مفيش مستحيل

الجزء الثالث عشر

وبعد تفكير كتير من سونه وبيسان نازله فيها تهديدات انها هتوصل لابوها انها كدبت عليه .

سونه : بعد شويه وقت وبنوع من العوجان تمام انا موافقه اني اسيبك تشتغلي الفتره دي بأسمي لكن نصيحه اوعي تغلطي ول غلطه ساعتها هتنكشفي وتروحي فيها وانا كمان بابا مش هيسبني لو هتقدري تحافظي علي اسمي ده انا موافقه .

حياة : بفرحه كبيره انا متشكرة جدا يا سونه جميلك فوق راسي بجد ربنا يخليكي وانا هفضل مديونه لك طول عمري .

في بيت فادية خالة حياة : قاعدين في الصاله علي الكنبه فادية وامينه وبيسان بيشوفو فيلم عربي ومركزه اووي امينه ونايمه علي كتفها بيسان وعلي كتف بيسان نايمه فادية .

امينه : بيسان اصحي عايزه ادخل اشوف البنات جوا عشان يتعشو .

بيسان بفزع : مسكت امينه من ايديها قبل ماتمشي لااا خالتي خليكي ماتروحيش هما نايمين ماتقليقهمش.

امينه: اوعي ايد*ك يابت انتي لازم ادخل افهم في ايه حياة مستحيل تنام في وقت زي ده اصلا انتو عاملين عمله ومخبين عليا اوعي كده انا هفهم وسابتها ومشيت هتدخل الاوضه عند حياة واسيل وفجاءة بيتفتح باب الشقه وبيدخل منه حياة واسيل وبتقفشهم وهما داخلين يتسحبو .

حياة واسيل قدام الشباك بتاع الاوضه واقفين متوترين مش عارفين يقولو ايه وهما جاين من شباك الاوضه وفي ايديهم شنط الخروج بتاعتهم .

امينه : ممكن افهم بتعملو ايه بره لحد دلوقتي .

حياة : كنا بنشم هوا يا أمي في ايه فيها مشكله دي .

ردت فادية قبل ماامينه ترد : لا محدش قال م***ع اكيد لكن في الوقت ده بتشمو هوا بشنطتك انتي وهي ليه .

امينه : قربت نحيتهم وراحت علي شباك الاوضه تبص منه هو فعلا كانو بره لوحدهم ولا يعرفو حد وكان بيقا**هم ولما بصت من الشباك مالقتش حد وقالتلهم يلا بسرعه اتفضلو نامو عشان عندكم شغل بدري بكره تصبحو علي خير يابنات وخدت فاديه وطلعت بره الاوضه.

اسيل بتسال حياة : بلهفه هاه عملتي ايه طمنيني .

حياة : هروح بكره الشغل وكله بفضل ربنا وافكارك الفظيعه .

اسيل : بفرحه ياااااس مش قولتلك ان شاء الله هتوافق لأنها هتخاف تف*ني عليها ويعرف عزت بيه وابوها كمان وهيبقي شكلها وحش .

حياة : حمدالله والله يابنات مش عارفه اقولكم ايه كله يرجع لمساعدتكم ليا .

اسيل وبيسان : يابنتي احنا اخوات مش بنات خاله بس رينا يخلينا لبعض يلا بقي ننام عشان الشغل .

فعلا قررت حياة :تغير هدومها وتنام بسرعه وطلعت بيجامه قطنيه بدي حملات فوشيا وبنطلون ابيض مشجر ورفعت شعرها كحكه ودخلت سريرها علي طول .

اما بيسان: فاهي لازم قبل النوم تعمل ماسك الزبادي والخيار عشان بتحب تحافظ علي بشرتها لأنها مش بتميل لأدوات التجميل اوي وطلعت بيجامه بدي كحلي مخطط في ابيض وبنطلون كحلي ساده وخلصت ماسكتها وغسلت أسنانها ونامت فورا .

اما اسيل :فاهي كانت نايمه من قبل ما تفكر تخش الاوضه اساسا ونامت من قبل ماتقول لاي حد فيهم تصبح علي خير . وخلص اليوم علي البنات بالشكل ده وربنا ستر مع حياة ومحصلش كارثة .

طلع نهار يوم جديد مازالت أحداثه مجهوله بالنسبه لحياة هي كل يوم بتقابل مشكله شكل في الشغل وربنا بيسترها معاها .

حياة : فاقت من نومها علي صوت منبهه التليفون وقامت جري سحبت فوطه بينك من الدولاب وطلعت البرنص بتاعها الي بلون الاحمر ودخلت جري تاخد شاور وطلعت بعد عشر دقايق لفه شعرها بالفوطه ولابسه البرنص مسكت السيشوار وبدأت تنشف شعرها عشان تلبس .

اسيل صحيت من نومها علي صوت كركبه حياة والدوشه الي عملاها هو انتي مابتعرفيش تميزي بين النايم والصاحي ماتدخل اوضه تانيه يابنتي حرام عليكي .

حياة : قومي كفايه نوم بطلي **ل بقي هتتاخري يابنتي .

اسيل : قمت اهو يا مؤذية وحدفت عليها المخدة.

حياة بضحك: شكرا ياعسل قومي برضه .

قامت اسيل من السرير سحبت فوطه بلون الكحلي والبرنص بنفس الون ودخلت علي الحمام تاخد الشاور بتاعها الي مش بتعرف تخرج قبل ما تخده معروف عنها أنها بتحب تاخد وقت في الحمام خلصت بعد نص ساعه وطلعت لقت حياة لبست وقفتلها علي باب الاوضه وصفرتلها صفاره إعجاب ايه الشياكه دي يا يوتي دلع حياة :

حياة : بجد شكله حلو عليا يا اسيل .. حياة كانت لابسه بنطلون جينز بلو بلاك وعليه بدي ابيض قطن وفوقهم بلوزه كحلي مخطط بالطول في ابيض تلت كم مفتوحه .

اسيل : تحفه جداااا يابنتي الي يشوفك يقول سيده أعمال اصلا.

طلعت حياة واسيل بعد ماصحيت بيسان وقامت تجهز عشان يخرجو سوا للشغل واتجمعو علي السفره عل الفطار .

فطرو البنات وقررو يطلعو لاشغالهم.

امينه : استنو يابنات خمس دقايق هلبس واجي معاكم .

حياة بقلق : ايه امي هتيجي معانا فين.

امينه بسرعه : اجي معاكم الشغل.

حياة : اي شغل يا ماما تقصدي ايه .

امينه : شغل اسيل مش انتي ياحياة .

اما في عربيه مراد المرسيدس كان راكب مراد وانور في الكنبه الي ورا وانور هيموت وينام .

أنور: بما انك يا استاذ مراد بيه قررت انك تصحيني بدري وتوديني الشغل خليني انام لحد مانوصل ورجع رأسه لورا وغمض عيونه .

مراد: بجديه لو كنت سبتك تنام وتيجي لوحدك كام زمانك قافل الفون ونايم وهربان من الشغل واحنا النهارده عندنا اجتماعات مهمه ولازم تحضرها معايا .

مراد مسك تليفونه واتصل علي تالا المساعده بتاعته.

مراد : الو تالا انا رايح علي جلسه التصوير دلوقتي ياريت تبلغي انسه حياة انها تحصلني علي هناك .

تالا : في **ت وبتنح وفجاءه بتقول تقصد حياة الموظفه الجديده حضرتك متأكد.

مراد بتأكيد : اه يا تالا ايه المشكله نفذي من غير ما تأوحيني بلاش تضيع وقت .

نرجع لحياة وامينه وبيسان واسيل :

امينه : اكيد هاجي معاكي شغلك يا حياة ابوكي عايز يعرف طبيعة شغلك وموصيني اروح معاكي اشوف المكان ومع مين بتقضي كل الوقت في الشغل والناس الي هناك كده يعني .

حياة بعصبيه : يعني ايه يا أمي هو انا طفله هتوديها المدرسة ده شغل ياحبيبتي ماينفعش طبعا عايزه الناس تتريق عليا يقولو جايبه امها توصلها هيفكروني هبله انتو بتعملو فيا كده ليه وبعدين مش هينفع استني انا متأخره وقت تاني ابقي اخدك وطلعت هي وبنات خالتها بسرعه عشان يمشو من وش امينه.

طلعو جري ركبو تا**ي وصل كل واحده علي مكان شغلها .

حياة : وصلت المكتب وطلعت لقت في وشها تالا وعماله تنفخ ومتعصبه خير يا انسه تالا مالك متعصبه ليه.

تالا : لا بسيطه ولا حاجه بتصل بيكي بس عشان مراد بيه محتاج انك تحصليه علي لوكيشن التصوير وانتي حضرتك مش بتردي عليا .

حياة : طيب طيب بسرعه اهو ومشيت من قدام تالا جري .

في الوكيشن بتاع التصوير مرام والميك اب ارتيست بتعملها الميك اب عشان التصوير لكتالوج الفساتين.

مرام متعصبه جدا وبتتخانق مع دبان وشها وبتزعق للميك اب ارتيست والبنت سابتها ومشيت .

نوران : اهدي مش كده انتي عصبيه جدا وكده الميك اب مش هيبقي حلو في وشك وسابتها تاكل في نفسها ومشيت.

مراد وانور وصلو لكن لسه مراد ما يعرفش ان حياة ماوصلتش قايل نوران .

أنور: مش كنت تقول يا مراد ان ملكه الجمال نفسها هنا .

نوران : ههههههه بكاش اووي بس انا مش بصدقكك.

مراد : هههههه وهو مين بيصدق أنور اصلا يا نوران .

نوران بتأكيد علي كلام مراد : صح والله عندك حق .