مفيش مستحيل

الجزء الثامن عشر

وبعد فتره من محايله مراد لحياة انها تسمعه اخيرا سكتت وسمعت كلامه واعتذر لها انه ظلمها وماسمعش منها ولا صدقها وطلب منها ترجع الشغل لانه محتاجها معاه وبعد شويه تفكير من حياة .

مراد: هاه ياحياة هترجعي ولا ايه انا عمري ما فكرت اعتذر لحد حتي لو كنت غلطان فا اتلمي بقي وارجعي الشغل من بكره .

حياة : بخفه ودلع وقلبها بينط من الفرحه جوا بين ضلوعها ان مراد طلب منها ترجع وحطت صباعها في بؤها زي الاطفال بتفكير وضحكت وقالتله موافقه هرجع اكيد كفايه انك جيت بنفسك لحد عندي واعتذرت كمان .

وخلص يوم حياة ومراد علي كده ومع مرور الوقت عليهم في الشغل مع بعض بدا مراد يتعلق بوجودها مش كاموظفه عنده لا هو حاسس بأحساس تاني وكأنه معجب بيها لكن بالنسبه لحياة هي طبت من اول يوم اتقابلت معاه في الاسانسير.

حياة ومراد اتفقوا يخرجو سوا وقضو يوم مع بعض ركبو يخت ونزلو الميه سوا واتغدو في مطعم سمك لكن فضلو يقعدو علي الرمله وياكلو قدام الميه وكان اليوم جري و***ب وانبساط لكن الي حصل في آخر اليوم نكد علي حياة .

سونه الحقيقه اتصلت بحياة : حياة تعالي البيت عندي حالا مرام جايه عشان تصالحك علي انك سونه .

حياة : يالهوي ازي ده عرفت عنوانك ازي اصلا يادي المصيبه طيب جايه .

حياة لمراد : مراد ممكن نمشي عشان لازم اروح ضروري .

مراد : خير يا حياة في ايه مش اتفقنا اليوم ده هنقضيه سوا .

حياة : معلش بابا تعبان شويه ولازم امشي .

مراد : اوك يلا هوصلك .

وصلت حياة علي بيت سونه وشافت مرام ومرام كانت لطيفه جدا معاها وده كان غريب بالنسبه لحياة وكانت جايبه لها هديه وباستها وسلمت عليها ومشيت وحياة شكرت سونه ومشيت راحت علي بيت خالتها فاديه .

وصلت حياة على البيت

فتحت الباب بهدوء وهى بتتسحب

دخلت وكانت بيسان واسيل بنات خالتها واقفين على باب الاوضة مترقبين وصولها

وباصينلها بقلق

حياة بصوت واطى.ايه يا بنات خوفتونى انا فكرتكم فادية

حياة بصوت واطى.الحمد لله انها مشاف*نيش نفدت منها بطولع الروح

لو شاف*نى كانت مش هتسيبنى غير لما تسألنى سؤالها المعتاد

كنتى فين

البنات عمالين يعملوا اشارات بعنيهم

لكن حياة بتتكلم من غير ما تركز

واقفه على الباب بتقلع الجزمة بتاعتها

حياة.كنت هقولها ايه وانا لابسه الهدوم دى

حطيت المفاتيح على الكونسول اللى جنب الباب

وبصيت لبنات خالتها ب ابتسامة

وهى بتهزر راسها ليهم يمين وشمال

فيما معناه مش بتتكلموا ليه

وبنات خالتها برضه عمالين يشاوروا بعنيهم

فادية خرجت من الاوضة اللى قصاد الباب فجأة واتصدمت حياة لما شافتها

فادية بعصبية.ايه ده شرفتى

مقولتليش ليه انها وصلت الست هانم

انا فكرتك مش هترجعى

كانت فادية ماسكة فى ايديها زجاجة كولونيا

وعماله تحط فى ايديها وتشم

وفى نفس الوقت واقفه مش متزنة

حياة للبنات.يابنات مالها فادية بتعمل كده ليه

بيسان ب ابتسامة.من كتر م اتأخرتى وهى مستنياكى

ابتديت تشم كولونيا علشان تفوق

بس شكلها كده ع**ت معاها ودوختها

حياة مبتسمة وبتبص على فادية وهى مستغرباها

وبتتف*ج على شكلها وهى عماله تتحرك يمين وشمال

فادية بعدم اتزان.هو انتى حياة

طيب ولو انتى حياة ليه لابسه الهدوم دى

ولو مش انتى حياة

يبقى هدوم حياة مين اللى لبساهم دلوقتى

يلا بقى ردى عليا انتى مين

وبتحط كولونيا فى ايديها وتشمها

حياة بتبص للبنات وهى فاتحه عنيها على اخرها

فادية حاطة ايديها على راسها.يابنات دماغى بتلف

ومش عارفه اشوف قدامى

حد فيكم يروح يعملى قهوة

بدل ما هحرقلكم البيت

على حمام السباحه

فى فيلا مراد

قاعدين انورواخوه مراد بيشربوا عصير

مراد سرحان

انور.فى ايه يا مراد

سرحان فى ايه

مراد.لا مفيش حاجه

انور بيبتسم.واضح ان الاعتذار مجابش معاك نتيجة

مراد.اعتذار ايه

انور.بيتقال انك قعدت على ركبتك

واعتذرت للبنت

مراد ب استغراب.بنت مين

انور.فى ايه يامراد مالك

انت علطول تايه كده

انا بتكلم عن حياة

مراد بعصبية.طيب ما تقول من الاول

انور.عندك حق

عارف انا لو مكانك كنت اتجاهلت الموضوع

بس بجد

هى دى الحقيقة

مراد بيه بجلالة قدره

بيعرف يعتذر وكمان لموظفة

ياااااااه على ده خبر

لا بجد مش معقول

بس عموما انا حاسس انك مقتنع باللى عملته

مش انا قولتلك ان البنت دى مالهاش اى ذنب ابدا فى الموضوع

مراد بهدوء.فعلا قولت

بجد طلعت بريئة للأسف

انور وهو بياكل مثلث بيتزا.اهااا واضح كده ان فيه حاجه جديدة

صح ولا ايه

مراد بينهى الكلام.بقولك ايه انا تعبان اوى

هطلع اخد دش وانام

انور ب ابتسامة.مش لسه بدرى على النوم

مراد قام من مكانه.اه تعبان

انور.يابنى بس استنى شوية

مراد ساب انور ودخل الفيلا

من غير ما يرد عليه

قاعده فادية على الكنبه

وابتديت ترجع لأتزانها ووعيها من تانى

فادية.ماشى

مصدقة ان كان عندك اجتماع

واجب**كى انك تحضريه

ده فهمته خلاص

بس ايه بقى الهدوم دى

اتفضلى جاوبينى

على الكنبه التانيه قاعده

حياة واسيل وبيسان جنب بعض

حياة وهى بتفرك فى ايديها.ياخالتى افهمينى

انا مش قولتلك ان الجتامع كان على اليخت

لما وقعت فى البحر

وهدومى غرقت

مراد بيه كتر خيره

عطانى الهدوم دى البسها

فادية بتسمع وبترفع حاجبها دليل على عدم اقتناعها

بيسان برومانسيه.ييييه اد ايه عنده ذوق

فادية بتشاور بصوباعها لحياة.صحيح

انتى فين غيرتى هدومك وانتى على اليخت

اسيل.فى اوض كتير بتكون موجوده على اليخت يا فادية هانم

متخافيش عليها

حياة دى بعشر رجاله

ضحكت فادية وضحكت بيسان وحياة على كلمة اسيل

فادية بتضحك بصوت عالى.عرفاها انا حياة عارفاها

بصراحه انا فى الاول مخى راح لبعيد

كشرت فادية فجأة وبحزم.انتم بتضحكوا على ايه

البنات اتفاجئو للحظات

حياة.احنا بنضحك علشان انتى حنينه وطيبة

ابتسمت فادية

حياة.خلاص يا خالتو

اوعدك مش هتتكرر

بس بلاش تقولى حاجه لأمى

ابوس ايد*كى ياقلبى انتى

قربت حياة من فادية ونامت على كتفها بتدلع عليها

فادية: ب حيرة مش عارفه

خلينى افكر شوية الاول

اسيل ةخليكى فاكرة انك خسرتى 3 عرسان

مش لو كنتى ممشية امورك كان زمانك **بانه دلوقتى

وعايشة حياتك

فادية :ب حزن.وايه مناسبة الكلام ده دلوقتى

مش انا اللى خسرتهم

هما اللى خسرونى

واحدة زيي مش سهل ابدا يلاقوها

مجانين

هاتوا بقى ازازة الكولونيا

بيسان :بتضحك.لا مفيش كولونيا

قولتى ايه

فادية :ب استسلام.خلاص مش هحكى لامك حاجه

المره دى

حياة :بحماس وابتسامة حلوة وبتحضن فادية بحب.حبيبتى

ياخالتو فادية انتى مفيش زيك فى الدنيا كلها

فادية :بتضحك وبطيبة.اه عارفه انا الموضوع ده

قامت وقفت فادية واتحركت خطوتين تلاته قدام البنات

فادية: يلا بقى قوموا خدوا الدش بتاعكم

واقفلوا الانوار والشبابيك

واقفلوا الباب بالمفتاح

وناموا

قربت منها اسيل بحب ودعابة.ماشى ماشى

انتى بس المهم ترتاحى

ومتشغليش بالك

فادية :ب ابتسامه.ازاى يعنى مشغلش بالى

مقدرش ابدا

بيسان:ليه يعنى هو احنا عيال صغيرة

وعموما مدام انا موجودة يبقى لازم تطمنى

حياة:خالتو فادية متشغليش بالك ابدا

بعد اللى انتى عملتيه معايا ده

هتلاقينا احلى واعقل بنات فى الدنيا

فادية:طيب بقى يلا روحوا ناموا

تصبحوا على خير

وحدفتلهم بوسات فى الهوا

سابتهم فادية ودخلت تنام

قعدت حياة على الكنبه وهى بتتنفس بهدوء.يااااه

اخيرا مشيت

اتلموا البنات وقعدوا جنبها

اسيل بحماس :احكى بقى الفضول هيموتنى

بيسان بنفس الحماس:ايوة بقى احكي ايه اللى حصل

حياة بهدوء.احكي عن ايه مش فاهمة

بيسان بسذاجة:صح عن ايه

انا كمان مش فاهمة

انتى عايزاها تحكيلنا عن ايه

اسيل: تحكي عن ايه يعنى

يلا قوليلنا طول الوقت ده

عملتى ايه انتى ومديرك القمر ده على اليخت

بيسان مبتسمة:اه بجد يلا بقى احكيلنا ايه اللى حصل

حياة: مبتسمة وسرحانه وسكتت