مفيش مستحيل

الجزء الرابع

اما في الشركه عند مراد السكرتيرة تالا : اهلا مراد بيه نورت الشركه حمدالله علي سلامتك

مراد :الله يسلمك . قوليلي ايه الاخبار الشغل والتقارير خلصت .

تالا: اه يافندم خلصت وكله تمام مش ناقص غير تتطلع عليهم وتوقع .

مراد: اوك هاتيهم علي مكتبي بسرعه صحيح والتقارير الي بتخص الشركه الالمانيه خلصت

تالا: خلص يامراد بيه .

مراد: تمام عايز اشوفه هاتيه مع التقارير التانيه.

تالا: تمام اوامرك يا فندم ... لكن في مشكله بتواجهنا بخصوص الاجتماع..

مراد : مشكله ايه بس خير ... هيكون في تأخير حوالي ربع ساعه .. مش مشكله الاجتماع بعد نص ساعه عادي ... لا حضرتك ماهما هيتاخر مده ساعه كده...

مراد : اعتبريه اتلغي وماتقوليش لحد .

السكرتيرة تالا: بس ازي اتلغي مش فاهمه .. عادي لما يوصلو ابقي بلغيهم ان الاجتماع اتلغي بسيطه اهي عشان كده يعرفو انهم بعد كده يحترمو مواعيدهم معايا انا بكرهه الاستهتار .

مراد :ليه الاسانسير وقف ايه حكايه اليوم النهارده كله عطله ولخبطه

تالا السكرتيرة: في مشكله بسيطه وهتتحل في اسرع وقت .

مراد : اتأخرتو كتير جدا العطل ده من امبارح ومفروض كان اتصلح دي شركه كبيره ماينفعش يبقي فيها أي عطل من اي نوع لأي سبب اتصرفي.

مراد :قوليلي ايه الي حصل في سيشن التصوير بتاع الكتالوج...

تالا : بيتم التصوير يافندم وكله ماشي حسب البرنامج الي اتحط ماتقلقش... لما نشوف دلوقتي اذا كان كلامك صح .

بيسان :ايه يابنتي بنتصل بيكي مش بتردي خير ان شاء الله تكوني اشتغلتي .

حياة استني بس اسيل تدخل المكالمة واقولكم الي حصل ..

اسيل :حياه من فضلك قولي انك اشتغلتي بالله وانم مش هترجعي البلد تاني و سمحتي

بيسان.. واضح كده انك ما اتقابلتيش وشكلنا هنقولك مع السلامه بليل وانتي بتركبي القطر .هههههه..

حياة : لا انسي الموضوع ده لأني ما روحتش المقا**ه اصلا كنت بعوم جوا صندوق زباله

بيسان: ليه ههههه قدمتي علي شغل في شركه النضافه واتقابلتي عامل نظافه .

حياة : بيسان والله ماناقصه كلامك وطريقتك دي ماتزوديهاش عليا .. كفايه الشاب الغلس الي ضيع عليا التا**ي وضيع عليا المقا**ه وسبيني عشان متعصبه جدا ومش طايقه نفسي .. غير اني رميت موبايلي في صندوق الزباله زي البقره وانا مش واخده بالي ..

اسيل : وليه يابنتي هو التليفون غلط فيكي اذاكي عملك حاجه عشان ترميه وتطلعي غلك في ده لسه جديد وعليه أقساط..

حياة : لا يابنات مش زي ما فهمتو لما ارجع بليل نقعد نتكلم وافهمكم الي حصل مع الي اتعامل وكأنه ابن وزير مثلا .

بيسان :خدي بقي النصيحه دي محدش هيقولهالك غيري . اول ما تشوفي شاب قمر كده وحليوه تديله رقمك علي طول وماتضيعوش من ايد*ك.

حياة : لما يطلع قدامي تاني انا عارفه هقوله ايه المره دي

اسيل :ليه بتفكري تقوليله ايه ان شاء الله

حياة : اكيد همسح بكرامته الارض يعني مش هحب واتغزل في جمال عنيه. يلا اكلمكم بعدين . الحق اروح المقا**ه التانيه ... البنات .. ودي فين المقا**ه دي .. دي شركه كبيره لتصنيع الملابس والفاشون وكده وطالبين مسئوله تباشر المواظفين.

مرام... الموديل متعصبه علي طول وشايفه نفسها مافيش زيها اتنين وهي وشها يقطع الخميره من البيت .

مرام: في التصوير كل شويه تبص في مرايا تظبط وشها وشعرها مهوسه بنفسها علي الاخر .

م**مه الازياء نوران :من فضلكم ياشباب حد يظبطلها فستانها.. ويعدل الديل شويه عشان شكلنا مش هنخلص من رتوش مرام هانم .

مرام : اوووف . حصل ايه يا مرام هانم.. بص شوف هنا في شويه لمعه .

نوران : لا كده كتير وصعب عليا عندي مراره واحده بجد مش هقدر اتحملها اكتر من كده لو مسكتها في أيدي محدش هيخلصها مني .

نوران: ياروحي علي الجمال قمر ياخواتي يلااا نكمل تصوير محدش هياخد باله من اللمعه الي هيبص عايز يشوف الفستان.. طيب الحبايه الي في ركبتي باينه صح ..والله يامرام هانم مافي حاجه باينه وكله هيتظبط في الصور ماتقلقيش كله هيبقي بروفيشنال.. اوك كملو انا جاهزه .

مرام : اول ما شافت مراد في اللوكشين اوووه مراد حبيبي ازيك اموووه.

مراد بزهق وبيبعدها عنه مش بيحبها اصلا بس هي لازقه له . من فضلكم ياجماعه كملو تصوير محتاج الكتالوج يخلص في اسرع وقت كملي تصوير يا مرام

نوران: عارف لو يسبوني عليها مش هيطلع منها حته سليمه مش هسيبها لحد يدفنها .. هدفنها بأيدي السمجه الثقيله دي .

نوران : بتشوف مراد في الاستوديو فرحت جدا. مراد ازيك اخبارك ايه اموواه امووواه .

مراد هاه يا نوران طمنيني ايه الاخبار .

نوران : لما نخلص اكيد هبلغك.

مرام :تفتكري قصده ايه بكلامه الي قاله يا نوران .

نوران: ايه ده انتي طلعتي ذكيه وبتجبيها وهي طايرة يا حبيبه قلبي .

مرام: يبقي معني كده اننا محسودين يعني واضحه اووي زي الشمس اهي اصلا كل البنات عنيهم علي مراد وعايزين يبعدونا عن بعض اكمن بقالنا فتره مرتبطين

نوران : مرتبطين من امته يعني مرتبطين احكيلي كده .

مرام : اسكتي احنا بيتقال خمس ايام في الاسبوع .

نوران : اه ياروحي بتشوفي خمس ايام عشان بتشوفيه في الشغل وانتو بتشتغلو سوا فا وضع طبيعي هتقابليه كتير عادي يعني هو ده ارتباط من وجهه نظرك .

مرام : لا طبعا بنروح مع بعض الحفلات والافتتاحات... نوران :اه ما انا ببقي معاكم .. مرام .. اوووف عليكي لا مش بس كده من وقت للتاني بيستضفني في البيت عنده عندك خبر بالموضوع ده ولا جديد وكل رساله ابعتهاله يرد عليها بجواب .. ومكالماتي بيرد عليها فورا .

نوران.. هههههه عشان هو ابن ناس محترمه بس وبيفهم في الذوق وبعدين حتي اذا كان بيرد علي التليفون مش معناها انه بيحبك لازم تبقي واعيه اكتر من كده شويه .

مرام : طيب لو زي ما بتقولي أن الي بيني وبينه مش حب تفتكري يكون ايه من وجهه نظرك بتسميه ايه .

نوران: عادي يا مرام ممكن نسميها نزوه عابره فراغ طيش بيحب يفصل من وقت للتاني غير كده لا .

اصلا مراد مش ممكن يرتبط بوحده الا واذا كان عارف انه هيكمل معاها مش يومين ويسبها .

مرام : اسمعي يا نوران اذا كنت انا بنفسي بقولك اننا مرتبطين وبنحب بعض يبقي احنا مرتبطين فعلا وخلص كلامي بعد اذنك .

نوران: والله انك غ*يه صحيح .

مراد :خلصت شغلك بدري يعني يا أنور.

انور:اه الحمدالله مشي الحال لكن جروب ميلانو معجبنيش.

مراد :اه من لاغيته.

انور: اووووه ..اوف عليك يا مراد شكلك متعصب النهارده .

مراد : اصلا اليوم النهارده لا يطاق مش كفايه القصص الي فوق راسي .. واحد من صحاب ابوك كلمه وطالب واسطه عشان يشغل بنت صاحبه عندنا كمساعده ليك يعني .

أنور: طيب وايه المشكله .

مراد : ابوها بيقول انه عايزها تتعلم الشغل لانها ماعندهاش فكره عن الحياة العمليه ... طيب ليه لا مش انت بتحب الناس الي بتحب الشغل العمليه .

مراد :مش قصدي حاجه انا كل الفكره اني مش بحب الوسايط في الشغل ومش بحب اعمل كده عندي ولا احب اتوسط لحد في شغل عند حد .