مفيش مستحيل

الجزء السادس عشر

عزت حاسس إن مراد مش متضايق من حياة عشان الشغل هو متضايق عشان هي عايزه تسيب الشغل وتبعد.

مراد: بابا انا عارف انه ابوها صاحبك بس هي مابتفهمش في الشغل حاجه .

عزت بابتسامه وهدوء: حبيبي اهدا بس وفهمني براحه ايه الي حصل مافيش داعي للعصبيه دي كلها.

مراد: دي مالحقتش تشتغل وبمجرد ماكلمتها كلمتين عن الشغل ومعجبهاش الكلام قررت تقدم استقالتها تخيل.

عزت : طيب يابني قولي ايه السبب انها تقدم استقالتها يعني طالما الكلام في الشغل يعني .

أنور أتدخل واتكلم : اقولك انا يابابا ايه السبب اصلا مراد مش بيعرف يتعامل مع البنات وهي بنت حساسه مش بتقدر تتحمل اسلوبه وطريقته دول .

عزت : مظبوط الكلام الي اخوك بيقوله ده يامراد .

مراد: بابا انا محترم معاها جدا وانور بس بيبالغ مش اكتر.

عزت بمناقشة: بص يا مراد انا طول عمري بحترم بقدر اي قرار انت بتاخده بدون نقاش مني ليك لكن المره دي انا محتاج افهم ايه الي حصل لان البنت دي ابوها صاحبي جدا وغالي عليا .

تالا : بتدور علي حياة عشان عزت بيه عايزها عشان يفهم الي حصل بين حياة ومراد بالظبط وفجاءه سمعت صوتها بتتكلم في التليفون بين استاندات الفساتين.

تالا : انسه حياة بتعملي ايه وسط الفساتين لو تسمحي تفهميني .

حياة : ولا حاجه كنت بتكلم في التليفون بس سوري انسه تالا .

تالا: تمام يا حياة لو ممكن تروحي لعزت بيه مكتبه عشان سأل عليكي وعايزك .

حياة بتوتر : حاضر حاضر .

راحت حياة علي مكتب عزت بيه وكان مراد هناك عزت وقف الاتنين قدامه وهو قاعد علي مكتبه وبيستجوبهم.

عزت : بصو ياولاد انا مش جايبكم هنا بصفتي صاحب شركه او المدير لا انا ابو مراد وصاحب ابوكي يا سونه فا لو سمحتو عايز افهم كل الي حصل بينكم يخلي سونه عايزه تستقيل .

حياة : الحقيقه ياعمو عزت ابنك مش بيفهم في الذوق واحترام الغير الا قدامك بس لكن مش بيعرف يتعامل بي معانا .

مراد بعوجان : انا محترم وذوق مع الي يستاهل ده مش اي حد فهمتي .

حياة: انا مش معقول هفضل اتحمل الأسلوب ده كل يوم من واحد معندهوش ذوق وأخلاق اصلا مش مجبره استحمل ده .

مراد: بابا حضرتك انت تعرفني كويس وعارف اني ازي بتعامل مع الناس لكن الي بتغلط محتاج يتعاقب ومحتاج رده فعل .

عزت بعصبيه : بسسس هو مش عشان قولتلكم بتكلم معاكم مش مديركم وابوكم تمسكو في بعض وتتخانقو وتزعقو قدامي اتلم انت وهي انتو مش أطفال عشان تعملو كده .. حياة من فضلك فهميني ليه قدمتي استقاله .

حياة : ياريت تسأل استاذ مراد احسن هو هيقولك.

مراد: هي عملت حجه يابابا هي شافت الشغل كبير وكتير عليها ومش هتكون اده فقالت تصلح غلطها وتستقيل.

حياة : بتبص لمراد وبتعلي صوتها وبتقوله وهو ايه الغلط الي هبقي محتاجه اصلحه ان شاء الله.

عزت اتنرفز وزعق بصوت عالي : خلصو واتكلمو ايه الي حصل انا مش عيل معاكم هتلقفوني لبعض.

مراد : انا معنديش حاجه اقولها يا بابا .

حياة : انا ياعمو عزت خلاص مش عايزه اكمل هنا بالوضع ده كان نفسي اكمل معاكم لكن كده هيكون احسن بس هطلب منك طلب ياريت ماتقولش لبابا علي الي حصل حابه يكون سر .

عزت : اكيد يابنتي طبعا مش هجيب سيره.

حياة : طلعت من المكتب بعد ما استأذنت من عزت بيه ومشيت بره المكتب.

عزت بنبره امر لمراد: مراد من فضلك صلح الي حصل ده صاحب عمري مش عايز علاقتي تخرب بيني وبينه بسببك.

مراد : طلع من مكتب عزت وحياة خارجه بره المكتب بتاعها عشان تمشي قبلو بعض وقف قصادها وسالها محكتيش ليه عن السبب يا انسه حياة ايه ات**فتي .

حياة : بجراءه وانت ليه ماقلتلهوش انت ادري ايه غلط وايه صح.

مراد بشماته: يلا اتفضلي بقي روحي دوري علي شغل .

حياة : بصت من فوق لتحت لمراد وسابته ومشيت .

مراد: دخل مكتبه وفضل باصص من الشباك علي حياة الي قعدت جمب باب الشركه وهي شكلها باين عليه الحزن وقله الحيله.

حياة : تليفونها رن وكانت اسيل الو اسيل عامله ايه .

اسيل : حياة حبيبتي مالك صوتك مش حلو ليه قوليلي حصل ايه معاكي .

حياة بحزن : أنا سبت الشغل يا اسيل ووالله ماليا خلق اعمل اي حاجه لو فضلت اعده كده طول الوقت مش هقدر اقوم.

مرام ونوران في الاتيليه الي بيتم فيه قياس الفساتين وتظبيطهم كانت نوران بتظبط فستان مرام وهي واقفه تتنطط زي اليويو ونوران بتزعق فيها بطلي ترقيص بقي الابره هتدخل فيكي خليني اخلص .

مرام : انا فرحانه جدا يا نوران عشان خليت حياة تزعقلي قدام مراد ويعرف اد ايه انها مش كويسه وهمجيه ومش ممكن تليق بيه.

نوران: بعدم تصديق حياة تعمل كده مش معقول طبعا لا .

مرام : انا عصبتها وساعدتها تعمل كده وقولتلها كمان تبعد عن مراد وهو ليا انا وبهدلتها.

نوران: يعني انتي كده مبسوطه يا مرام انتي ادري بنفسك يا مرام.

حياة وصلت المستشفي عند اسيل ودخلت حكتلها كل الي حصل بينها وبين مراد وانور وكانت معاهم علي التليفون بيسان .

حياة : قال عليا حاجات كتير مش كويسه كل ده عشان أنور بيه طلب من مساعدة .

بيسان علي التليفون: حبيبتي انتي مالكيش دعوه هما الرجاله كلهم كده مش بيحسو وشايفين حالهم علي الدنيا ومغرورين ومافيش راجل بيعرف يعمل حاجه غير انهم ينكدو علينا.

جت مكالمه لحياة علي الانتظار امها بتتصل بيها .

حياة: الحقيني يا اسيل امي بتتصل اقولها ايه لو عرفت اني سبت الشغل مش هتسافر وتاخذني معاها.

اسيل : طيب ردي يابنتي هتفضل تتصل مش بعيد تلاقيها رايحه لك الشركه تاني وساعتها كارثه لو ما لاقتكيش.

حياة : الو ماما عامله ايه .

امينه : حمدالله يابنتي انتي عامله ايه وشغلك ماشي ازي .

حياة : حمدالله يا ماما والله عندنا شغل كتير واجتماعات ومش عارفه هنخلص امته اصلا .

امينه : ماشي يابنتي ربنا يقويكي كملي شغلك بس قولت اعرفك ابوكي كلمني من شويه وقولتله اني روحتلك الشغل والمكان كبير ومحترم والناس صحاب الشغل كويسين وقالي خلاص ارجع بقي مالهاش لازمه القاعده هنا.

حياة بحزن مصطنع: ليه كده بس ياماما كنتي اعدتي شويه بس طالما بابا عايز كده خلاص ترجعي بالسلامه .

خلص شغل اسيل وطلعت هي وحياة وطلبو أوبر يوصلهم وروحو علي البيت سوا وكانت بيسان روحت من شغلها والكل كان متجمع عشان يودع امينه لأنها مسافره راجعه البلد تاني .

طلعت حياة واسيل وبيسان وفاديه يوصلو امينه للتا**ي الي كان مستني قدام البيت عشان يوصلها المحطه .

امينه : حضنت حياة وباستها ودعتلها بالتوفيق في شغلها ووصتها ماتغلبش خالتها وتاخد بالها من نفسها .

بيسان : وطت علي ايد خالتها امينه وباستها وقالتلها هتوحشنيي يا خالتي سلميلي علي عمو كتير .

امينه : خدو بالكم من بعض حبايبي يلا عشان معاد الاتوبيس ما يفوتنيش.

ركبت امينه التا**ي وهي مبسوطه بحياة وشغلها وفرحانه بشكر مرام في حياة واخلاقها .

فادية : يلا يابنات بقي خشو خدو دوش وغيرو هدومكم علي ما جهزلكم الغدا مش هنفضل طول الوقت في الشارع .

دخلت حياة واسيل وبيسان ووراهم فادية للبيت .

بيسان : انا هدخل اخد دوش الاول وخدت بيجامتها القطنيه بلونها الاصفر وبنطلونها الاسود ودخلت خدت دوش وخرجت بسرعه عشان عايزه تاكل .

دخت بعدها اسيل وخدت كاش مايوه لونه بستاج وخدت دوش اسرع وطلعت قبل تنشف شعرها بسيشوار ولفت فوطه بيضه علي شعرها وخرجت.

حياة : دخلت بسرعه خدت دوش ولبست بيجامه بدي ابيض وبرمودا اسود.

اتجمعو البنات وفاديه علي السفره وقعدو اتغدو مع بعض وبعد شويه خلصو اكل ولمو السفره وكل واحده قامت تعمل حاجه .

بيسان : هحط كيك .

اسيل غسلت الأطباق.

حياة : وقفت عملت لهم شاي يشربو مع الكيك .

فاديه اعدت قدام التليفزيون ومعاها كوبايه الشاي وطبق كيك .

والبنات اتجمعو ودخلو البلكونه يقعدو فيها ويشربو الشاي ويتكلمو.

بيسان : مالك يا حياة شايله الهم كده ليه مش انتي الي **متي تسيبي الشغل زعلانه ليه .

ردت اسيل : هي حاسه بالذنب عشان خبت علي خالتي انها سابت الشغل .

حياة : مش دي المشكله حاسه ب*عور غريب انهارده كأن في فراغ كبير حاسه بي بعد ما سبت الشغل.

اما عند مراد قاعد في نايب كلوب لوحده علي ترابيزه لابس قميص كحلي وبنطلون بيج وقدامه ناس كتير بترقص وبتشرب وهو سرحان في حياة كل ما يحاول يشغل نفسه بحاجه يلاقي نفسه بيفتكر موقف حصل بنهم او نظره عنيها.

قدام بوابه النايت داخله نوران وقابلت مرام عايزه تدخل .

نوران: اسمعي يا مرام انا جايه اتبسط وارقص .

مرام: يا نوران مراد جوا وعايزه ادخل وعايزه اعمل زعلانه ومش عارفه كل ما افتكر شكل حياة اضحك يلا بينا بقي ادخلي معايا.

نوران: دخلت وشافت مراد علي الترابيزه راحت سلمت عليه وأعدت.

مرام : مراد حياتي عامل ايه وحشتني .

مراد بعدم اهتمام : بصلها من فوق لتحت وسكت .

مرام : بتتكلم كتير والله يا مراد انا زعلانه كتير علي البنت الي مشيت حسيت اني السبب .

مراد: بعد شويه اخدها وراح يرقص معاها .

عند حياة .. اسيل : يلا يا يوتي نتف*ج علي مسلسل او فيلم لعادل أمام نضحك شويه .

بيسان : لا نلعب كوتشينه.

حياة بحزن : لا يابنات ماليش نفس لحاجه هقوم انام انا اسفه تعباكم معايا اتبسطو انتو تصبحو علي خير .

قامت حياة عشان تنام .

فضلت اسيل وبيسان مع بعض وقررو يقومو يضحكوها عشان ماتنامش زعلانه .

في النايت : مراد رجع اعد لوحده علي الترابيزه ومرام مكمله رقص مع الشباب في النايت بعد شويه وقت قام وطلع من النايت خالص . وركب عربيته ومشي وطول الطريق بيفكر في حياة لحد ما وصل الفيلا ودخل الجنينه ونزل البسين.

عند حياة: مش جايلها نوم بتفكر في مراد وفي كل موقف حصل بينهم وكل كلامها معاه ومش فاهمه هي ليه فارق معاها اوي كده اكتر من انها خسرت الشغل انها مش هتشوف مراد تاني .

خلص يومهم كل واحد فيهم بيفكر في التاني وكل لحظه عدت بينهم في الفتره الي فاتت.

طلع نهار جديد علي مراد لبس بدلته ونزل بسرعه ركب عربيته مع كرم وطول الطريق بيكلم كرم عن حياة.

كرم : مالك يا مراد فيك ايه سرحان كده ليه طالما سرحان كده يبقي في موضوع مهم.

مراد: كرم بما اننا صحاب ممكن اسالك سؤال.

كرم: طبعا بما اننا صحاب يحقلك تسأل اي سؤال اي وقت.

مراد : ايه رايك في حياة بما انك اتعاملت معاها واتكلمت معاها كذا مره .

كرم : عايز الاجابه كا صديق ليك .

مراد : طبعا.

كرم : هي جميله وحلوه وفظيعه وبتجنن وكلها طاقه ايجابيه ونشيطه جدا ومرحه وتاخد ال*قل اصلا.

مراد : كل ده شوفته فيها .

كرم : وانا بجيب حاجه من عندي ده فعلا فيها .

مراد : حتي لو كانت ملكه جمال الي حصل منها محبتهوش مكنش ينفع .

كرم : وانت كل حاجه بتشوفها بتصدقها.

مراد بنفي : لا

كرم : ايه التناقض ده يا مراد وبعدين انت مهتم بيها ليه كده .

مراد : لا عادي انا مش مهتم ولا حاجه.

كرم بتريقه : ههه اه صدقتك .