مفيش مستحيل

الجزء السابع عشر

وصل مراد علي الشركه ونزل من عربيته قدام مبني الشركه ودخل ركب الاسانسير وقبل ما الباب يتقفل كانت حياة بتمد ايديها وبتسحبه ووقفت جمبه وداست علي الدور التالت الدور الي في مكتب نوران.

مراد بثقه : كنت متأكد انك هتيجي تعتذري وتعترفي بغلطك .

حياة : لا جايه اشكر حد هنا يستاهل الشكر .

مراد بنفس الثقه : اكيد جايه تشكريني انا اني ما اتكلمتش وحكيت حاجه عن الي حصلت من ساعه ماجيتي الشركه .

حياة : اكيد لا انا جايه اشكر مدام نوران علي الي عملته معايا وطلعت ايديها قدام وشه بشنطه هدايا .

مراد : ات**ف ووشه جاب الوان ولف وشه وكان قرب يطلع دخان من الغيظ واتكلم وقال أنور قالي انك مش انتي الي قولتليه عن موضوع المشروع الجديد.

حياة: مش ملاحظ يا مراد بيه انك اتأخرت اوي لحد ما فهمت ايه الي حصل .

مراد : قرب عليها ومسكها من دراعها وجت عنيه في عنيها : يمكن أنور حب يخبي ويداري عنك .

حياة: حقيقي مش عارفه انت ازي عايش كده اد ايه ياحرام حياتك حاده وصعبه جدا انت حتي مش واثق في كلام اخوك الي مالوش اي مصلحه عشان يدافع عني وينكر حاجه عشان يخبي عني وخلاص .

مراد : مستحيل اشك في كلام اخويا طبعا انا بثق في لكن برضه حتي لو دي الحقيقه مش معقول اسامحك علي غلطات انتي عملتيها.

حياة : انت ليه عمال تتكلم في نفس الموضوع يمكن عشان كنت نفسك تطردني لكن انا سبقتك واستقالت .. وزقته ونزلت من الاسانسير في الدور الي في نوران.

نوران اول ماشافتها فرحت بيها اوي انها جت وفكرت ان حياة رجعت الشغل تاني .

نوران : حياة مش ممكن مفاجأه جميله جدا انتي رجعتي تاني .

حياة : لا يا مدام نوران انا جايه اشكرك بس علي مساعدتك ليا يوم ما وقعت في البسين ونضفت الفستان وجبتهولك وسابتلها الشنطه ومشيت.

ولما نزلت حياة وقبل ماتخرج من باب الشركه خالص كانت مرام في وشها وفضلت تتريق عليا وتعاملها بمنتهى قله الذوق والعجرفه وعلامات الشماته مرسومه علي وشها ان مراد طردها من الشركه.

حياة : مش بتعرف تسكت وتسيب حقها ... لا يا مرام هانم انا الي قدمت استقالتي مش مراد بيه الي طردني وعزت بيه حاول كتير معايا عشان اغير رأي لكن انا رفضت فا ريحي نفسك انا مكنتش جايه لمراد اصلا ممكن تبعدي عن طريقي عايزه امشي وسابتها ومشيت خرجت حياة من الشركه متعصبه ومشيت بسرعه وانور جاي بالعربيه فرمل عليها فا اتخضت وقفت مكانها .

أنور: ازيك يا حياة عامله ايه ايه يابنتي مالك كل ما اشوفك الاقيكي بتكلمي نفسك كده ههههه.

حياة : هههههه لسه ما وصلت للجنان لكن بحب اكلم نفسي وبعدين عشان تبقي اخر ذكري تفتكرني بيها لاني انا خلاص استقالت فعلا وطلعت بكرامتي .

أنور: تعالي يلا طيب اعزمك علي حاجه بسرعه مش هاخرك.

حياة : خلاص اوك يلا وركبت معاه وطلع بالعربيه .

اما في شركه السويفي وخصوصا مكتب مراد : دخلت نوران بفنجان قهوه وقالتله عزمت نفسي علي القهوه في مكتبك عشان عايزه احكي معاك في موضوع مهم شويه .

مراد : ماهو اكيد لازم يبقي مهم مانوران هانم مش هتيجي لمكتبي الا للأهميه قولي ياستي سامعك.

نوران : مرام بتكدب وحياة مظلومه .

عند أنور وحياة في الكافية وطلبو قهوه .

حياة : شكرا جدا يا أنور بيه .

أنور: مافيش داعي للشكر ده فنجان قهوه يعني وهخليكي تردهولي.

حياة بنفي : لا مش عشان دلوقتي عشان اتكلمت في حقي مع اخوك وحاولت تاكدله اني مش انا الي قولتلك موضوع المشروع الجديد بتاعه .

أنور: مش مستاهله تشكريني هو كان لازم يعرف لأنك فعلا معرفتش منك حاجه .

اما عند مراد لما سمع من نوران ان مرام هي الي كدابه مش حياة نزل من شركته جري ركب عربيته وساق باقي سرعه وراح لمرام عبي مكان التصوير واول ما شاف مرام سحبها من ايديها وهي تصرخ في ايه يا مراد مالك بس اهدا بتشدني كده ليه .

مراد بعصبيه : تعالي هنا بقي فهميني الي حصل .

مرام : ممكن تقولي حصل ايه انا عملت ايه .

مراد : بزعيق انا الي جاي اسأل مش انتي الي تسالي انتي تقدري تقولي عملتي كده ليه .

مرام : انا معملتش حاجه يامراد ما انا تمام اهو .

مراد بيفقد اعصابه وبيشد علي ايديها : يعني تظلمي خلق الله وتقولي كلام كدب وتقولي معملتش حاجه وانا تمام انتي يا مرام فاهمه قصدي كويس .

مرام بصوت عالي: يعني هي الحشره دي الي قالت وقبل ما تكمل كلامها شخط فيها مراد .

مراد: مرررررام خليكي واثقه ان مش حياة هي الي قالت علي الي حصل منك ارتاحتي انك عملتي ف*نه وكدبتي وخلتيها سابت شغلها وظلمتيها وشككتيني فيها انتي كده بتحبيني مثلا حذاري اسمع منك كلمه بحبك دي تاني فاهمه ولا لا انتي مريضه يا ماما وحاجه اخيره قبل ما امشي انتي اكبر غلطه حصلت لي في حياتي وسابها ومشي .

مرام : منهاره عياط .

عند حياة كانت سابت أنور ومشيت وماشيه لوحدها في الشارع وبتتكلم في التليفون بتقول مراد بيه مش مصدق اني مظلومه مش بس مش مصدق كلامي وحاططني في موقف محرج ولازم يعتذرلي.

بيسان بتريقه : اه صح مفروض يركع تحت رجليكي ويترجاكي تسامحيه.

حياة : هزارك ده مش وقته انا هروح اشوف تا**ي ولا أتوبيس يوديني لسونه عشان معرفش العنوان لوحدي .

بيسان : لا خليكي مكانك انا هاجي اخدك اوصلك بالعربيه احسن.

اما في فيلا عزت بيه كانت الجده كريمه في الجنينه بتراعي الورد والزرع ودي هوايه عندها ودخل عليها مراد من باب الجنينه طيب ليه بتعذبي نفسك ياتيتا ما عم محمد الجنايني يعمل كل ده .

كريمه : مراد حبيبي جيت امته يا ولد انت وحشتني مابشوفكش الا كل سنه مره وبعدين سايب شغلك دلوقتي وجاي لحد هنا اكيد في حاجه قولي يلا بسرعه .

مراد : حكالها عن الي حصل بينه وبين حياة الفتره الي فاتت كلها لحد اخر موقف لما سابت الشغل وكان بيشور عليها يعمل ايه بعد ماعرف الحقيقه واتأكد منها من اكتر من طرف .

كريمه : يا مراد يابني الظلم وحش وطالما مكدبتش ومظلومه ومغلطتش ومشيت عشان تشتري كرامتها لازم تعتذرلها مش عيب علي فكره الي غلط لازم يعتذر وبلاش الظلم .

مراد بحب : حاضر يا احلي تيتا هحاول اعمل كده وخلص كلام معاها وسلم عليها وطلع ركب العربيه وكرم ساق بي وطلع .

عند حياة قابلت بيسان لكن معرفوش يوصلو لبيت سونه وتاهو ووقفو في الطريق .

وبعد شويه وقت من التدوير علي سونه لقوها في جنينه جمب البيت بتعمل رياضه اليوجه.

سونه : قوليلي ايه الموضوع الي جيتي عشانه .

حياة : انا قدمت استقالتي يا سونه .

سونه بصدمه : ازي ده حصل وليه يابنتي كده هتكشف وبابا هيعرف ان انا مكنتش بشتغل هقول لبابا ايه دلوقتي انا بس .

حياة : تليفونها رن وكان المتصل مراد شخصيا .

سونه : ردي يا حياة اتفضلي صلحي الموقف انتي مديونه لي اتفضلي ردي .

حياة ردت بعد محايله من سونه .

الو مراد بيه خير في حاجه .

مراد : حياة ممكن اشوفك اتكلم معاكي شويه انتي فين .

حياة بلغبطه: انا بره البيت بتمشي مع بيسان صحبتي .

مراد : تمام اجيلك مكان ما انتي موجوده .

حياة : تمام هبعتلك لوكيشن.

وبعد شويه وقت : وصل كرم ومراد للمكان الي حياة قالت عليه وكرم نزل من العربيه وشاف بيسان جمب عربيتها غلس عليها وهي أول ما شافته دخلت جري جوا عربيتها وقفلت الازاز وكل حاجه عشان ماتسمعهوش .

كرم : وقفلها قدام شباك العربيه ينادي عليها ويضحك ويستفزها ايه مافيش ازيك عامل ايه فين المقا**ه الحلوه انتي ليه بتهربي مني .

بيسان : اسسسكت بس بقي سبني في عربيتي الخربانه .

نزل مراد من العربيه بعد ماكرم طول عليه وسالها عن حياة فين .

بيسان : راحت تشوف حد يساعدنا في تصليح العربيه اكيد مبعدتش كتير لأنها لسه ماشيه .

مراد : ركب عربيته وساب كرم مع بيسان وراح يشوف حياة .

حياة : اتفاجات انه وصلها .. خير عايزني في ايه اتفضل .

مراد: اقفي بقي مشينا كتير خلينا نعرف نتكلم وبلاش تهربي مني يا حياة.

حياة : انا مش بهرب منك يا مراد بيه .

مراد : امال ايه حركات العيال دي الي بتعمليها دي .