مفيش مستحيل

الجزء الرابع عشر

في لوكشين التصوير كان مكان كله ورد وزرع وحمام سباحه وشجر وال**ت كله بيشتغل الي بيركب الكاميرات والي بيخبط الاضاءات ومجموعه بنات موديلز مستنين التصوير يبدأ.

مراد ساب أنور ونوران واقفين سوا وراح يتابع التحضيرات التصوير.

مرام : واقفه علي باب الكرفان شايفه مراد واقف مع العمال ويتابع بنفسه الخطوات الي بتخلص جت وهتسلم علي مراد وهتبوسه مراد بعد نفسه عنها ومدلها ايديه وبعدين مشي وراح لنوران وقالها يلا يا نوران نروح علي التصوير .

نوران : اوك يا كوتش ومشيت وراه فورا.

مرام :راحت علي مكان التصوير وبدأت تاخد وضعيات التصوير وأعدت علي مرجيحه كلها بالورد لكنها دايما مش عاجبها حاجه خالص كانت لابسه فستان لونه سيمون خامته شيفون طويل مفتوح من الص*ر بدوران واهده وماسكه في المرجيحة وبتتصور وفجاءه المرجيحة وقعت بيها والكل جري عليها معادا مراد.

مراد: شاف حياة جايه من بعيد لكن وهي ماشيه بالصندل بتاعها بكعب العالي دخل في صفايه البسين ومعرفتش تشد رجليها واتكعبلت وقعت في الميه جري عليها مراد وحاول يطلعها .

حياة : بصتله اوي وسرحت في عيونه وفضلت ساكته .

اتكلم مراد: ممكن اساعدك تطلعي ولا لا .

حياة بعند: لا ميرسي لحضرتك انا اعرف اطلع كويس وجايه تطلع اتزحلقت وكانت هتقع تاني في الميه .

مراد: بحركه سريعه لحقها ولف ايديه ورا ضهرها بقيت عنيه في عنيها .

حياة : اتوترت لكن فضلت شويه وقت قريبه منه لحد ما سمعت صوت مراد وهو بيقولها هتفضلي كده كتير ورانا شغل .

حياة : في **ت سندت عليه وطلعت بسرعه اختفت من قدامه .

نوران خدت حياة علي الكرفان وخلتها قلعت هدومها المبلوله ولبست برنص حمام لونه ازرق وفوطه علي شعرها لونها بيج .

حياة : مسكت تليفونها وطلبت اسيل وبيسان وبتقولهم علي الاجتماع الي مع مراد وان المفروض هي مطلوب منها تترجم الحديث الي هيدور بين الوفد وبين مراد وانور .

اسيل : مفروض نعمل ايه بقي احنا يعني .

حياة : معرفش اكيد لو اعرف حل مكنتش اتصلت حلوها معايا.

اسيل : طيب بصي ممكن نحاول نتواصل مع سونه جايز يكون عندها حل .

بيسان : طيب انا ايه قصتي دلوقتي في المكالمه دي انا عندي شغل .

حياة : قالولي في اجتماع ومش عارفين هيبدأ امته ويخلص امته وطلبو أبلغ اهلي اني هتأخر فا كلمتك انتي تعرفي تقولي لماما انتي فاهمه انهم يعرفو ان امي ميته من زمان . يلا سلام .

بيسان : يلا سلام.

نوران : اعدت جمب حياة علي كرسي ورا الكرفان وعرضت علي حياة انها تساعدها عشان في اجتماع بعد نص ساعه وهي لسه بالبرنص.

وراحت حياة ورا نوران دخلو الكرفان .

والمساعدة جابت مجموعه فساتين عشان تختار منهم واحد لحياة هي م**مه تضايق بيها مرام .

نوران: سحبت فستانين من المجموعه الي جابتها المساعده بتاعتها وفردتهم قدام حياة تختار منهم واحد لونه احمر قصير توب والتاني ابيض مشجر بفروع شجر كت قصير .

حياة : لاااا ولا واحد منهم صعب جدا دول مفتوحين خالص واوفر علي الاجتماع بصراحه لو في حاجه محتشمه شوية ياريت.

نوران : بعصبيه انتي هتلبسي الاحمر ده ومافيش نقاش اسمعي كلامي وسابتها مع الفستان وطلعت بره الكرفان.

حياة : بعد ربع ساعه خارجه من باب الكرفان لابسه صندل احمر والفستان الاحمر الي اختارتهولها نوران وفي ايديها ملفات تخص الاجتماع ونازله من سلمتين الكرفان.

كان واقف مراد مع الجروب الي بيظبط مرام ووراه كرم السواق.

مراد : بيلف وشه وفجاءه شاف حياة طالعه وكانها حوريه من الجنه وحرك شفايفه من غير صوت وااااو وثبت عنيه عليها محركهاش خ*فت قلبه من اول ما شاف شكلها الي زي القمر وكل الي كان موجود سواء بنات او شباب عمال او عارضات ازياء كله لفت نظره شكل حياة وفستانها الي زاد جمالها حلاوة.

حياة : قربت من حياة وقفت قدامه وبصوت واطي انا جاهزه مراد بيه .

مراد : وهو سرحان فيها اه اه وانا كمان جاهز يلا يا كرم حضر العربية.

كرم: تمام حضرتك لحظة وتكون جاهزة .

مراد : شاور بأيدية لحياة انها تمشي الاول قدامه من الذوق ان ليدي في جمالها ده لازم تمشي ويمشي وراها طابور .

حياة : اتحركت بخفه الفراشه ومشيت قدامه .

مرام :كانت هتولع من الغيظ .

نوران : كانت فرحانه فيها وانبسطت اكتر انها هي السبب في ان مرام تتغاظ.

مراد : وقف قدام العربيه ومد لحياة ايديه عشان تمسكها وتطلع العربيه .

حياة : حطت كف ايديها علي كف ايديه وطلعت العربيه وهو وراها .

أنور واقف لوحده شاف مرام وهي جاية عليه عمل مش واخد باله وقرر ينفذ خطه نوران ويضايقوها.

أنور لنفسه : اد ايه محظوظ يا مراد شاطر في الشغل وشاطر في الحب احلي حاجه ان تلاقي الحب الي عشتها من الطفوله يابختك ياعم.

مرام : أنور انت بتقول ايه الكلام ده بجد البنت دي حب مراد من صغره .

أنور: اقولك ايه ولا ايه بس دول مكنوش بيفترقو بس هي كانت مسافرة بره كملت دراستها وعاشت كتير ورجعت قريب هو انتي فكرك هما ريحين اجتماع بجد .

مرام بغيظ : امال هيروحو فين يعني ماهو في اجتماع فعلا .

أنور بأستفزاز وخبث: ههههههههههههههههههه ع**طة اوي انتي يا مرام دول ريحين يتغدو ويقضو اليوم سوا وموضوع الاجتماع ده حجه مش اكتر .

في الطريق وفي عربية مراد : حياة : اعده جمب مراد في الكنبه الي ورا ومحرجة منه ومن فستانها عشان ص*ره مفتوح اوي .

مراد : بطرف عنيه متابع كل حركه حياة بتعملها وفجاءه اتكلم وريني كده الملف الي في ايد*ك .

حياة : مدت ايديها عطيته الملف وكملت بص من ورا ازاز العربيه .

وصل مراد وحياة علي مقر الشركه الي هيتم فيها الاجتماع وقفت العربيه قدام مبني ضخم لشركه عالميه في تصنيع الفساتين والازياء .

مراد : فتح باب العربيه ونزل منها قدام باب الشركه وقف قدام باب العربيه ومد ايديه تاني لحياة .

حياة : بصت لمراد بنظره مش مفهوم منها حاجه هل إعجاب او تحدي لكن مدت ايديها ومسكت في إيد مراد ونزلت ودخلت وراه مقر الشركه وكان المكان الي هيتعمل في الاجتماع او زي ما بيتقال غداء عمل واجتماع مع بعض كان المكان يشبه الكافيه او المطعم واسع ومليان ترابيزات وكراسي وفي بوفيه .

بعد شويه وقت بدا الاجتماع وبدأت تترجم لمراد كلامهم وكلام مراد ليهم .

اتفق مراد وباقي أصحاب الشركات والمصانع انه هيعتمد من كل مصنع منتجاته سواء ملابس او ا**سوارات او موبيليا هيكتسح السوق كله ووقعو عقود للاتفاق وخلص الاجتماع.

اما عند فيلا عزت اعده تاليا في الجنينه بتاعه الفيلا وقدامها حمام السباحه وسرحانه وبتفكر في الي مراد عايز يعمله وانه عايز يتميز حتي علي ابوه وهيستغل الفتره الي ابوه قرر انه يتقاعد فيها وبتفكر ازي تخرب الدنيا فوق رأسه كانت مكلمه أنور يجلها علي البيت ضروري .

فعلا انور اتحرك اول ماكلمته وفكر ان في مصيبه حصلت .

بعد شويه وصل أنور ودخلها علي الجنينه فورا بعد ما سال الشغاله تاليا هانم فين .

أنور: خير يا ماما جبتيني علي ملا وشي ليه حصل ايه .

تاليا بعصبيه : انت معرفتش حاجه عن المشروع الي اخوك عايز يعمله وبقاله سنين بيخططله.

أنور بلامبلاه: لا ومش بفكر اسأل واصلا مجتش فرصه بنا انه يحكيلي حاجه الموضوع اساسا مش مهم بالنسبه لي .

تاليا والغل مالي قلبها : انا عرفت ايه هو المشروع بالظبط .

انور : وايه هو بقي المشروع يا تاليا هانم كرومبو.

تاليا : اخوك ناوي يعمل علامه تجارية للشركه .

أنور: بمعني ايه علامه تجارية يعني قصدك ايه.

تاليا بنرفزه من غباء أنور: يعني هيبقي بيشتغل في كل حاجه نشاطة مش هيتوقف علي نشاط الشركه الأساسي والي هو الازياء ده هيبقي ازياء وكل ما يخص ذلك من شوزات لشنط لا**سوارات لموبيليا كل حاجه.

أنور بحب : والله مراد ورجع هيرفع رأسه في السوق من تاني .

تاليا بحقد : يعني هو فجاءه بقي عايز ينفذ في الفتره الي ابوك عايز يتقاعد من الشركه ويسلم المنصب لحد فيكم .

أنور بعدم تصديق لافكار تاليا إلى بتحاول توصلهاله بطريقه غير مباشرة : لا يا ماما بلاش الكلام ده مراد مش وحش زي ما انتي معتقده كده .

تاليا بأصرار علي موقفها : ازي يعني اصلا اخوك لو كانت نيته من نحيتك كويسه مكنش خبي عليك بموضوع المشروع ده واحد خطوات تنفيذ فيه ده حتي مش عايز يعرف ابوك حاجه اساسا.

أنور: ما اتكلمش وسكت خالص واستأذنها وقام من قدامها.