مفيش مستحيل

الجزء الثامن

كانت بيسان جايبه كل الشوزات الي عندها الي بتشتريها من مرتبها ومش بتلبس منهم ولا حاجه لأنها مش بتخرج غير للشغل بس .

بيسان : مدت ايديها علي الارض واخدت شوز بيج فيرنيه بكعب عالي وقالتلها جربيه ده هيبقي تحفه عليكي والله جديد ما لبسته خالص .

حياة : اخدت الشوز من ايديها تلبسه وبقيت مش عارفه تقف بي هي عادتها مش بتلبس غير كوتشيات

كل الشوزات بتاعتها علي الارض

بقت واقفه بتتمرجح كأنها واقفه علي حبل .

بيسان واسيل: عجبهم شكل الشوز في رجليها: اسيل : تحفه ياحياة جدا لازم تروحي بي هيبقي شيك اوي عليكي.

بيسان: ياخد ال*قل اصلا وشكله باين انه غالي انا عارفه جو الشغل لما بتكون في واحده جايه جديده

بيتعمل عليها حفله ويقعدو يفصصو فيها.

حياة : بتحاول تتحرك بالشوز وبتقولهم يابنات بس إن مش عارفه امشي بس عالي اوي وانا مش متعوده علي كده.

اسيل : ياروحي بكره تتعودي ولازم تاخدي علي المشي بي انتي هتبقي مساعده للمدير مظهرك مهم جدا.

حياة : قدام مرايه طويله زي بتاعه المحلات وواقفه بتعمل بروفا علي الشوز وبتشوف شكله ايه وكانت مبسوطه بي جدا هي اول مره تلبس كعب عالي .

واقفه جايه وحاطه ايديها في جمبها زي عرضات الازياء .رفعت ايد رجعت بي خصلات شعرها ورا ودنها وبتبص علي شكلها شمال ويمين.

امل عند مراد وانور فاهما اعدين في نايت كلوب وكل واحد فيهم ماسك كاس ويشرب بيره وده طبعا في وسطهم كان حاجه عاديه زي العصير بالظبط بالنسبه لهم.

انور: بينزل الكأس من علي شفايفه وبيلف بالكرسي وبيسند ايديه علي البار الي قاعد قدامه ومراد جمبه بقي وشهم مقابل لوش بعض .

انور : مش عارف يامراد البنات مالها بقت تجنن كل شويه بيزيدو جمال وحلاوة .

مراد: عارف من اول مادخلنا هنا وانا عارف انك مش هتطلع من هنا الا بخمس ست بنات مثلا.

انور :بيتكلم وهو هيمان خااص والله يا اخي بحبهم اوي هما اصلا احلي حاجه فعلا وانا مش بقدر اقاوم

مابالك بقي حد عايز يتكلم معايا.

فاهم انت اني مابقدرش ا**ف حد خصوصا الج*س اللطيف.

انور : طب بذمتك ركز شويه مع البنت الي بترقص هناك دي الي لابسه فستان احمر قصير

شوف اد ايه جميله ورقيقه وشيك في نفسها كده

اوعي تحط عينك عليها عجبتني قبلك ههههه.

مراد : هههههه اه طيب والخمسه الي قبلها ايه الي حصل فيهم .

انور: لا بجد يا مراد انت مش عارف ايه الحاجه الي بعملها انا بعيش حياتي بمزاجي وبحريتي وبتعرف

علي كل الي حواليا عشان ما اندمش

في الاخر علي اختياري.

مراد: يابني انت بتقول ايه انت اصلا الي زيك عمره مايعرف يحب اساسا انت بتقول اي هري وخلاص .

انور: الا اذا جت واحده تعقلني .

مراد : القصص دي مش هتعرف تعيشها دي يابني اخرك تشوفها في الافلام والمسلسلات .

انور: يعني قصدك يا مراد ان النهايات السعيده دي مش موجوده خالص .

مراد: خالص يابني اسمع مني ده وجع قلب فا اتهد بقي واعقل جاين نروق بالنا شويه هتجبلنا بنات وق*ف.

اما عند حياة واقفه قدام المرايا تقيس في هدوم لبست جيب قصير بالون الرمادي الفاتح وعليها بلوزه نبيتي بكم والص*ر مفتوحه سبعه صغيره ومدخلاها من جوا الجيبه وواقفه زي التمثال او كأنها بتعمل عرض المومياوات. بالرغم ان الطقم جميل لكنه مش عجبها شايفه انه رخيص مش هيليق ببنت المستشار علي اساس انها منتحله شخصيه سونه .

اسيل: بطبعها مغروره ومش بيعجبها حاجه فقالت لها هحاول اعمل مش شايفه البلوزه لان شكلها بلدي جدا

لكن بصي ممكن تفتحي زرار ولا اتنين وهتبقي قمر .

حياة بصالها باستغراب من الي بتقوله وما اتكلمتش .

لحقتها بيسان واتدخلت ورمتها بنظره كلها غضب من الي عملته واتكلمت مع حياة لالا ياحياة بلاش تعملي كده سيبك من كلامها.

حياة : اصلا انا مابحبش الحركات دي انا ريحه شغل مش كباريه ياختي وبعدين انا عندي طموح اني

اني مع الوقت ابقي انا المديرة بشغلي مش بالاغرأت.

اسيل : بس مش هتعملي ده باللبس القديم ده يا حبيبتي لازم يتعمل فيهم اي حركه كده.

حياة متضايقه جدا ومكشرة ومش عاجبها كلام بنت خالتها نفخت في وشها ونطرت ايديها من علي البلوزه

بيسان : عاقله شويه نوعا ما يعني ههههه يا اسيل القصه كلها انها تبقي شاطره في شغلها مش شكلها

ده الي هتقدر تثبت بي نفسها وتبقي مدير وجايز ربنا يكرمها وتبقي صاحبه شركه مثلا .

اسيل : بمنتهى الهدؤ بصي انا مش بعترف بكلامك وانتي عارفه اي شغل لازم يكون في شويه خفه ودلع

والمظهر مطلوب يابنتي الرجاله عموما عقلهم كله

مرتبط بالمظهر والشكل الخارجي واللبس.

وانتي لازم تاخدي عقله عشان تترقي بسرعه .

اما في النايت وعلي البار مراد وانور علي كرسين في آخر الصاله لكن في وش الباب الرئيسي بيلف مراد يبص علي الباب اتفاجئ ان مرام جت فعلا

اتضايق وبص لانور بغيظ عشان هو السبب.

واقفه مرام علي باب النايت لابسه فستان فضي قصير حملات رفيعه واقفه بتبص جوا الصاله علي مراد وانور وبعد دقيقتين بحث شافتهم رفعت ايديها

الطويله وشاورت لهم بايديها.

أنور: بيبص لمراد بشماته وانتصار انه قدر يعمل الي يضايقه وبيقوله باستفزاز ههههه اخيرا وصلت مراتك .

مراد: ماشي ياسي زفت حسابك معايا بعدين لما نروح علي عملتك دي .

مرام: جايه عليهم وتقرب ودخلت علي مراد وبتقرب لخدوده عشان تبوسه من الخد ده والخد ده .

مرام ل أنور: ايه يا انور اخبارك عامله ازي.

انور : علي فكره انتي بوقفتك دي ضيعتي عليا احلي منظر في المكان والسهرة دي كلها.

مرام: يا أنور ياحبيبي تقدر تقوم تتابع من هناك واسمحلي اقعد جمب مراد حبيبي ولا هتفضل اعدلنا كده .

أنور ببرود: لا انا مش عزول انا هقوم واسيبك لحبيبك مراد اتفضلي.

مراد بغيظ وبيكلم نفسه وبيبص لانور والشراره طالعه من عنيه وبيقول حسابك معايا بعدين يا أنور الزفت انت.

عند حياة لسه واقفه عند المرايا بزهق لابسه قميص ابيض وعليه جاكت لونه احمر وبنطلون اسود ضيق لكنها متعصبه لانه حاسه اللبس رسمي اوي وضيق عليها ومخنوقه منه مش استايلها خالص.

البنات : بيحاولو يهدوها ويهزرو بحيث يضيعولها التوتر ده : اسيل : حاولي تخدي شهيق وزفير

هتتعودي لحد بكره والله لأنه تحفه عليكي جدا

الون علي لون بشرتك يجنن يابنتي احنا الي شايفين

بيسان: ايه يا اسيل رغي رغي اسكتي شويه يا أمي مالك شوفي البنت وشها احمر ازي من ضيق نفسها

خلينا نشوف حل تاني .

اما مراد هو ومراد طالعين من الممر الي في النايت ممر طويل كله إضاءات بلون الأزرق والأحمر حاجه تليق بمكان زيه ماشي مراد جمب مرام مش طايق نفسه حاطط ايديه في جيب بنطلونه الكحلي وعليه تي شيرت ابيض وفوقيه بليزر كحلي ورافع اكمام البليزر وباص قدامه وماشي مش سأل في حد وعايز

يولع في مرام

مرام ب*عرها الكيرلي ووشها الرفيع الي مش لايق علي اي حاجه هي عملاها في نفسها لبست جاكت جلد قصير اسود فوق الفستان وماسكه شنطه صغيره سوده وماشيه جمبه بمنتهى البرود قربت علي مراد

ومسكت ايديه هاه قولي بقي هنروح فين ياحياتي.

مراد : تنح ورد بمنتهى الثبات انا رايح علي البيت ولف بص وراه علي انور وقالها ممكن تشوفي انور بقي.

مرام بدلع مالوش طعم: انور تعالي بقي شوف اخوك

قوله حاجه هو في حد يروح دلوقتي علي البيت .

انور وهو سكران شويه: لااا انا ماليش دعوه اتصرفو مع بعض مطيروش الكاسين الي في راسي .

مرام بدلع رخم: امممم وعوجت شفايفها.

مراد بعدم اهتمام سابها بتتكلم ومتضايقه وشارو بايديه لكرم السواق عشان يجي يقرب عليه .

كرم: فهم إشارة مراد وهز رأسه دليل علي التنفيذ وراح جري ساب صحابه الي واقف معاهم وراحله علي طول مراد طلب منه يجيب تا**ي لمرام عشان تروح لانه اكيد مش هيوصلها .