مفيش مستحيل

الجزء العشرون

عدا فتره كبيره علي مراد وحياة والوضع بينهم شغل وبس لكن حياة بتحاول تنرفزه عشان يغير عليها عشان يعترف لها بحبه لكن هو بيعمل تقيل ومتجاهل الي بتعمله قدامه لكن جواه في حرب شغاله .

حياة : مراد بيه من فضلك عايزه استأذن النهارده بدري مش هقدر احضر معاك اي اجتماعات .

مراد : الفضول هيقتله عايز يعرف رايحه فين .. ليه يا انسه حياة ايه المشوار المهم الي يخليكي تسيبي الشغل وتمشي بدري عشانه .

حياة بدلع : والله يا استاذ مراد عندي معاد مهم لازم اروحه عشان ماينفعش يتأجل او يتلغي .

مراد : اه طالما كده يعني قصدك رايحه تقابلي حد انتي ارتبطي يعني.

حياة : حاجه زي كده حضرتك عقبالك انت وانسه مرام .

مراد بعصبيه : اوك يا حياة اتفضلي امشي روحي مشوارك هاخد مرام معايا .

حياة بلامبلاه : تمام ميرسي لذوق حضرتك استأذنك وخرجت من مكتبه وصوت كعب جزمتها بيرن في قلبه وكأنه بيدوس عليه مش علي الارض .

مراد قعد علي مكتبه اعصابه مدمره والغيره هتقتله وفجاءه قان نط من مكتبه ونزل جري اخد مفاتيح عربيته من كرم وركبها وساق بسرعه ووقف بعيد عن الشركه شويه .

بعد شويه حياة نزلت وكانت متقلة الميك اب شويه وكانت لابسه جيب اسود قصير بفتحه من الجنب وعليها بلوزه كت لونها أحمر مع شعرها الطويل الي نازل علي كتفها وشنطتها السوده والشوز الكلاسيك الكعب العالي الاسود كانت ملكه جمال وقفت حياة قدام الشركه وخدت تا**ي وطلع مراد وراها عشان يعرف رايحه فين .

التا**ي الي فيه حياة وقف قدام كافيه كبير علي البحر ودخلت وكان في واحد مستنيها ومعاه ست كبيره وتبقي مامته .

اتصدم مراد من المنظر ده ازي حياة قدرت تبعد عنه وكمان بتشوف حياتها وبتقابل غيره وياتري مين ده ومين الست الي معاهم دي .

احمد وده العريس الي كان في معاد اتحدد بين مامته وماما حياة وخالتها واتحدد انهم يتقابلو بره البيت ولو حصل اتفاق بينهم يتقدملها في البيت رسمي ويلبسها الشبكة .

حياة : قعدت مع احمد واتعرفت عليه وكان لطيف معاها وهي كمان كل ده ومراد بيتابع من بعيد شايف ضحك وتعامل عادي كل تفكيره ان حياة بتحب الشاب ده ونسيته هو وخلصت المقا**ه ومشيت حياة روحت علي البيت واول ما دخلت قبلت خالتها وامها وبنات خالتها

امينه : هاه يا قلب امك طمنيني عملتو ايه اتفقتو صح .

فادية : بفرحه عجبك احمد صح شاب محترم وكويس وأمه غلبانه اوي شوفتيها صح .

اسيل وبيسان : شايفين الحزن علي ملامحها لكن ردها صدمهم .

حياة : ماما انتي وخالتي انا مش موافقه مش مرتاحه محستهوش لو ممكن تتصلي بيهم بكره تقوليله كل شئ نصيب .

امينه : بتقولي ايه اتجننتي انتي هو ده يترفض هتموتيني يا حياة حرام عليكي عايزه افرح بيكي .

حياة : ماما بعد اذنك انا مش موافقه تصبحو علي خير .

دخلت حياة تغير هدومها وتاخد دوش وخلصت حمام وطلعت علي سريرها علي طول من غير كلام مع حد ونامت علي طول .

صحيت حياة وبيسان واسيل الصبح وكل واحده علي شغلها محدش فتح كلام مع حياة في حاجه خالص .

حياة وصلت الشركه بدري دخلت حطت شنطتها علي مكتبها ودخلت تعمل نسكافيه عشان تفوق هي حاسه انها عايزه تنام تاني .

بعد شويه مراد دخل المكتب لقاها ماقالش صباح الخير .

حياة: اضايقت منه وقررت تدخل تحرق دمه لكن هو الي حرق دمها .

حياة : مراد بيه ازي حضرتك ماتقولش صباح الخير هو ده من الذوق يعني .

مراد: مش من حقك تقولي كده انا اقول الي يعجبني للي يعجبني وطالما ما كلمتكيش يبقي مش عجباني اتفضلي علي مكتبك يا انسه بعد كده تركزي في الي يخصك بس .

حياة : بدموع محبوسه هو حضرتك بتتكلم جد فعلا .

مراد بزعيق : حياة اخدتي اكتر من وقتك احنا هنا في شركه وشغل مش في كافيه ومقابلات . وطبعا كان قاصد بكلامه دله ومعاملته انه يعرفها ويحسسها انه عرف هي كانت فين وبتعمل ايه .

حياة : خرجت جري من المكتب وخدت شنطتها وطلعت تجري وهي بتجري خبطتها عربيه وهي خارجه من الشركه ونقلوها المستشفي فورا .

مكالمه من مجهول علي تليفون اسيل لكن اسيل كانت في سابع نومه مستحيل تصحي ولا بالطبل البلدي .

بيسان : الو مين .

المجهول .......

بيسان : ايه بتقول ايه حياة في المستشفي وعامله حادثه طيب مستشفي ايه .

المجهول : .......

بيسان : طيب جاين بسرعه .

اسيل اسيل اسييييل قومي اصحي حياة عامله حادثه واتصل حد علي موبايلك وقالي انها في مستشفي الأمل الي علي طريق الشركه بتاعتها.

اسيل قامت جري ولبست بسرعه هي وبيسان وجري علي المستشفي .

وصلو المستشفي بسرعه جدا ودخلو للرسبشن وسالو الموظفه عن اسم حياة الي عامله حادث عربيه من شويه .

الموظفه : غرفة ٧٠٦ حضرتك علي اليمين اخر الطرقه .

جريت بيسان واسيل علي الاوضه ودخلو لقو حياة في السرير .

بيسان : حبيبتي مالك في ايه حصلك ايه بس .

حياة بالعافيه: وانا خارجه من الشركه خبطتني عربيه ومحستش بنفسي ألا دلوقتي.

انتي كويسه طيب يا حياة ... اه يا اسيل انا احسن الحمدالله اطمنو ما انا زي القرد اهو .

باتو معاها في المستشفي للصبح وطلع النهار واتصلت اسيل بالشركه وبلغت ان حياة مش هينفع تيجي عشان عملت حادثه في المستشفي .

في الشركه عند مراد . داخل المكتب وقابل تالا صباح الخير تالا قليلي ايه اخبار الاجتماع بتاع النهارده والتصاميم خلصت ولا لسه والكتالوج بتاع الموديلات الي هتنزل خلص ولا ايه اتاخرنا اوي كده.

تالا : اه يافندم الاجتماع هيتم بس بكره الساعه ٣ ... والتصاميم خلاص يومين بالكتير وهتبقي جاهزه ... والكتالوج علي اخر الاسبوع هيكون علي مكتب حضرتك .. صحيح يا استاذ تحب نبعت ورد علي المستشفي لحياة ولا حضرتك هتروح بنفسك .

مراد بصدمه : ايه بتقولي ايه ازي ده حصل وأمته هي جرالها ايه.

تالا : لا يا استاذ معرفش والله حصل حاجه ولا لا قريبتها اتصلت وبلغت بس كده .

مراد : اختفي من قدامها وطلع يجري نزل يروح لحياة علي المستشفي نزل لقي كرم بيمسح العربيه خد منه المفاتيح وساق بسرعه جدا ووصل علي المستشفي عند حياة وقبل ما يسأل شافته اسيل واخدته توصله للاوضه بتاعتها .

مراد حاول يطمن علي حياة من اسيل لكن اسيل مطمنتهوش وقالتله انه كان ممكن تروح فيها .

بيسان شافت مراد : حضرتك جاي تشمت ولا حاجه انت تقتل القتيل وتمشي في جنازته ومش عايزه تدخله بعد محاولات كتير من مراد دخلته .

حياة : نايمه علي السرير ومتغطيه بكوفرته وسانده ضهرها علي المخدة وراها .

مراد : حياة فيكي ايه طمنيني ايه حصلك.

حياة : اطمن مافيش حاجه مراد بيه .

مراد : بسببي انا السبب صح .

حياة : ماتحملش نفسك ذنب انا كويسه اهو قدامك المستشفي بس مقعداني تحت الملاحظة شرفت يا مراد بيه وتعبت نفسك .

مراد : انا همشي يا حياة الف سلامه عليكي ...وخرج بره الأوضة .

حياة : انهارت من العياط وحطت ايديها علي ص*رها وخدت نفس عميق .

مراد مشي من المستشفي .