الحب الأعمى

الفصل الثاني :

تستيقظ بطلتنا على صوت الهاتف

ترن...ترن...ترن....

اسراء بصوت ناعس..الو.

رنا بعصبيه..انتي يا جزمه انتي لسه نايمه هنتاخر على المحاضرة .

اسراء بعد ما فاقت ..الواحد بيقول صباح الخير مش يدخل فجأة شمال ويقعد يزعق كدا حرام عليكي يا رنا اتقي الله فيا .

رنا بغيظ..خلاص يا ستى صباح الخير 10 دقايق وتكونى قدامى ولو مكونتيش قدامي يا اسراء بعد 10 دقايق هولع فيكي .

اسراء بصدمه ..10 دقايق ايه يا مجنونه هلحق انا البس واجهز نفسي في الوقت القصير دا قدامي مش اقل من نص ساعه .

رنا .. نص ساعه ايه .. مليش فيه اتصرفي وتكوني عندي في ربع ساعه .

اسراء بغيظ..ماشي .

قامت اسراء واتجهت نحو المرحاض واغتسلت وارتدت فستان من اللون الوردى وطرحه بيضاء وكانت مثل البدر نزلت تركض قبل انا توبخها رنا وصلت اسراء في وقت قصير امام منزل رنا .

رنا بعصبيه..كل دول 10 دقايق .

اسراء ..اعمل ايه يعني ما هو مفيش بني ادم طبيعي هيلبس وياخد دش ويجهز في عشر دقايق فكري بال*قل يا رنا .

رنا بعصبيه ..طيب امشي قدامي يا مصيبه حياتي وابتلاء ربنا ليا .

اسراء بغمزة..بذمتك مش احلي ابتلاء .

رنا ..اه ما انا عارفة ما هو ابتلاء حلو علشان يكفر كل ذنوبي قبل ما اموت .

اسراء باستفزاز..كلكم مش عارفين قمتي بكره تعرفوا قيمتي.

رنا ..طبعا اومال ...انا مستنيه بكره دا يجي .

اسراء ..شامه ريحة تريقه .

رنا ..طيب يا اختي امشي اخلصي هنتاخر.

اوقفت اسراء سيارة اجره وركبت هي ورنا وصلوا بعد قليل من الوقت امام الجامعه

اسراء بتوتر..يلا يا زفته هنتاخر .

بعد الجمله ديه اسراء اصتدمت ب حد.

اسراء بعصبيه ..انت اعمى .

الشخص بزعيق..انا بردو اللي كنت برغى وخبط فيكي .

اسراء بعصبيه ..اكلم باسلوب احسن من كدا ايه قله الادب ديه .

الشخص بعصبيه ..انتي مش محترمه علشان تكلمي بالصوت دا وبالطريقة ديه انتي مين علشان تعلي صوتك عليا .

كانت تهم اسراء بالرد ولكن اوقفها صوت رنا الغاضب

رنا بعصبيه ..اسراء كفايه يلا هنتاخر على المحاضرة .

نظرت اسراء الي الشخص الواقف أمامها باستحقار ..عارف لو مكانش فى محاضره وانا متاخره كونت عرفتك مين ديه اللى مش محترمه .

ومشيت هى ورنا

وقف الشخص مذبهل كيف لهذة الفاتنه يخرج منها هذا الكلام .

بعد ماخلصت المحاضرة عند اسراء وصحابها

سيلفيا.. مالك شكلك مدايق.

اسراء بعصبيه ..اصل واحد غ*ي خبط فيا وانا داخله الجامعه الصبح وكمان بيبجح .

رنا باستفزاز ..هو اللى خبط فيكي بردو انتي اللى خبطى فيه يا شيخه اتقي الله .

اسراء بعصبيه ..هو انتي معاه ولا معايا .

رنا ..لا مع الحق .

سيلفيا ..خلاص يا جماعه متزعليش يا سو هروح اجبلك شوكلاته .

اسراء بطفوليه..هيييييه .

رنا ..والله طفله.

اسراء ..ملكيش دعوه .

قطع كلامهم صوت رنين هاتف اسراء .

اسراء..الو يامريم .

مريم بدموع ..الحقيني يا اسراء .

اسراء بخوف..مالك يامريم .

مريم.. تعالى بسرعه وانا هحكيلك.

ركضت اسراء وأصدقائها نحو كليه هندسه عند مريم .

اسراء بخوف .. مالك يا مريم في ايه .

مريم بدموع ..وانا قعده فى المحاضرة جالى تليفون وانا كنت نسيت اقفل الموبيل فادكتور هزقنى قدام كل صحابي وانا عندت معاه و رديت علي التيليفون راح طردني برا و قالى انه هيرفدنى من الكليه .

اسراء ..طيب خلاص انا هتصرف .

سيلفيا..هو مين الحيوان اللى اتصل عليكي فى المحاضرة .

مريم بدموع ..مينا .

اسراء باستحقار..طبعا هو فى غيره بارد وحيوان.

مريم ..متقوليش عليه كدا يا اسراء دا طيب .

اسراء بعصبيه .. خلاص طيب لنفسه انا هتصل بابراهيم اكيد يعرف حد يساعدنا .

مريم ..بسرعه يا اسراء ارجوكي.

اسراء ..الو .

ابراهيم ببرود..نعم .

اسراء بغضب ..هو انت دايما بارد كدة .

ابراهيم باستفزاز ..وانتي مالك ..قولي عايزة ايه واخلصي.

اسراء .. طيب بص مش فاضيه للكلام معاك انا عايزاك فى خدمة.

ابراهيم ..والله كنت عارف انتي مش بتتصلي كدا غير لو عايزة حاجه قولي اشجيني انا سمعك .

اسراء .. طيب بص .....وحكت كل حاجه لابراهيم

ابراهيم..بصى روحى لواحد صاحبى فى كليه هندسه مع مريم اسمه احمد حسني وهو هيساعدك .

اسراء ..ماشي سلام .

وأغلقت اسراء مع ابراهيم واتجهت نحو المدرج وهناك سألت على احمد وعرفت مكانه وصلت الي المدرج وجدت شاب يجلس ويعطيها ظهره .

اسراء ..حضرتك احمد حسني

احمد وهو بيلف ..ايوه.

اسراء بصدمه ..هو انت .

احمد بصدمه.. انتى .

استنوا الفصل اللى جاي و ياريت تتفاعلوا وتقولوا رايكم ❤

روايه الحب الاعمى

للكاتبه اسراء محمود