مفيش مستحيل

الجزء السادس

نوران م**مه الازياء ست جميله جدا بشرتها بيضه وشعرها برتقالي متوسط الطول مش بتحب الكأبه علي طول بتضحك وبتهرج شاطرة جدا في مجال شغلها ومش بيعجبها العجب ومش بتحب اي حد دمه تقيل خالص وخصوصا مرام عارضه الازياء والي فاكره ان مراد دايب فيها اصلا ودي حاجه بتخلي مراره نوران هتتفقع..

نوران: اعده في مكتبها في الشركه وراها استاندات لفساتين سهره أشكال وألوان وتفصيلات كتير مختلفه وكله من ت**يمها.. فجاءه قامت بسرعه من علي مكتبها عماله تشمشم زي القطط اول ما شمت ريحه حلوه ملت المكان كله .ايه الريحه الحلوه دي جايه منين وبقت تشم في الرايح والجاي ..فجاءه لقت أنور وراها وبيخضها اتفاجات بي ايه ده أنور بيه ايه البرفان التحفه ده .

أنور:انتي الي ايه الجمال ده كله عماله بتحلوي بس ده انتي المفروض يحبسوكي ويعاقبوكي علي الجاذبيه الي انتي فيها دي .

نوران :لو الجاذبيه ليها عقوبه انا مستعده اتحبس علي ايد*ك هههههه.

أنور:هههههه علي فكره بكده هيبقي حكمك مؤبد يانوران هانم لان الي بيقرب منك ويلمس خدودك دي بتتحرق صوابعه من قوه شخصيتك .

نوران:انا شايفه انك بقيت كيوت ورومانسي الفتره دي ياتري ايه المناسبه .. بس استني كده وريني هي ريحه البرفيوم ده تبعك ولا ايه عشان انا هتجنن ...وقربت عليه ومسكته من جاكت البدله وشدته عليها وفضلت تشم في هدومه وبعدين زقته بخفه بعيد وقالتله لا مش انت صاحب البرفيوم المطلوب .. نوران... انا هتجنن امال دي ريحه مين .

أنور: ريحه ايه يا بنتي في ايه بالظبط قايمه بدور المفتش ليه في حد هربان منك هههه.

نوران :ريحه الحب يا أنور ماليه المكان في ريحه حب في الشركه هنا ولازم اعرفها.

أنور:فين بس ده يا نوران دي تهياوات هو الحب ينفع يدخل شركه فيها مراد ده عدو الستات هههه.

نوران :لا يا أنور وبتشاور بايديها علي قلبها وبتقوله هنا في ردار قوي جدا بيقدر يشعر بالحب من اول لحظه والقلب ده مش بيخيب. انت بس الي مش بتعرف تشم الروايح الحلوه نسيت كل قصص الحب الي عدت عليا كلهم مناخيري دي هي الي شمت ريحه حبهم من اول مره ..

أنور: اه ده انتي يتخاف منك بقي يا نورتم بجد ومن حاسه الشم بتاعتك بس هو مش انتي عديتي مرحله الجنان من زمان ههههه.

نوران : هههههههه وبتسقف بايديها زي الاطفال بالظبط روحها خفيفه ودمها اخف وبتعشق الضحك والهزار وبتحب الحب واي حد بيحب هي بتكون فرحانه عشانه جدا وكانها هي الي واقعه في الحب ده . يا انور يا حبيبي ده ما اسمهوش جنان ده اسمه عشق بلاش جهل بقي .

أنور: طيب ياستي قوليلي ايه الي هيجيب الحب لحد الشركه عندنا.

نوران : لا لا اوعي تقول الكلام ده نصيحه هزعل منك اوعي تقلل من قيمه الحب . الحب الحاجه الوحيده الي مالهاش مكان ولا معاد معين ده بيجي فجاءه بدون استأذان وانا قولتلك اهو ان الشركه دي هيبقي في قصه حب زي قصص الروايات .

أنور: ضحك بسخريه وخد اديها انكاجيه ومشيو من المكتب .

نروح لمنظر البحر الجميل مع غروب الشمس ووقت دخول اليل وفي فيلا عزت بيه .بيتجمعو أنور ومراد والجده كريمه في اوضه الجده . اعد مراد وانور علي كرسين صالون موجودين جوا الاوضه وهي واقفه جمب ترابيزه موجود عليها بونببونيره وشمعدان من الفضه وبتجهز لهم الضيافه.

أنور: مراد الحق ستك شكلها هتضايفنا معني كده اننا اتقضي علينا حاسس إن في حوار ورا كل ده ههههه.

مراد :بس يا أنور هتسمعك ياعم وهتبقي مشكله انت عارف استني انا هسالها .

مراد.. خير يا تيتا بعتلنا وقولتي عايزانا .

الجده كريمه :وماسكه في ايديها طبق في حلويات وواقفه قدامهم وبتقدم لهم الطبق وبتقولهم انتو دلوقتي تاكلو من الحلويات دي الاول ... وحطو كلونيا من دي الاول افتح ايد*ك يا ولد انت وهو .

مراد :فتح ايديه من سكات هو بيحب جدته وبيحترم كلامها ورغباتها في اي حاجه بتكون عايزه تعملها مش ممكن يزعلها ابدا .

أنور : بيضحك بتريقه علي الي جدته بتعمله وقالها يا تيتا الحلويات حلوه جدا وطعمها جميل وماقولناش حاجه لكن الكلونيا دي ريحتها جامده اوي صعب ياتيتا. بس الجده ماسالتش فيه وحطتله عافيه هي عارفه أنور أنف ومعوج جدا وبتحب تعانده اصلا وهو بيحب يشا** فيها.

مراد ل أنور: انا مش فاهم في ايه هي بتعمل كده ليه

أنور: مش عارف والله ادينا مستنين.

مراد : في ايه يا تيتا هو انا غلطنا في حاجه لا سمح الله .

كريمة: اعدت قصادهم علي كرسي . هو في غلط لكن الغلط مش منكم انتو الغلطه مني انا عشان اول ما خلصتو دراستكم ما جوزتكش انت وهو وسبتكم كده لحد دلوقتي.

أنور ومراد بضحك .. يا الله علي السيره الي مش بتخلص أنور لمراد :. مش كنا قولنا انها نسيت موضوع الجواز ده يارب ارحمنا.

كريمه :ممكن من غير تريقه يا استاذ أنور لاني مش بهزر معقول اتنين رجاله زيكم زي الفل ما يخلونيش اشيل احفادي قبل ما اموت طب يرضيكم اموت قبل ما تحققولي حلم حياتي ..

مراد لجدته :يا حبيبتي ما احنا احفادك اهو وبعدين ربنا يطول في عمرك بعد الشر عليكي ..

أنور :كالعاده بطريقته الي كلها ضحك وتريقة وهزار. شوف يا مراد ستك مش معترفه اننا احفادها هههههه.

كريمه :اهو أنور ابتدا يهزر ويتريق والموضوع مش محتاج هزار يعني.

أنور: يا ستي انا هتكلم عن نفسي ماشي. بصي انا مش هزعلك هوعدك اني هشتغل علي الموضوع ده النهارده واسهر افكر لكن لازم تفهمي الكلام ده برضه لأخينا ده عشان مش مقتنع بالفكره بالمره

كريمه : اتلم يا أنور انا مش قصدي الي في دماغك .. انتو عرفتو بنات كتير وفي الاخر مافيش اي حاجه بتحصل فا لازم لكم واقفه وتحترمو نفسكم وتعملو عيله وتستقرو كده مش هينفع.

مراد :مقتول ضحك علي طريقه جدته وجديتها واصرارها علي الموضوع كأنه الدنيا هتخلص بكره مثلا .

أنور : والله يا تيتا انتي كل ما تتكلمي في الموضوع بتحسسيني اني عجزت خلاص ومابقتش نافع ولازم الحق نفسي يا ستي احنا لسه صغيرين خلينا نعيش حياتنا شويه الاول وبعدين نشوف الجواز

كريمه: يا ابني المواضيع الي زي دي ماينفعش فيها هزارك وطريقتك دي اتعلم الادب شويه .

أنور: بيرد علي كريمه بقولك ياتيتا طول ما اخويا مراد مش هيتجوز انا مش من حقي اتجوز ما يصحش هو الكبير ماينفعش الصغير يتجوز قبل الكبير مش أصول دي ولا ايه مش عاداتنا دي ولا بجيب كلام من عندي .

مراد :والله يا تيتا يا حبيبتي مش قصدي ا**فك لكن انا مش بفكر في الموضوع ده اصلا و انتي عارفه رأي في الحوار ده انا مش حابب اتجوز.

كريمه بتبص لهم وملامح الق*ف منهم علي وشها وقالت له امال قصص الحب الي بنسمع عنها دي مش بتخليك نفسك تعيش زيها .

مراد : لا كده الكلام دخل في سكه ماليش فيها تقدري توجهي النصايح دي لانور بيه .

كريمه : والله انتو عيال قليله أدب ما تربتوش اصلا بقي انا كلامي مواعظ ونصايح.احدفك بالفاظه انت وهو افتحلكم دماغكم دي يمكن الدم الفاسد ينزل ويتصلح حالكم.. سابت ألفاظة من ايديها وحطتها مكانها علي الترابيزه الي جمبها ونفضت ايديها ويكأنها خارجه من خناقه مثلا ههههه.

اما عند بيت فادية خاله حياة ..

اعده فادية خالةحياة ومامتها علي ترابيزه السفره

الخاله فادية: ماسكه في ايديها موبايل وفاتحه عليه صوره شاب وبتف*ج ام حياة عليها .

الخاله فادية:بصي صوره الشاب ده زي القمر مافيهوش غلطه بيشتغل مهندس معماري اهله كلهم ناس محترمه . بتوجه الكلام لام حياة ... ايه رايك لو نشوف الموضوع ده بما ان حياة حابه تقعد هنا في المدينه وماترجعش معاكي نجوزها هنا ونبقي خلصنا من وجع الدماغ ده ايه رايك

ام حياة :ايه الكلام ده يا فادية انتي جايه تقولي كده بعد ما خلاص لقت شغل وهتستلمه من بكره مع اني مش مصدقة والله انها لقت شغل بالسرعه دي بس مش بأيدي حاجه غير اني اصدقها انتي عارفه دماغها ناشفه ازي زي ابوها.. بس والله يا فادية عشان تبقي شاهده عليا وعليها انها لو طلعت كذابه هجوزها فعلا واخلص من ق*فها مورهاش الي وجع القلب البنت دي

فادية :والله يااختي مش لازم تضيعي الشاب شكله كويس وباين عليه الادب والأخلاق وأهله ناس طيبين ركزي في صورته كويس .

ام حياة :طب اديني النضارة كده عشان اشوف كويس .

فادية :بتمد ايديها لاختها بالنضارة خدي اهي ركزي كويس اهم حاجه .

ام حياة : اه والله شكله كويس ومحترم .خلاص وماله يتعرفو ويشوفو بعض وبعدين نشوف الحال هيمشي ازي .

فادية :بجد والله عين ال*قل الكلام ده كده صح اصلا شوفي شكله زي القمر ده يشبه الممثل ده الي اسمه احمد عز .

ام حياة أمينه :بتبصلها من تحت النضارة وبتضحك علي كلامها والله يا فادية انتي مالكيش حل مش طبيعيه انتي هههههه .

فادية .. وايه الي بيضحك في الكلام بكدب يعني هي هتلاقيه زيه فين بس .

ام حياة: مش قصدي والله بضحك بس علي كلامك لكن الصراحه الولد شكله كويس مايتعيبش.

اما عند حياة فاهي اعده هي واسيل وبيسان بنات خالتها في كافيه اعدين علي ترابيزه جمب الشباك الي بيطل علي البحر المنظر بليل تحفه شكل ميه البحر مع القمر في السما وهدوء اليل .

حياة اعده علي كرسي وحاطه رأسها علي ايديها علي الترابيزه. كانت لابسه فستان كت ملون بالوان قوس قزح وشعرها الي معدي نص ضهرها بلونه البني الي لايق علي لون بشرتها الخمريه وعيونها الواسعه الي كلها شقاوة بلونها العسلي.

بيسان بنت خاله حياة: اعده جمبها علي كرسي تاني محطوط علي ضهره جاكت بتاعها جينز وهي لابسه بنطلون جينز وبدي نص كم لونه اورنج وشعرها البرتقالي وسانده خدها علي ايديها وخاصه لحياة بتركيز .

اما اسيل :ب*عرها الاسود القصير الي لايق مع بشرتها البيضه الرقيقه لابسه شميز تركواز وعليهم بنطلون وجاكت بلون الأبيض اعده مربعه ايديها علي الترابيزه وكانها اعده في اجتماع او مقا**ه رسميه .

بيسان واسيل في نفس واحد هاه يا حياة احكيلنا عن الشغل ده ايه ظروفه .

حياة :والله هي شكلها شركه كبيرة اوي شبهه الي بيطلعو في التليفزيون دلوقتي شغلهم شكله مرتب وفي نظام ومسؤولية شكلها مش سهله بس تمام كفايه الراتب بتاعه كويس جدا بالنسبه لي ده غير انه قابل للزياده فيما بعد . لكن كالعاده يعني انتو فاهمين اني نحس ومافيش حاجه بتفضل عدله للآخر في الشغل هما فكرني اني اسمي سونه فا انا اتصرف ازي ولا انتحر ولا اعمل ايه بس .

اسيل بتريقه : حبيبتي الانتحار جريمه بيعاقب عليها القانون وانا بصراحه مش فاضيه الف وراكي في محاكم وسجون وكلام ده .

بيسان :حياة حبيبتي ولا يهمك انا باجي ازورك طبعا واجبلك كل حاجه نفسك فيها لحد ما الخمس سنين بتوع ال*قوبه يعدو ولا يهمك ههههههه.

وضحكو الاتنين عليها بيحاولو يلطفو الجو معاها لكن هي متضايقه جدا .

حياة :بطلو تريقه وهبل هاه الموضوع مش متحمل هزار انا فعلا مش عارفه اتصرف ازي افضل زي ما انا حياة ولا زي ماهما عرفو اني اسمي سونه .

اسيل :والله انا رأي تفضلي بنفس الشخصيه الي هما عرفوها لفتره لحد ما تشتغلي وتثبتي في الشغل احسن ماترجعي تاني علي البلد لابوكي لحد ما يجيلك ابن الحلال .

بيسان :لا يا اسيل انا ليا رأي تاني راي ان حياة لازم تكون ص**حه معاهم وتروح بكره الشغل وتتكلم معاهم وتوضح سوء التفاهم الي حصل وفهميهم انك مش البنت الي اسمها سونه وعرفتهم وضعك واحكيلهم حكايتك ايه لو ليكي نصيب هتشتغلي باسمك وشخصيتك مش هتبقي مجبره تنتحلي شخصيه حد تاني مالكيش نصيب يبقي خلاص اكيد مش خير ليكي ويبقي معملتيش حاجه غلط وهما بالشكل ده اكيد هيحترمو صراحتك وانك مضحكتيش عليهم وان شاء الله يكون لك نصيب فيها لو دي خير ليكي ياحياة لكن بلاش تسمعي كلام اسيل دي متهوره ودماغها بايظه وواخده كل حاجه عافيه سيبك منها.

حياة:بتبص حياة لبيسان بحب علي دعمها ليها وانها بتديها طاقه ايجابيه وثقه في شخصيتها.

اسيل : اوعي ياحياة تنفذي الي بتقوله البنت دي دي مخبوله ازي تضيعي فرصه شغل زي دي مش هتكرر تاني ولا انتي عايزه خالتي تاخدك معاها وترجع البلد.

بيسان :وليه اصلا تخدها هي ممكن تدور تاني علي شغل وهتلاقي احسن من ده لكن ليه نقدر البلا قبل وقوعه ونقول الدنيا هتبوظ وبعدين اكيد خالتي امينه ست عاقله ومتفاهمه يعني هتبقي متفهمه الوضع ايه وان الشغل مش بيتلاقي في يوم وليله كده.

حياة: انا لا عايزه اعمل حاجه غلط وممكن بسببها اتحبس اني انتحلت شخصيه حد تاني .. ولا برضه عايزه ارجع البلد افهموني بقي والأهم من ده كله بقي الولد الزفت الي شوفته هناك مش عايزه اشوفه ولا اتخانق تاني معاه قالت الكلام ده بعصبيه تشبه عصبيه الاطفال ونفخت بضيق بشفايفها الي زي الفراولايه وحطت ايد علي الخد ده وايد علي الخد ده وبوزت .

اسيل : خلاص بسيطه ما انتي اهو عندك شغل وهتنزلي بكره ليه بقي مكبره الموضوع يابنتي استغلي الفرصه بلاش عبط قومي يلا خلينا نلحق نروح ونظبطلك الطقم الي هتروحي تحضري بي اول يوم شغل والله والقطه كبرت وبقت عامله وهتشتغل.

اسيل :بطلت كلام مع البنات وندهت للمتر بتاع الكافيه عشان تطلب الشيك بتاع الحساب عشان يمشو .

اما مراد وانور :في الطريق في عربيه مرسيدس سوده راكبين في الكنبه الي ورا ماشين في شارع هادي شويه والدنيا ليل وجو تحفه .جوا العربيه أنور بيكلم مراد.. صحيح يا مراد قولي ايه اخبار المساعده بتاعتك الجديده سمعت انها جت علي المكتب النهارده لكن نسيت أسألك من بدري ايه حكايتها.

مراد :والله جسمي قشعر من اهتمامك يا انور بيه مستحيل الاهتمام بالشغل للدرجه دي .

أنور: انت ايه يابني ل**نك ده ايه مبرد ولا سيف مسنون مابتفوتش حرف كده ايه ده غريب والله.

مراد : والله كان نفسي اختار المساعده بتاعتي لوحدي وبنفسي لكن أوامر السيد الوالد عزت بيه كانت واقفه ضدد رغبتي ومقدرتش اتكلم طبعا دي جايه تبع صاحب ابوك .

أنور: ياه عليك يا أخي ماتحبكهاش كده هي يعني هتعضك مازيها زي الي كنت هتختارها اهي مساعده وخلاص مهم انه شغلها يكوم كويس والأهم تكون حلوه ههههه .

مراد :مش دي المشكله يا أنور. لو شوفتها دي كارثه حاسس انها مصيبه ووقعت فوق راسي ..شكلها مغروره ولا مجنونه وشايفه نفسها مش عارف ليه حاسس الفتره الجايه المشاكل بيني وبين ابوك بسبب المصيبه دي دي مابتعرفش تقول كلمه عدله واحده كل كلامها دبش ازي دي هتتعامل مع عملاء وموظفين ومعايا انا تحديدا مش فاهم ربنا يستر .