مفيش مستحيل

الجزء التاسع عشر

عند مراد في الفيلا واقف في المطبخ وبيعمل عصير لنفسه وبيبص علي ايديه لقا نقطه زرقا من البويه الي كانو بيلعبو بيها لما خرجو يقضو اليوم وفضل سرحان يفكر فيها ويتخيلها بتضحك وتجري وتهزر لحد ما فاق من شروده وابتسم لما لقي نفسه لسه واقف مكانه واتعجب ان ازي بنت قدرت تاخد عقله بالشكل ده .

عند حياة والبنات اعدين بيعرفو منها تفاصيل اليوم راحو فين وعملو ايه وحصل بينهم ايه وعلي مرام لما راحتلها علي بيت سونه الحقيقه .

حياة : يابنات لولا اتصال سونه بيا وطلبتني اروحلها فورا كنت هحكي لمراد علي كدبتي واني مش سونه وان انا حياة حسان مش سونه هاشم بنت المستشار صاحب ابوه .

بيسان : اوعي تقولي انتي غ*يه هتضيعي حلم حياتك الشغل ومراد وترجعي علي ابوكي وتقعدي تستني العريس .

اسيل : حياة بلاش كدب وكفايه قولي الحقيقه وريحي نفسك حرام تعب الاعصاب ده .

حياة بدموع : وانا بقول كده انا معرفش ازي كدبت عليه وعلي امي وابويا انا تعبت جدا .

اسيل : بلاش علاقتك بي تبدأ بكدبه كفايه كده .

خلص يومهم وكل واحده راحت تنام .

مراد صحا من نومه خد دش ولبس وراح علي الشركه بسرعه وشاف مرام ونوران واقفين عند المرايا ونوران بتظبط فستان نوران عمل مش شايف وكمل في طريقه لمكتبه لكن مرام شافته .

مرام بلهفه : مراد مراد صباح الفل عامل ايه .

مراد : حمدالله يا مرام خير جايه بدري يعني تتحسدي .

مرام : بخبث يا مراد انا عارضه ازياء وشغلكم مهم بالنسبه لي انا فخوره اني جزء من فريق العمل بتاعكم.

مراد : بعد اذنكم اسيبكم تكملو واروح مكتبي عندي شغل وفي طريقه للمكتب عدا علي مكتب حياة وتالا .

تالا واقفه : صباح الخير مستر مراد

مراد : صباح الخير تالا .

تالا: مراد بيه اتصلو بيا من شركه موضه وبيقولوا ان العرض الي شركتنا قدمته عجبهم جدا .

مراد بابتسامه : تمام حلو الكلام ده .

حياة اتكلمت : عندك اجتماع الساعه اتنين مع محامين الشركه والساعه تلاته مع سعد بيه .

مراد بتكشيرة: انا ماسالتش يا حياة ما قولتش اني عايز اعرف ورايا ايه ولو سمحتو عايز فنجان قهوه علي مكتبي .

تالا : يلا ياحياة مستنيه ايه اعملي القهوه ودخليها شكل مزاجه معكر.

حياة دخلت عملت القهوه في البوفيه بتاع الشركه وحطت معاهم كيك هي عملاه بايديها .

مراد : شكرا مش عايز ماليش في الحلو .

حياة : انا عملاها بأيدي حضرتك بس عموما اوك القهوه اهي ولسه هتمشي نده عليها مراد .

مراد : حياة ابوكي عامل ايه دلوقتي .

حياة : كويس احسن شويه الضغط كان تعبه شويه بسيطه وسبته وخرجت بره المكتب .

مراد : متعكنن وعمال يفكر في ان ابوها تعبان وازي هو هيسافر مع عزت ابوه .

خرجت حياة مضايقه وزعلانه وبتعيط انه **فها عشان محدش الكيك منها وكبته في باسكت الزباله .

عن بيسان : خارجه من باب الشركه هي وزميله ليها وقفت قدام الباب سلمت علي زميلتها ولسه هتمشي تليفونها رن بتشوف مين لقيته كرم صاحب مراد فتحت الخط انت ايه يابني مش بتزهق ٥٠ مكالمه وعشرين رساله في ايه كرهتني في الموبايل .

كرم بخفه دم : عشان مكنتيش بتردي يا قمري .

بيسان: امشي بقي ابعد عن حياتي بقي حل عني... وفجاءه لقيته وراها وفضلت تزعق وتبهدل في وسابته ومشيت .

في شركه مراد لسه نوران بتظبط فستان مرام وبعد شويه دخلت حياة وشافتها مرام وجريت عليها وهي شايله ديل فستانها زي الاطفال في ايديها وفضلت تحضن فيها وتبوسها.

حياة : استغربت من طريقتها وبعدت عنها .

مرام : حاولت تقلل من شكل حياة ولبسها وطريقة لبسها اد ايه قليله ومش متناسق مع بعض بخبث مش قصدي اضايقك حياة بس احنا هنبقي صحاب لازم اقولك يعني مظهرك يهمني بضحكه لقيمه.

نوران : اضايقت علي حياة خصوصا لأنها ماردتش علي مرام وقالت لها بما اني اكبر م**مه ازياء في شركه السيوفي فا مظهر انسه حياة يخصني انا واتأكدي انها هتمثل الشركه في احسن مظهر .

حياة : حبت تعترض وقبل ماتنطق كانت نوران قالتلها هششش.

نوران خلت حياة تقيس لبس كتير اطقم وفساتين أشكال وألوان الطويل والقصير والأ**د والملون وفي الاخر بعد معناه كبيره طلعت وهي لابسه فستان ابيض في روز قصير فوق الركبه وكت كان روعه ويهبل عليها وكأنها عارضه ازياء .

مراد قاعد في اجتماع مع عزت بيه وانور وتاليا مرات ابوه مراد وجه كلامه لتالا وسال عن حياة .

تالا : انا بعتها تجيب شاي وقهوه وجايه وفجاءه دخلت حياة بطلتها الي تاخد ال*قل شافها مراد تنحلها سرح في جمالها مدتله الصنيه بالشاي سحب الفنجان وهو باصص في عنيها وهي غرقانه في ملامحه وبعدين فاقت ووزعت علي الكل .

عزت : كنت اعد مع ابوكي امبارح يا سونه وتكلمنا عنك كتير جدا .

حياة : وشها اصفر واتوترت من كلام عزت الي قاله قدام مراد ومراد كان موصلها البيت عشان ابوها تعبان وقالتله ابويا انا يا بيه .

عزت : اه يابنتي ابوكي انتي مجبلكيش سيره وانتو في البيت.

مراد : يمكن تعب ومقدرش يحكلها وكانت طريقته تدل علي التريقه وانه عرف انها كدابه .

خلص يومهم في الشغل علي كده وكل ولحد روح علي بيته حياة مضايقه ان مراد شك فيها وهتطلع قدامه كدابه هي ماصدقت ان علاقتك اتصلحت معاه .

تاني يوم في الشركه كل واحد في شغله وكان في عارض ازياء جاي زياره لمرام باتفاق معاها عشان يبدأ يشاغل حياة عشان الطريق يفضي لمرام مع مراد .

زياد عارض الازياء: اوووه اسمك يجنن وملامحك جميله جدا وجسمك ينفع عارضه ازياء جدا وبيمد ايديه يظبطلها خصله من شعرها ومراد داخل المكتب وشاف المنظر ده الغيره دبت في قلبه شافته حياة وهي بيلف ضهره وهمشي جريت وراه بتحاول تفهمه .

حياة : مراد بيه لو سمحت استني لحظة افهمك .

مراد : خير تفهميني ايه .

حياة : بخصوص موضوع بابا في سوء تفاهم ولازم تفهمه .

مراد: حياة انا معنديش وقت اسمعك في مواضيع فارغه احنا في شغل اتفضلي شوفي شغلك.

مراد خلص شغل بدري ومشي رجع علي الفيلا ولسه بيفتح البوابه لقاها واقفه في الجنينه مستنياه .

مراد : حياة انتي ايه جابك هنا .

حياة : انا جيت عشان اعتذر منك انت لما غلطت في حقي جيت لعندي واعتذرت.

مراد : اوك حياة محتاج اغير اخد دوش واغير هدومي واتغدا ممكن تستني شويه لو عايزه لحد ما اخلص.

حياة : ممكن اجهزلك الغدا انا لحد ماتخلص.

مراد : تمام أتفضلي.

حياة كانت بتدور علي حاجات في المطبخ ومش لاقياها ولسه هتطلع من المطبخ عشان تروح تسأله لقيته طالع من علي السلم لافف فوطه علي وسطه وص*ره عريان وخبطت فيه عنيهم جت في عيون بعض وسرحت فيه كالعاده وفاقت من شرودها .

حياة : مراد بيه هو الخلاط فين .

مراد : بابتسامه خفيفه هتلاقيه في دولاب المطبخ علي الشمال .

حياة : سابته ودخلت المطبخ تاني وهو طلع يلبس هدومه ونزلها المطبخ عشان يساعدها .

عملو الاكل وحطته في الجنينه وقعد ياكل وهي قعدت تتكلم وتشرحله هي ليه خبت عليه موضوع مرام .

مراد : بصي يا حياة انا موتي وسمي الكدب والغلط احنا شغلنا ماينفعش في الكدب والغلط والصراحه مبدء مش بحب المبداء بتتغير .

حياة بدموع : انا اسفه مراد بيه مكنش قصدي اكدب انا عمري ماكدبت في حياتي كلها لكن مجبره عن اذنك لازم امشي .

مشيت حياة ودموعها علي خدها وراحت علي بيتها علي طول وفضلت اعده مع بيسان واسيل فضلت تعيط وتلوم حالها انها كدبت من البدايه وفي الاخر تعبت من كتر العياط وراحت تنام لكنها فضلت صاحيه شويه تتقلب شمال ويمين مش جايلها نوم لكن محستش بنفسها ونامت.