعني ايه الي بتقوليه ده مفروض يقوم وينزل يفطر معانا عشان يروح مع اخوه الشركه مش مفروض انهم اخوات يقفو مع بعض ويديرو مالهم بنفسهم .. طيب ياعزت يرتاح شويه وبعدين يقوم حرام عشان يعرف يركز في الشغل مش كل الناس لازم تبقي عندها قوه تحمل زي مراد بيه ..

يلا يا مراد اطلع صحيه : حاضر يا بابا .

اما في بيت اسيل وحياه..

فاديه : قبلت اسيل بره قدام البيت حبيبتي جيتي في وقتك محتاجين برشام للضغط وبرشام تحت اللسان.. حيلك حيلك هو انتي شيفاني شغاله في صيدليه بتوزع ادويه ببلاش انا عباره عن حته ممرضه راجعه من الشغل مقتوله وعايزه اقابل السرير بالحضن .. في ايه يابنت انتي مالك بقولك قايمه القيامه جوا عندكم .. خالتك امينه جت ..طيب كويس حمدالله علي سلامتها خبر حلو كانت وحشاني .. ما انا برضه قولت كده اول ما جت وفرحت واطمنت علي صحتها كمان .. طيب كويس اكيد هي كمان احنا وحشناها.. لا خالتك جايه تاخد حياة علي البيت عند ابوها قالها روحي هاتيها طالما اعده عاطله ومش لاقيه شغل مالوش لزوم الاعده هنا ... ايه بتقولي ايه خالتي جايه تاخد حياة لا مستحيل الي بتقوليه ده مستحيل يحصل .. جرا ايه يا اسيل انتي في المستشفي دي بيحطولك مهدئات في الشاي جايبه منين برود الاعصاب ده .بقولك في مصيبه وحياة وامها بيتخانقو جوا عشان هي مش عايزه ترجع القريه تاني وعجبتها الاعده هنا وم**مه انها هتلاقي شغل . مش هينفع ترجع علي القريه احنا لازم نتدخل ونشوف حل ...

حياه .. يا أمي طالما انتو عايزني اقعد جمبكم بعتوني اتعلم ليه ..واخدتي ايه من التعليم..

اسيل : خدت قوه شخصيتها وانها تعرف تعتمد علي نفسها وماتحتاجش لحد .. اهلا وسهلا ياخالتي امينه نورتي .. بعد ايه هو انا من ساعه ماجيت حد عبرني ولا رحب بيا .

حياة : بالله عليكي يا اسيل اتكلمي معاها قوليلها حاجه انا مش عايزه ارجع هناك مش هقدر انا هقعد هنا واشتغل خالتك فكراني عيله صغيره جايه تشدني من ايدي ترجعني علي البلد تاني..

خاله حياه فادية :انتي ليه بتعملي كده في البنت يا امينه :انا ماليش دعوه انا مش معترضه لكن عندكم ابوها كلموه هو مش انا انا عبد المأمور وبنفذ الي قاله

طيب يعني ايه الحل يا امنيه دلوقتي .. الحل لقت شغل النهارده بكره بالكتير هسافر لوحدي مكنش هاخدها معايا لحد ما ربنا يكرمها بابن الحلال ..

بيسان بنت خاله حياه :طيب انا شايفه اننا يادوب نلحق نحجزلكم في القطر الي راجع ..ولا اقولكم نفطر الاول مش هينفع برضه ترجعو من غير فطار ههههه.

حياة.. اه وماله نقصاكي انا علي تقل دمك الي علي الصبح كلي وانتي ساكته لو سمحتي ..

بيسان :وانا مالي ما انتو الي بتقولو كلام غريب علي الصبح انتي فاكره يعني الأمر سهل انك تلاقي شغل هنا في يوم وليله بتحلمي بصراحه ياخالتي امينه عمو عنده حق ..

اسيل :ليه الاحباط اتفائلو شويه جايز تشتغل النهارده وت**فنا كلنا اهدو شويه ..

حياة :انتي تقصديني انا بالكلام ده .. لو علي الحظ انا عارفه حظي كويس اوي وانتي يا أمي انا مش صغيره عشان تتعاملو معايا كده وتمشوني علي مزاجكم وتجبروني علي حاجه مش عايزاها

البنات في نفس واحد . صح

امينه :هههههه ايوه بس ابوكي قال مش هيبقي في مصروف لو ما لقتيش شغل ايه رايك بقي اتفضلي اقعدي هنا ياكبيره ياعاقله وانتي علي لحم بطنك من غير ولا مليم لحد ماتموتي من الجوع

فاديه : يعني ازي تموت من الجوع وهي هنا عيب الكلام ده يا امينه هي اعده في شارع يعني

امينه : يافاديه اسكتي انتي هما مستقوين بيكي انتي اسكتي شويه انا مش ناقصه عراك معاكي انتي كمان .

امينه لحياة .وانتي اخرك فين خلصيني مافيش وقت

حياة :أمي انا مش ممكن اعمل حاجه وانا مش مقتنعه بيها .

امينه : طيب تمام معاكي النهارده تشوفي شغل لو ما اشتغلتيش هترجعي معايا ورجلك فوق رقبتك تمام

حياه :تمام وانا بقولك هشتغل ان شاء الله انا واثقه .

اما عند مراد وعيلته بيتكلم عزت بيه وبيقول بما ان كل البيت متجمع عايز اقول موضوع مهم حابب اتكلم في معاكم .. قررت اني اتقاعد بعد فتره .. طبعا تاليا اتصدمت وقالت هاه .. ليه بقي .

عزت :يعني هفضل اروح الشركه لمده حوالي خمس او ست شهور اظبط اموري وبعد كده اقولكم ياجماعه سلام عليكم

أنور: يعني مش فاهم اشمعنا بعد ست شهور ايه هيحصل بعد المده دي ..

عزت :يعني حابب ابقي معاكم واشوف شغلكم عن قرب وهتمشو الدنيا دي ماهو اكيد مش هسيب الي ورايا والي قدامي تحت ايد*كم وانا مش متأكد منكم. لازم اشوف شغلك يا انور واشوف شغل مراد عشان اقدر اقرر مين الي أحق بأنه يمسك الاداره في الشركه .

مراد . علي فكره يا بابا مش محتاج تاخد قرر زي ده خالص . انا وانور بندير الشغل كويس ومتفاهمين جدا يعني اه محتاج يتظبط شويه لكن تمام انا وراه لحد ما يبقي نمبر وان.

تاليا :معاك حق يا مراد

الجده كريمه :اه بنبره تريقه .

عزت ةيا جماعه الشركه دي محتاجه يكون لها مدير واحد بس ماينفعش يكون لها مديرين. المركب الي فيها رئيسين بتغرق . وانا مش هظلم حد عشان يكون في علمكم ده مايزعلش حد فيكم سواء انت يا يوسف او انت يا مراد.

مراد اكيد يا بابا كلامك صح وطالما ده رايك وقرارك ومقتنع بي يبقي لازم يتنفذ

أنور: انت صح يا بابا كلامك مظبوط لازم يكون لكل شغل مدير ومش هيبقي في احسن منك انت يا مراد بيه وانا اكمل حياتي زي ما انا متعود وبكده يبقي القصه كلها اتحلت بسيطه اهي يا جماعه هههه

كريمه: هههه.

تاليا :علي ما اعتقد ان الكلام الي بيتقال خارج نطاق الهزار والتريقه ابوك بيتكلم في موضوع مهم مش كده يا عزت : اه مظبوط

كريمه :امك اول مره تقول كلمه مظبوطه من يوم مادخلت البيت ده يعني من الاخر زي ما ابوكم بدا المشوار من الصفر ووصل للمرحله دي بعد تعب ومجهود كبير لازم يبقي مطمن انه هيسيب رقبته تحت ايد رجاله يعتمد عليهم مش تاكلو في بعض .

وبكره لما تتجوزو وتكبرو زيه هتعملو كده وتسلموها لاولادكم وهتشوفو وقتها ازي هتكونو قلقانين ومحتاجين تفكير مليون مره قبل اي قرار . وبما اننا جبنا سيرة الاولاد. عزت : لا يا أمي الله يخليكي بلاها دي سيرة لو فتحنا فيها مش هنخلص منها ولا علي اخر اليل .

مراد :لا انا قايم عشان الحق اروح الشركه في شغل كتير محتاج يخلص .

أنور:استناني هاكل طبق السلطه ده وجي وراك اوعي تمشي وتسبني. طيب يلا مستنيك. يلا سلام ياجماعه

الكل . وعليكم السلام علي مهلك .

مراد :في ايه يا كرم ليه وقفت العربيه .. كرم . سخنت شويه محتاجه تريح شويه . طيب وبعدين ايه العمل ... كرم :هنزل اشوفها.

حياة: تا**ي .