مفيش مستحيل

الجزء التاسع

طبعا اول ما أنور ومراد ومرام خرجو بره النايت وبقو في الشارع طلب مراد من السواق انه يطلب تا**ي لمرام عشان يروحها لانه مش هيوصلها.

مرام : اتضايقت بس حاولت تبان انها عادي ورفعت ايديها ورجعت شعرها ورا ودنها بحركه متوتره

وراحت قالتله اوك اشوفكم الصبح في الشركه يلا باي .

طبعا معروف ان في الأماكن دي هنلاقي صحافه وناس بتحب تاخد صور لشخصيات مهمه في البلد عشان يبقو حديث الصحافه وتريند وكل الكلام ده

وده الي حصل مع مرام وهي طالعه تركب التا**ي لقت صحافين كتير عايزين ياخدو منها اي اخبار لكن كأي شخصيه مهمه نزلت وشها في الأرض وحطت ايديها جمب وشها بتداري من فلاش الكاميرات

ومشيت بسرعه وهما وراها.

لكن المره دي مكنتش صدفه ده كان بترتيب من مراد

بيحاول يضايقها زي ماهو كان متضايق بسببها

لانه مش بيحبها.

أنور : بس يامراد الحركه دي مش سهله علي مرام حرام عليك والله هههههههه.

مراد: وهو بيبص بنظره تشبه نظرات الذئب في اتجاه مرام والصحافة بيقول لانور انت السبب

مش انت الي خلتها تيجي هي تستاهل عشان مش بتحس .

أنور: بصراحه هي تستاهل هي لزقه كانت طول الوقت لازقه فيك كانك هتهرب هههههه ده انت مالكش حل يا مراد والله .

وخلص كلامهم كده وكان كرم بيجيب العربيه من الجراج وصل كرم قدامهم وركبو في الكنبه الي ورا ومشي بيهم كرم.

اما عند حياة فاهي لسه محتاره في اللبس مش عارفه هتروح الشغل بأية وواقفه جزينه وحاطه ايديها علي الحيطة وسانده رأسها عليها في حزن كان في حاجه خطيره.

حياة: ياربي بقي مافيش حاجه نافعه لحد دلوقتي شكلها بتتعقد يابنات والله مافيش حاجه عايزه تتظبط عليا صح انا اصلا ماليش في جو الشغل واللبس والكلام ده انا كبيري ارجع بلدنا البس بيجامتي واقعد تحت بطانيتي وسريري واساعد امي وخلاص كده والله كده اريح.

اسيل : اتكلمت وهي بتاخد شماعه عليها بليزر ابيض ومتعلق تحته بدي حملات بلون البيبي بلو و بتشيله من شماعه الهدوم الي كانت بيسان مسكاها في ايديها قالتلها استني ياحياة كفايه رغي اكيد في حل خلينا نشوف ده الاول شايفه شكله مقبول شويه.

اسيل ماسكه في ايديها الجاكت وقبل ما تمد ايديها لحياة عشان تديهولها بصت علي الدلاب المفتوح وراها ومسكت بايديها التانيه بنطلون جينز جديد كانت بيسان جيباه وملبستهوش.

وبتسال بيسان مش ده بنطلونك الجديد .

اه يا اسيل هو .

بيسان : استني كده هاتي نشوف البنطلون علي البليزر.

حياة قامت وقفت وابتسمت اخيرا حست بشويه امل هي مقاسها نفس مقاس بيسان خدت منهم الطقم وراحت حطاه عليها : شكل الطقم عجب البنات كده وطلبو منها تقيسه قالت اسيل عندي احساس

ان الطقم ده هو هيبقي عليها يجنن.

حياة مازالت واقفه قدام المرايا بتتخيل شكل الطقم عليها .وارتاحت نوعا ما من ناحيه اللبس.

اما قدام مراد ودي غير فيلا عزت بيه ابوهم : بتقف عربيه مراد المرسيدس قدام البوابه ويتفتح باب العربية اتوماتيك و وينزل منها مراد ويقف مراد قدام السواق من ناحيه الكرسي الي جمبه ويبصله من الشباك قاله بكره تيجي بدري علي الساعه تسعه الصبح .

كرم : تمام ان شاء الله بس هو كده شغلنا خلص النهارده .

مراد : اه كفايه كده عايز شغل ايه تاني النهارده كده قفل اليوم عايز انام وانت روح ارتاح يلا .

كرم : بص لمراد بثقة وقاله بما ان الشغل خلص واحنا بره مواعيد العمل الرسميه ممكن اسالك سؤال.

مراد: يا كرم يا حبيبي انت مش محتاج ان وقت الشغل يخلص عشان تسأل ولا تتكلم.

كرم : بجديه لا يا مراد معلش الشغل حاجه والصداقه حاجه تانيه لازم يبقي في تمييز.

مراد: بابتسامه عريضه وانبساط بكلام كرم طيب تمام اسأل.

كرم: انت كويس يا مراد حاسس إن فيك حاجه مش طبيعيه وقلقان عليك.

مراد: وهو باين عليه الإرهاق لا انا كويس يا كرم والله بس الشغل كان كتير النهارده وانا مالحقتش ارتاح من السفرية.

كرم: والله انا لو مكانك يا مراد كات زمان الفيوزات عندي ض*بت انا سواق اهو وكتير بقعد اشتكي من التعب والصداع والشغل.

مراد بابتسامة لطيفة: هنعمل ايه طيب الشغل معانا وورانا لحد اخر عمرنا انت بس خد بالك من نفسك يلا وماتتأخرش عليا الصبح ونام كويس .

كرم بضحك : وانت كمان يلا تصبح علي خير

مراد : وانت بالف خير يلا سلام .

مشي كرم بالعربية وساب مراد قدام باب الفيلا.

بيطلع مراد مفتاح من جيبه وقرب علي الباب وبيحط المفتاح ويفتح لسه سمع صوت عربية بتبطئ جمب الفيلا بيبص لقي تا**ي بيركن ونزلت منه مرام .

مرام ب*عننه بتنادي عليه مراد حياتي وبتجري نحيتة

مراد واقف مستغرب من الي بيحصل ده .

مرام : قربت عليه خدته بالحضن مراد حبيبي.

مراد: بأسلوب حاد انتي ايه جابك هنا يا مرام .

مرام : بضحكه غلسه زيها مش احنا متفقين يا حبيبي كل واحد يهرب لوحده عشان خاطر الصحافه وبعدين نتقابل .

مراد: في سره اوف ايه الي عملته في نفسي ده وبعدين ركز وقالها معلش يامرام انا تعبان جدا النهارده وعايز انام مش عايز ابوظلك سهرتك .

مرام وهي بتحرك رأسها شمال ويمين زي الاطفال يعني ايه يا روحي تبوظ سهرتي لا عادي واذا كان عندك صداع ندخل نشرب قهوة ونتكلم عن الشغل ونتف*ج علي اي فيلم حلو انا وانت وعضت علي شفايفها بحركه اغراء .

مراد هيفرقع من الغيظ : ومش عارف يعمل ايه معاها وواقف ساكت .

مرام: يلا بقي يا مراد هنفضل واقفين كده .

مراد : وافق بالعافيه لانه متأكد انها مش هتمشي و هبد علي الباب بأيدية بضيق وفتح الباب ودخل هو الأول ومرام وراه وقف جمب الباب من جوا واستناها تعدي عشان يقفل الباب .

حياة ومامتها وخالتها متجمعين في السفره حياة اعده علي الكرسي وخالتها علي شمالها واقفه سانده ايديها علي كرسي جمبها ومامتها علي يمينها واقفه حاط ايديها ورا ضهرها .

حياة : خالتي فادية لو سمحتي خلوني اروح انام عشان انا كده بسببكم هترفد قبل ما اتعين بسبب التأخير.

ام حياة : بحده في صوتها بالظبط كده هو ده الموضوع ايه هو بقي الشغل عبارة عن ايه عشان ابوكي سألني هتشتغل فين وفين المكان وايه طبيعة الشغل وقالي افهم منك كل التفاصيل وقالي عشان بنتك انا عارفها كويس مستحيل تكون هتشتغل تلاقيها بتكدب عليكي عشان ترجعي وتسبيها سألني ايه الشغل والمرتب كام عايز يفهم كل ده .

حياة بنوم وزهق : يا أمي قولي الي انتي عايزاه ونبي وخلصيني دي المره المليون الي بسمع فيها نفس الكلام بس ماشي يلا عشان هموت وانام.

ام حياة وكأنها بتحقق مع متهم : احكيلي بالتفصيل ايه طبيعة الشغل ده .

حياة وبتحاول تسيطر علي اعصابها: شغلي عبارة عن اني هكون مساعدة لمساعدة المدير.

ام حياة بعصبيه: اوعي تكذبي عليا انا بحذرك لان المنصب ده محتاج تدخلي بواسطه اصلا قوليلي بقي مين واسطتك التقيله ياختي.

حياة ببرائة : والله يا أمي ما بكذب عليكي وبعدين لو عرفتي المرتب هتصدقي.

فادية :اتكلمت وهي بتعد علي صوابع ايديها طيب قوليلي في تأمين صحي واجتماعي وتامين عبي الحياة .

حياة: صح يا خالتي انتي صح هي فيها تأمين صحي واجتماعي.

ام حياة بتركيز : قوليلي بتشتغل في ايه الشركه دي انتي في اي مجال هتشتغلي.

حياة : مجالها في الموضه والملابس ياماما ملابس السهرات يعني بيعملو تصاميم وبينفذوها ويبعوها.

فادية بلقم: وبقالهم اد ايه في المجال ده بقي.

حياة: تقدري تقولي كده بقالهم حوالي أربعين سنه في السوق .

فادية : يعني محتاجين عشر سنين كمان ويحتفلو بالموبل الدهبي.

حياة : بصي يا أمي بقي عشان عايزه انام بصراحه وبدل كل الكلام الي مالوش لزوم ده كله بلغي بابا اني محدش يقدر ياكل حقي وانا عارفه بعمل ايه كويس ماشي واسمحولي اقولكم اني لو خسرت الشغل يبقي بسببكم انتم الاتنين تصبحو علي خير بقي.

وقفت ام حياة قدام فاديه حاطه ايديها الاتنين في جمبها وبتجز علي شفايفها من الغيظ من بنتها وخلصو كلامهم مع حياة واستغرابهم وكل واحد دخل اوضته ينام .

خلص يومهم وابتدا نهار يوم جديد وصوت العصافير بتزقزق.

عند فيلا مراد بيه وفي وتحديدا في اوضه نومه علي الكمود الي جمبه اباجوره وكتاب وفوق الكتاب منبه اسود كبير بيرن علي الساعه سبعه الصبح قام مراد مفزوع من النوم علي صوت المنبه وشعره منكوش شال الغطا من عليه وقام قعد علي السرير ولبس الشبشب وجمبه التليفون بيرن.

عند حياة نايمه وفي حضنها دبدوبها بلونه الأخضر والمنبه جمبها بيرن كنسلت المنبه وهتكمل نوم.

جمبها اسيل منبه تليفونها بيرن فتحت عين وقفلت عين وبصت علي الساعه وكنسلته وحدفته جمبها في الأرض.

مراد في الحمام قدام المرايا ماسك فوطه وبينشف شعره ولافف علي وسطه فوطه وخرج من الحمام وقف قدام الدولاب يختار طقم ينزل بي .

اما في بيت فاديه خاله حياة :صحيت حياة وبيسان واسيل .

اسيل: طالعه من الحمام لابسه برنس الحمام ولفه فوطه علي شعرها وحياة واقفه بتبصلها وبتبتسم وبتسالها هاه البس ايه بقي اخر كلام هتاخر من غير اسيل ماترد عليها قفلت الباب وجابت من ورا من علي الشماعه الي ورا الباب الطقم الي اختاروه امبارح قبل ما ينامو.

ام حياة: واقفه ورا بنتها وحاطه ايديها الاتنين في جمبها وفرحانه بالتعاون الي بينهم وسابتهم وطلعت.

اسيل :في ايديها كوبايه ميه شربت منها شويه والباقي قلبته علي وش بيسان وهي نايمه عشان تصحيها .

اما بيسان لاحياة لمن تنادي خدت كوبايه الميه في وشها ولفت الناحيه التانيه ونامت تاني .

اسيل سابت الاوضه وطلعت.

فادية : في المطبخ لابسه تي شيرت احمر وجيبه سوده بتحضر الفطار وبتطلعه علي السفره بره .

حياة واسيل :كانو بيلبسوا في اوضه تانيه .

اسيل: لبست فستان كت قصير لونه زيتي وسرحت شعرها علي ورا .

حياة :لبست البنطلون الجينز الأزرق وعليه بدي بيبي بلو حملات وعليهم بليزر ابيض .

دخلت حياة واسيل يحاولو يصحو بيسان .

اسيل :شدت بيسان من ايديها بالعافيه عشان تقوم تروح شغلها .

بيسان : صحيت بالعافيه وهي شعرها منكوشه رجعت رمت نفسها علي المخدة تاني .

حياة راحت شداها من شعرها عشان تقوم.

مراد : لبس بنطلون كحلي وعليه قميص ابيض وعليهم بليزر بيبي بلو وحاطت منديل كحلي في الجيب الي عند الص*ر وقف قدام التلاجه خد ازازه عصير وحط كوبايه وشربها طلع بره المطبخ بعدما الكوبايه في الحوض لقي مرام نايمه علي الكنبه نفخ بضيق وطلع.

حياة :قدام بيت خالتها طلع هي واسيل عشان كل واحده تروح شغلها وطلعت فادية وماما حياة بيوصلوهم ونادية بتحضن حياة وبتبوسها من خدها

وبتدعيلها ربنا يسهل لها الصعب ويكرمها في شغلها الجديد وبتديها الوصايه انها ماتتعاملش مع حد وتبقي تقيله في نفسها .

ام حياة: بعنف انصحك اوعي تغلطي عشان لو اترفدتي من شغلك ده المره دي هترجعي معايا لان ابوكي مش هيصبر تاني عليكي.

حياة : بزعل وتكشيرة أمي هو انتي معندكيش حاجه تانيه ممكن تقوليهالي في اول يوم شغل ليا.

ام حياة بتوتر من كلام بنتها يابنتي وانا هقول ايه بس انا عايزاكي ربنا يكملك علي خير في شغلك عشان ابوكي بيتلكك ياحياة .

حياة بحزن : انا نفسي بابا يفهم اني عندي طموح واحلام نفسي احققه ومش هينفع في البلد هناك ده يتحقق يا أمي.

ام حياة بعياط : شدت حياة لحضنها وطبطبت عليها ودعتلها.

اتفاجئ الكل ان في دوشه بيبصو شافو بيسان بتكمل لبس علي السلم ههههه ومستعجله وبتلوم عليهم انهم مصحهوش.

في الشركه عند مراد:

وصلت حياة الشركه وطلعت دخلت عند مساعدة مراد والمسئوله عن تعينها استنت حياة علي مكتب المساعدة تالا وسمعت صوت من وراها بينادي بيقول سونه انسه سونه وحياة مش واخده بالها انها بتنادي عليها هي وبعدشويه اتذكرت انها اخده شخصيه سونه .

حياة بتقول للمساعده : بتنادي عليا انا .

المساعده تالا: هو في غيرك هنا اسمه سونه يعني .

حياة: بتوتر لا انا بس سرحت معلش مخدتش بالي

المساعدة تالا : تمام عزت بيه في انتظارك عشان يتكلم معاكي .

حياة : وهي مخضوضه بتقولها عزت بيه مين .

المساعدة تالا: عزت بيه صاحب الشركه المدير الي هنا والي بيكون صاحب والد حضرتك .

حياة : وهي بتتصنع انها كانت ناسيه اه عمو عزت صاحب بابا الروح بالروح اكيد هروحله بس من راي اتف*ج علي الأقسام الاول واتعرف علي الزملاء و لازم ارتب المكتب شويه وبعدين اروح لعزت بيه.

المساعدة تالا : لا طبعا مش حلو خالص انك تتف*جي علي الاقسام وتتعرفي علي الزملاء وتعملي كل ده والمدير مستنيكي في مكتبه اتفضلي روحيله مكتبه اخر الطرقة شمال.

حياة: راحت من قدام تالا عشان تروح لمكتب عزت بيه .

مراد جاي من باب المكتب وكل الموظفين اعدين علي مكاتبهم قالهم صباح الخير : رد عليه كل الي في المكتب صباح النور مراد بيه .

تالا: قامت من علي مكتبها جريت عليه صباح الخير مراد بيه : صباح النور تالا .

وقف مراد قدام مكتب واحده من الموظفات الي في المكتب ومسك من علي مكتبها ملف في صور لموديلات وسال هما دول من المجموعة الأخيرة.

تالا ردت بسرعه : اه يا استاذ مراد.

مراد بيسأل تالا علي الاجتماع :حددتو معاد الاجتماع النهارده .

تالا بسرعه: طبعا استاذ مراد وجاين الساعه اتناشر.

مراد: اطلبيبي اسبريسو دوبل .

تالا : طيب حضرتك مش هتفطر الاول مراد بيه.

مراد بنرفزه: انا لو كنت عايز افطر يا تالا اكيد كنت هقول .