مفيش مستحيل

الجزء الحادي عشر

خرجت حياة من مكتب مراد متعصبه من طريقته معاها حست انه بارد ومعوج وشايف نفسه هي من بساطتها شايفه ان كل الناس لازم تبقي زيها مش بتقتنع بفكره ان كل مستوي ولي اسلوبه وطريقته وان الناس طبقات.

حياة طلعت موبايلها من جيب بنطلونها الجينز وطلبت رقم بنت خالتها بيسان .

بيسان: الو حياة حبيبتي عامله ايه طمنيني عليكي قتلتي حد النهارده ولا لسه شويه .

حياة: بعصبيه ونرفزه من مراد وبروده معاها بقولك ايه يابيسان الله يخليكي انا ماطايقة روحي اساسا ده المدير بتاعي طلع نفس الشاب الرخم الي قابلني يوم الانترفيو الي حكيتلكم عليه فا ماتقوليليش استحملي وجاري الجو الله يكرمك.

بيسان : يعني عايزاني اقولك ايه مثلا روحي اتخانقي معاه وعوريه في وشه ولا ايه ولا انتي عايزه ترجعي البلد وتستني العريس يجي يطلعك من حبسه البيت انتي ايه مابتعرفيش تخدي صاحب الا بعد خناق وبهدله اهدي شويه حبيبتي.

في نفس المكالمه اسيل كانو عاملين كومفرنس بينهم هما التلاته . اسيل : يا بيسان المثل بتاعك قديم اوووي ماينفعش دلوقتي اصلا انتي معني كلامك انها تفضل ماشيه وراه تقول حاضر ونعم وخلاص عشان هو مديرها يعني .

حياة : بقله حيله يعني انتو كده مثلا عطتوني حل انتو عملين تحدفوني لبعض وبتغنو وتردو علي بعض وانا هنا حاسه إن الدنيا بتبوظ فوق دماغي قولولي اعمل ايه انصحوني الله يستركم.

بيسان بجدية : والله ياحياة شايفه ان الشغل ده كله مشاكل وأوله كدب وخدعه فا رأي تسيبيه فورا.

اسيل بصوت الضمير الصاحي : اوعي تسمعي كلامها ياحياة مش محتاجه اقولك لو ده حصل انتي هيجرا ايه فيكي لو سبتي الشغل كملي شغلك زي ما انتي هاه يلا روحي شوفي الي وراكي عشان اشوف شغلي انا كمان .

حياة : سلام

بيسان : سلام.

قفلو الخط هما التلاته وانتهت المكالمه وحياة في حيرة ما بين تكمل واستحمل غلاسه مديرها او تسيب الشغل وترجع البلد وفي الحالتين فا ده هيبقي ضغط أعصاب لكن قررت تفكر شويه وتشربلها فنجان قهوه عشان تعرف تركز.

في فيلا عزت .

أنور نايم في اوضته علي سريره الي كله بلون الأبيض والحيطان بلون السما دخلت تاليا تصحيه.

تاليا : انور يا أنور ياحبيبي اصحي كفايه نوم كده عندك شغل.

أنور وهو غرقان في النوم: أمي لوسمحتي سبيني انام انا مصدقت انا نايم الصبح حرام عليكي .

تاليا بعصبيه وغل : اصلا كل الي بيحصل لنا من تحت راسك انت بسبب سهرك وتسيبك ده ورجوعك كل يوم وش الصبح.

أنور ب**ل. يعني تقصدي ايه يا أمي بمشاكل بسببي هو في ايه .

تاليا: يعني يا أنور مش عارف بسبب ايه قوووم يابني بقي ريحني وروح شوف شغلك لازم تبقي موجود في الشركه مع مراد ولا عايزه ياخد كل حاجه منك وي**ب ثقه ابوك فيه هموت بسببك يا أنور.

أنور بعدم اهتمام لكلام مامته : تمام هو ده الموضوع الي معصبك اطمني ياماما كل حاجه تمام ماتقلقيش.

بعد معاناه : صحا أنور وقام رمي الغطا من عليه ووقف قصاد امه وباس رأسها وغازلها وراح ياخد دوش .

مراد وتالا وحياة في المكان المخصص لتصنيع اتواب القماش مكان واسع وضخم كله مكن وترابيزات باحجام كبيره جدا لفرد الاتواب عليها بيمشي مراد وسط المكن والترابيزات ووراه تالا وحياة .

مراد: صحيح يا تالا ايه وضع المجموعه الي هتنزل في الشتا.

تالا بسرعه: التصاميم قربت تخلص يا مراد بيه .

حياة بتطفل: لكن احنا لسه في الصيف ازي بتسال عن تصاميم الشتاء.

مراد اتعصب منها وقالها مش بحب الملاحظات مش بتكلم انا عشان تعدلي عليا انا فاهم بقول ايه كويس ياريت تركزي في الشغل الي يخصك وبس.

حياة باحراج: اوك انا اسفه مش قصدي حضرتك.

مراد بيوجه كلامه لتالا: كلفيها بشغل الاحداثيات يا تالا وسابهم ومشي .

حياة لتالا: ممكن افهم ايه المطلوب.

تالا: اوكي حبيبتي اكيد هفهمك هتتفضلي تنقلي الشغل بين الاربع أدوار وهتطلعي لهدير في الدور الأول وهي هتشرحلك كل حاجه بالظبط.

حياة بنرفزه وبتهبد رجليها علي الارض زي الاطفال : اووووف ورفعت ايديها بغرور ورجعت خصلات شعرها علي ورا وطلعت لهدير وسلمتها كفرات فيها فساتين وأوراق وفضلت طالعه من الاول للتاني لحد الدور الرابع طالع نازل بتاخد حاجات تودي حاجات وفساتين وملفات بتوزعها علي المكاتب.

أنور جاي بسرعه من باب المكان المخصص لعرض الفساتين وحياة خارجه منه وحصل بوم وخبطو في بعض .

حياة : جرا ايه بقي في اليوم الي مش معدي ده ماتفتح انت كمان هي ناقصاك.

أنور بعدم فهم: ايه ده هو حضرتك بتكلميني انا .

حياة بتنتبه علي طريقتها واسلوبها: اوه سوري انا بعتذر منك مش قصدي انا مضايقه من حد تاني سامحني .

أنور بتأكيد وكأنه دخل جوا دماغها: انا عارف ان اكيد سبب عصبيتك دي الاستاذ مراد بيه السويفي مش كده .

حياة وماصدقت ان حد جاب سيره مراد: صح انت حزرت صح اد ايه هو شخص غلس ورخم ومغرور اووي ايه الق*ف ده.

أنور: معلش هو في الشغل بيكون كده .

حياة : خد بالك الي قالك المعلومات دي غلطان.

أنور: ومين قالك اني حد قالي معلومات انا بتكلم عن تجربتي الشخصيه معاه انا ابقي اخوه الصغير.

حياة ب**وف واحراج من ان أنور طلع الأخ الكبير لمراد: اوووف انا شكلي هببت الدنيا خالص هترفد صح .

أنور بضحك : لا طبعا هو مراد اوقات بيستاهل الي بيتقال عليه هههههه.

وعدا اليوم وحياة ومراد وتالا وانور مطحونين شغل. خلص يومهم وروحت حياة علي بيت خالتها فادية وقابلت اسيل في طريقها وروحو سوا .

حياة داخله من باب الشقه ووراها اسيل وقفو يقلعو الشوزات بتاعتهم وفجاءه حياة بتبص قدامها علي مكان السفرة لقت مامتها امينه بتجهز الغدا وبتقولهم حمدالله علي سلامتكم يابنات .

حياة: بأستغراب امي هو مش مفروض احنا ودعناكي الصبح وكنتي راجعه البلد تاني ليه لسه هنا انتي .

امينه: بلامبلاة عادي ابوكي رفض اني ارجع عشان عارف خلفته مش سهله وقالي ممكن تكون بتضحك علينا دي مش سهله دي محدش يطيقها في مكان ليوم واحد اصلا .

حياة: بزهق وعدم رد ودخلت اوضتها وهي هتموت من الغيظ وحاسه بأحباط.

في فيلا عزت بيه وتحديدا في الجنينه .

عزت: لابس ترنج كحلي في رصاصي وبيلعب مع أنور كره سله ومعاه أنور : لابس تي شيرت ازرق وبنطلون سبورت اسود . بيلعبوا مع بعض وبيهزرو وانور بيتحدي عزت انه هي**به وعزت م**م انه هو الي هي**ب أنور وفجاءه دخل عليهم مراد لابس تي شيرت رصاصي وبنطلون سبورت اسود وقرر ينضم بيهم واتحداهم انه هي**بهم وضحكو مع بعض وكانو في منتهي السعادة .

لكن تاليا كانت شايفه ان الي عزت بيعمله ده عشان يقرب عياله لي ويقرب أنور من مراد اكتر عشان يقفو جمب بعض في الشغل أن دي محاوله منه فاشلة.

في صالون الفيلا مراد قاعد علي كنبه الصالون وماسك ايباد وبيدور علي حاجه علي النت ومركز اوي وجمبه اباجوره نورها هادي بلون الأبيض وليها قاعده لونها فيروزي وعزت كان نازل من علي السلم من الدور الي فوق وشاف مراد اعد اتكلم معاه وقال.

عزت : يامراد يا ابني محتاج اعوض كم السعرات الي حرقتها في لعب الباسكت قولي تحب تاكل ايه معايا يا حبيبي.

مراد : لا يابابا انا مش جي علي بالي اني اكل حاجه بكره عندي اجتماع بدري في الشركه محتاج انام عشان اكون هناك في المعاد انا كنت مستنيك عشان اقولك تصبح علي خير.

عزت: يا ابني اقعد معايا الشغل مش هيطير يعني.

مراد : بقي عزت بيه السويفي الي بيقول ان الشغل مش هيطير غريبه دي .

عزت : والله يابني السن كل ما بيكبر كل ما نظرتنا للحياة بتختلف وتتغير وفي اولويات هتحس انها اهم كتير من الشغل وهي اني اتقاعد واقعد في البيت اهتم بنفسي وصحتي وتاليا وجدتك كريمه واشوفكم واقرب منكم كأب انا اهتميت بالشغل اكتر ما اهتميت بيكم ياحبيبي.

مراد: والله يابابا ده قرارك واكيد احنا يهمنا راحتك فا اعمل الي يكون في راحتك انت فاهم الشغل هيمشي كأنك موجود واكتر كمان ماتقلقش.

عزت : أنا عارف طبعا انت يامراد ياحبيبي تفوقت عليا في الشغل كمان مش زي ربنا يكملك بعقلك ويهدي اخوك أنور.

مراد بحب : ربنا يخليك لينا يا بابا وانور مسيره يهدي ويعقل خليه يعيش سنه ماتخافش عليه يلا بقي اقولك تصبح علي خير حضرتك عارف بحب ابقي قبل معاد الاجتماع بشويه وقت اكون موجود.

عزت وهو بيحضن مراد : وانت من اهل الخير يابني اشوفك الصبح علي الفطار .