مفيش مستحيل

الجزء الخامس عشر

مراد واقف بيودع الوفد واتكلم معاهم بالايطالي بطلاقة وحياة واقفه مستغربه ازي هو واقف وبتكلم بالسهوله دي وليه خلاها تيجي تترجم له ومليون سؤال في رأسها.

حياة : مراد بيه انت بتتكلم إيطالي كويس جدا وكأن ج*سيتك ايطاليه اصلا .

مراد: اه بتكلم سبع لغات يا حياة مستغربه ليه .

حياة: هتفرقع من الغيظ لانه حطها في موقف وهي اساسا بتتكلم كلمتين انجليزي بالعافيه واضطريت انها تخلي سونه الحقيقية تبقي معاها علي التليفون عشان تمليها الترجمة.

مراد : وهو بيبصلها بجنب عنيه وبيسيبها يتحرك قدامها كان لازم اتأكد انك بتعرفي تترجمي كويس كان لازم تتحطي في الاختبار وتنجحي فيه.

حياة : عايزه تروح علي البيت ومش عارفه ازي هتمشي لوحدها بالفستان ال لابساه .

مراد : يلا انسه حياة هنوصلك في طريقنا مش هينفع تمشي لوحدك كده .

حياة : وكان نزل عليها جردل ميه متلجه ازي يوصلها وهو عارف انه بنت المستشار هاشم وساكنه في فيلا ازي بقي هيشوف البيت البسيط الي ساكنه فيه .

مراد : اتفضلي يا حياة يلا بلاش عند الوقت اتأخر ولازم نوصلك.

حياة بقله حيله : حاضر اتفضل حضرتك .

كرم سايق العربية وحياة ومراد في الكنبه الي ورا هو اعد عند الشباك اليمين وحياة علي الشباك الشمال .

مراد : مالك حياة شكلك متوتر .

حياة بتوتر : اتأخرت كتير بس .

مراد بفضول: ابقي قولي لحبيبك ولا خطيبك اننا مواعيد شغلنا مفتوحه مش عارفين بتخلص امته.

حياة بسرعة: لا يامراد بيه انا مرتبطه اساسا .

مراد: وهو بيحاول يبين انه عادي مش مفاجأه بالنسبه له واحده زي القمر زيها مش مرتبطه .

كرم وهو علي الطريق ماشي وراه عربيه حمرا ماركه كيا عماله تض*ب كلا**ات كتير وعايز يوسع لع الطريق.

كرم استأذن مراد انه يركن علي جمب ويشوف مين الي مستعجل كده ونزل من عربيته يشوف لقاها بنت ونازله تزعق وكانت البنت دي بيسان بنت خاله حياة بالصدفه اتقابلو من قبل كده وبرضه اتخانقو سوا .

بيسان : انت نازل من العربيه جاي تتخانق معا وقبل ماتكمل قالتله هو انت تاني ايه الصدفه النيله دي انت مكتوبلي دوا يابني .

كرم وكانها اخدت عقله وقلبه سوا : مش قولتلك هنتقابل تاني .

وفجاءه حياة نزلت من العربيه باستعجال تشوف في ايه عشان اتاخرت علي البيت ولقت بيسان بنت خالتها وكانها لقت نجده من السما وقررت تروح معاها احسن ما مراد يعرف بيتها فين.

كرم أعجب بيبسان وحاسس انه حبها من اول لحظة .

بيسان : انت سمج كده ليه يابني امشي من وشي بدل ما اعمل مصيبه فيك يلا ياحياة خلينا نمشي بقي .

كرم: بيسان اكيد هشوفك تاني .

بيسان بعصبيه: أن شاء الله ربنا ما يقدر.

في بيت فادية خالة حياة : امينه اعده هتموت من القلق علي بنتها وضغطها عالي وعماله تزعق علي تأخير بنتها ابوها اتصل أربعين مره يسأل عليها وعمال يقولي ازي شغل لحد دلوقتي .

حياة وبيسان دخلو من الباب هاااي احنا جينا ياجماعه .

امينه : يالهوووي ايه يا مقصوفه الرقبه الي لابساه ده يادي الفضيحه يارب واغم عليها .

حياة جريت علي امينه بتحاول تفوقها مع بنات خالتها وخالتها.

اما عند مراد في الفيلا. أنور: يا مراد مرام كانت هتموت نفسها من العياط اعمل ايه يعني.

مراد بنرفزه : يعني مكنش في حل تهديها بيه الا انك تجبهالي هنا واصلا مالها يعني انا مش فاهم ماكانت كويسه في التصوير .

أنور: وانا برضه معرفش مالها روح شوفها معلش .

مراد : ساب أنور وطلع لمرام في الصالون : مالك يامرام في ايه .

مرام بدموع : انا زعلانه منك جدا يا مراد.

مراد باستغراب: زعلانه مني انا ليه بس هو حصل حاجه مني .

مرام : انت بتشوف البنت دي واحنا مع بعض.

مراد بعدم فهم: بنت .. بنت مين ؟ انا مش فاهم وبعدين احنا ماكنش في بيني وبينك حاجه يا مرام احنا صحاب وانتي بتشتغلي معايا .

مرام بحزن : البنت الموظفه الجديده سونه يا مراد .

أنور من بعيد : فتح مخك شويه .

مراد: انتي اصلا مين قالك الكلام ده .

مرام وهي بتبص علي أنور: اخوك أنور الي قال الكلام ده .

مراد : بزعيق أنور لوسمحت قول الصراحه الكلام ده مافيهوش هزار .

أنور: يا مراد ياحبيبي ليه بتنكر انت بتحب سونه من زمان من وانتو صغيرين .

مرام : اهئ اهئ اهئ وبتعيط اكتر .

مراد: انوووور كفايه هزار قول الصراحه .

أنور: حاضر حاضر .. بصراحه يا مرام مراد مش بيحب حد غيرك ومش بيشوف غيرك وانا كان قصدي اقول كده عشان أصلح بينكم واقربكم اكتر .

مراد : بيبص لانور وعنيه مليانه شى ولو مش اخوه كان قتله علي التصديره دي وبيتوعدله.

مرام : سمعت الكلمتين دول والضحكه بقت من الودن دي للودن دي .

في بيت فاديه . امينه فاقت من اغماءها وبتعاتب علي حياة انها راجعه متأخر وبالمنظر ده وزعلت انها ماوفقتش انها تروح معاها الشغل.

حياة: أمي انا كنت في اجتماع ومش صغيره ومش هينفع الوضع ده انتو مكبرين الدنيا ليه امي انا محدش فيكم مش بيفهمني انا عايزه اشوف حياتي ومستقبلي مش معني اني بنت يعني ماليش طموح واخري اتجوز وأخلف.

عند مراد ومرام . مراد اعد في الليفنيج وبيتف*ج علي التليفزيون ولابس بيجامه قطن بنطلون اسود وتي شيرت رصاصي وبعد شويه نازله من الدور الي فوق مرام وقعدت جمبه علي الكنبه وبتعتذر منه علي الي حصل.

مرام: انا اسفه يامراد علي الي حصل مني مكنش قصدي انا برضه ماصدقتش انك يبقي في بينك وبين حياة اي حاجه هي باين عليها مريضه نفسيه وبتحاول تلفت نظرك وخلاص .

مراد: ليه بتقولي كده .

مرام : سمعتها بتحكي مع صحابها في الموبايل انها انتصرت انها اشتغلت معاك كل همها انت يا مراد .

مراد : سكت وسرح شويه وبيفكر في كلام مرام .

مرام : بطرف عنيه بتبص عليه وبتضحك بخبث انها قدرت تلعب في دماغ مراد وتخليه يشك في حياة .

عند حياة في اوضتها هي والبنات اعده وسانده علي السرير براسها وجمبها بيسان واسيل اعده علي الارض وفي حضنها دبدوبها الاورنج.

حياة : اعمل ايه بس يارب انا تعبت من حياتي دي مكتوبلي افضل اتحمل الحياة دي.

بيسان بتحاول تصبرها وتهون عليها : يابنتي مش لوحدك الي حياتك ملغبطه وفيها مشاكل الناس كلها كده .

اسيل : حياة حبيبتي حاولي تبصي لنص الكوبايه المليان والايجابي في الموضوع .

حياة : وايه الايجابي في حياتي يا ست اسيل .

اسيل : يعني مساعده سونه ليكي انك تكملي في شغلك وهي كان ممكن كانت ترفض.

اسيل : بفضول سيبك من كل الهري ده واحكيلي بقي مديرك شكله ايه وعامل ازي .

حياة: كارثة ماشيه علي الارض ماتفهميش دماغه فيها ايه ولا بيفكر ازي شاطر جدا في شغله ولقيم يعمي حطني مع الوفد الأجنبي عشان اترجم وهو بيفهم سبع لغات اصلا اتكلمنا كتير يابنات انا هنام تصبحو علي خير .

البنات في نفس واحد : وانتي من اهل الخير حياة .

الكل نام وفي قلبه احساس ان في حاجات كتير هتحصل لكن خير او شر مش عارفين وخلص اليوم وطلع نهار يوم جديد علي الكل .

مراد: وصل مكتبه من بدري وبيطلع علي الاوراق .

تالا : دخلت علي مراد المكتب صباح الخير يا مراد بيه .

مراد : صباح النور يا تالا الصور بتاعه جلسه تصوير امبارح وصلت .

تالا : اه يا فندم وصلت اتفضل .. وحطت قدامه الظرف عشان يختار منهم بعض الصور للكتالوج وسابته وطلعت بره المكتب.

مراد ب**ل : بيدعك وشه بايديه الاتنين وحط ايديه علي رقبته بيحاول يطرقعها وبعدين فتح الظرف عشان يشوف الصور.

مراد : بيفر الصور صوره ورا صوره وكلهم لمرام والعارضات جت من ضمن الصور صوره لمراد وحياة وهو بيطلعوا من حمام السباحه بص للصوره باعجاب.

حياة : وصلت الشركه قبلت أنور وهو بيتكلم في التليفون مع بنت وعايز يطفش منها رمي التليفون لحياة عشان تعمل فيها انها حبيبته وردت علي البنت واحرجتها وقفلت السكه .

مراد : طالع من المكتب: شاف حياة وانور واقفين مع بعض وبيتكلمو وبيضحكو سوا وانور بيرفع ايديه ويرجعلها خصلات شعرها لورا ودنها حس مراد انه غيران عليها فضل باصص عليهم شويه وبعدين رجع مكتبه تاني .

مراد : وقف عند الشباك وساند ايديه علي الحيطة ومتضايق بس مش فاهم متضايق ليه .

أنور: دخل المكتب علي مراد ولقاه سرحان الي واخد عقلك يا عسل .

مراد : بفكر في الشغل بس .

امينه وفادية ماشين في الشارع في الطريق ريحين الشركه لحياة وبيحاولو يسالو عن عنوان شركه السويفي.

أنور: يلا هقوم انا اروح اشوف بابا قبل ما امشي .

مراد : رجع يبص للصوره تاني ويفتكر واقفه أنور مع حياة بره المكتب وضحكهم سوا .

حياة: واقفه علي مكتبها بترتب أوراق وحواليها استاندات الفساتين دخلت عليها مرام ب*عرها الكيرلي الأصفر وبلوزتها الحمرا وجيبتها البيضه وعليهم صندل احمر حياة كان ضهرها للباب ما شافتش مرام .

مرام: بتخبط علي ضهر حياة بالشنطه بتاعتها الحمرا وقالت بتريقه كنت بدور عليكي .

حياة : لفت وبصتلها باستغراب ليه بتدوري عليا خير .

مرام : بنبره تحذير عشان أوقفك عند حدك وعشان اقولك حركاتك ماتخلش عليا وشيلي مراد من دماغك.

حياة : مراد بيه مديري انتي تقصدي ايه واصلا باي حق تتكلمي معايا كده .

مرام : شافت مراد جاي من ورا حياة عملت نفسها بتشكر حياة علي موقفها يوم التصوير انها كانت عايزه تنقذها ووقعت بسببها في البسين.

حياة : كان ردها ناشف وبعيد كل البعد عن كلام مرام وقتها انتي ازي اصلا مراد بيه يكون معجب بيكي كل ده مش عارفه بصراحه هو اي حد عنده عقل مش هيفكر في حاجه زي دي وبتلف وراها لقت مراد .

مراد: ولا كلمه ورايا علي مكتبي.

حياة : سابت مرام شمتانه فيها ومشيت متعصبه راحت ورا مراد علي المكتب .

مرام : بتضحك بشماته وبتتنطت بفرحه من الموقف الي حصل .

مراد : واقف عند مكتبه وحياة قدامه من بره .

حياة : حضرتك فهمت غلط يا مراد بيه من فضلك خليني اشرحلك.

مراد بعصبيه : كفايه الي سمعته بره ياحياة.

حياة: بس كان في قبله .

مراد : قبل ماحياة تكمل كلامها مافيش داعي يا حياة تتكلمي.

حياة بقله حيله : انا مش فاهمه حضرتك اتقالك ايه ووصلك ايه عني بس كل الي حساه ان قصده يلعب عليا بس اسمع مني لو سمحت.

مراد : تيجي نسيب الي اتقال والي شوفته دلوقتي ونتكلم في الي شوفته من شوية .

حياة بصوت عالي: شوفت ايه من شويه تقصد ايه .

مراد : علاقتك الزايده بالمديرين بتوعك .

حياة : تقصد أنور بيه هو كان في مشكله وطلب مني اساعده مش اكتر .

مراد : وعشان فكرتي تطلعي سر الاجتماع تبع الوفد الأجنبي.

حياة بعصبيه : مستحيل انا معملش كده وتحب اثبتلك ده اطلب أنور بيه هاته واقولك قدامه لكن عمري ما اخون حد وسابت مراد وهتطلع من المكتب .

مراد: انا مخلصتش كلامي وماسمحتلكيش تطلعي .

حياة بعند: مش من حقك تسمحلي او لا انا من دلوقتي بره الشغل وبقدم استقالتي .

مراد بنبره تهديد: وابوكي بقي يعرف حاجه عن الي انتي هتعمليه ده .

حياة: انت بتهددني يعني .

مراد : اكيد لا بس عايز اعرف انتي هتقولي ايه لابوكي عن استقالتك.

حياة : اكيد هقوله الحقيقه بس ياتري موقفك انت هيبقي ايه لما احكي انا الحقيقه قولي موقفك هيبقي ايه .

مراد : بصلها وسكت .

حياة : مشيت من قدامه وطلعت بره المكتب خالص.

مراد : رجع يقعد علي مكتبه تاني فضل شويه باصص للصور وخد نفس بعمق وبعدين رمي علي الصور من المكتب .

أنور عند عزت في المكتب بيتف*جوا علي صور يخوت عشان يشتري يخت دخل مراد عليهم .

مراد: بص بقي يا بابا انا متضايق من البنت دي ومستحيل تكمل في الشغل دي غريبه .

عزت : بالراحه بس بنت مين تقصد اي بنت .

مراد بعصبيه : حياة اقصد سونه يابابا بنت اونكل هاشم صاحبك عايزه تسيب الشغل .

عزت: بمفاجئه اه اووه .