الحب الأعمى

الفصل الرابع :

تانى يوم

اسراء بتصحى على صوت حد بيصحيها

اسراء ب**ل ..يا ماما بس بقي انهاردة اجازة

رحمه بزعيق..قومى يا جزمه يا ندله.

اسراء بفرح ..صوت دة صوت رحمه انتي يا بت يا رحمه موجودة ولا دة حلم ولا ايه بظبط

رحمه بغيظ..طب فتحى عنيكي كدة

اسراء..ماشي ...رحمه حبيبتى وحشتيني اوووى

رحمة بعصبيه ..لو كنت وحشتك كونتي سالتى عليا

اسراء ببراءة..والله مشغوله فى المحاضرات ومش فاضيه متبهدله والله يا اختشي وبعدين دا انا غلبانه يعني هتبقي انتي والمحاضرات عليا

رحمه ..بت متعمليش عليا شغل الصعبنيات دا

اسراء وهي بتزغزغها ..خلاص بقا فكي كدا وخليكي فرفوشه

رحمه وهي بتضحك ..بس يا زفته بس

اسراء ..لما تقولي مسمحاكي يا سووو هسيبك

رحمه وهي بتضحك ..خلاص سماح المرادي يا ست سووو سبيني بقا

اسراء ..خلاص هرحمك صعبتي عليا ثم أكملت اسراء ..عامله ايه مع محمد

رحمه بتنهيدة تدل علي التعب ..هعمل ايه يعني يا اسراء اهو بدعي ربنا انه يكون بيحبني زي ما انا بحبه وانه يرزقني بيه بس فعلا بتعب كل ما بشوفه قدامي ونتعامل زي الاخوات

اسراء ..معلش اصبري وبعدين انا متاكده انه بيحبك ديه مش معملة اخوات خالص يا هبله

رحمه ..يارب يكون كلامك صح

اسراء ..ان شاء الله

رحمه وهي بتنزل نقابها ..همشي بقا علشان محمد مستنى تحت

اسراء بخضه..نعم محمد انهي فيهم اخوكي ولا التاني اكيد التاني ما انا عارفة مش بيسيبك لوحدك بس كونتي طلعتيه يا بنتي عيب كدا يعني حتي كونتي طلعتيه هو وخليكي انتي تحت.

رحمه وهي بتض*بها ..اتلمى يا بت واصلا دة محمد اخويا مش محمد اللي في دماغك .

اسراء ..خلاص يا ستي متزوقيش الله

رحمه ..سلام بقا علشان انتي هتجننيني

اسراء ..سلام ابقا اشوفك بكره فى الجامعة

رحمه..ماشي

قامت اسراء واغتسلت ثم هاتفت سيلفيا

اسراء ..الو يا مجنونتى

سيلفيا بعياط ..الو يا اسراء

اسراء بخضه..مالك يا قلبي فى ايه

سيلفيا بعياط..فى واحد هزقنى جامد يا اسراء وفضحني في النادي كله

اسراء ..ليه ايه اللي حصل

فلاش باك

سيلفيا كانت فى النادى وبتجيب عصير بتلف خبطت فى حد من غير ما تاخد بالها والعصير كله وقع علي التشيرت بتاعه

الشخص بعصبيه ..انتي مش بتشوفى

سيلفيا بزعيق..انت اللى جيت خبط فيا وانا بلف

الشخص بعصبيه ..انتي غ*يه اذا انتي اللى لفتى فجاة

سيلفيا بكبرياء ..على فكرة انت المفروض تعتذر مني انك دلقت العصير بتاعي وخبط فيا كمان

الشخص بزعيق .. انتي هبله يا بت ولا بتستعبطي انتي اللي خبطه فيا لا وكمان دلقه عليا العصير وبتقوليلي انا اللي اعتذر لا مش هعتذر وانتي المفروض تتصرفى فى تشيرت غير اللي انتي وقعتي عليه العصير علشان مينفعش انا امشي كدا في وسط النادي

سيلفيا باحتقار ..انت مغرور اوووى

الشخص بنفس الاحتقار ..وانتي بردو باردة اوووى وهبله جدا وتنكه اووي

النادى كله كان اتلم وسمع طبعا تهزيق الشخص دا لسيلفيا

وسيلفيا مكنتش عارفه تعمل ايه وكل الناس بتبصلها مستنين انها ترد عليه راحت ض*بته بالقلم قدام كل اللي في النادي الشخص فضل واقف متنح بعد ماسيلفيا ض*بته بالقلم و مشيت

الشخص في نفسه ..هد*كي القلم دة عشره وهتشوفى

انتهى الفلاش باك

اسراء ..ههههههههه يالهوى انا هموت ايه دة ض*بتيه

بالقلم يا مفتريه ههههههه لا مش قادرة.

سيلفيا بعصبيه..اة ض*بته وبطلى بقا بدل ماجى اض*بك انتي كمان

اسراء وهى بتكتم ضحكتها ..خلاص هبطل بس الواد مززز ولا ايه انا بس عايزة اطمن علي مستقبل صاحبتي .

سيلفيا ..الصراحه قمر شبه باريش اوووي

اسراء ..ايووووة بقا السناره غمزت

سيلفيا ..لا يا ختى لسه

اسراء .. طب هى البنت اللى معاه قمورة

سيلفيا بغيره ..لا وحشه ومسلوعه ومش حلوة خالص .

اسراء وهي بتضحك ..وبتقولى السنارة لسه مغمزتش لا ديه غمزت واصتادت كمان .

سيلفيا..خلاص اقفلى على الموضوع انتي بقا المززز بتاعك عمل ايه شوفتيه تانى .

اسراء سرحت وقعدت تفكر هى قد ايه هى مشدودة ليه بس نفضت الفكرة ديه من دماغها .

سيلفيا ..اسررررررررراء روحتى فين

اسراء بخضه..يخربيتك خضتيني

سيلفيا ..سرحتى يعنى لما جبت سرته

اسراء بتوتر ..مفيش سلام دلوقتى

وقفلت اسراء علي طول

عند احمد كان اقعد هو و صاحبه سيف

سيف باستغراب من حاله احمد ..مالك يا عم سرحان في ايه

احمد باستغراب من نفسه..مش عارف البنت اللى خبطت فيا فى الجامعة عنيها بتشدنى اوووى او كل حاجه فيها بتشدني مبطلتش افكر فيها لحظه كلمها ضحكتها لبسها المحتشم اللي مخليها ملكه وزعلت لما نورهان قالت انها خطبتي .

سيف وهو بيضحك ..يبقا بتحبها يا معلم وقعت ومحدش سماء عليك .

احمد وهو متعصب..لا اكيد انا مش بحبها انت عارف انى مش بؤمن بالحب من اول نظرة وديه انا مشوفتهاش غير مرتين بس هحبها ازاي

سيف ..انا متاكد انك بتحبها

احمد قام علشان يمشي ..بس يا سيف علشان شكلك بدأت تخرف انا ماشي يا عم.

سيف بصوت عالي ..هيجي يوم وهتقول سيف قال

احمد مشي وفضل يفكر فى اسراء وممكن يكون حبها فعلا بس اقنع نفسه انه مش بيحبها وان دا مجرد اعجاب وبس

روايه الحب الاعمى

للكتابه اسراء محمود