الحب الأعمى

الفصل العاشر

اسراء روحت وخدت معاد مع باباها ل احمد وهو وافق انه يقا**ه بعد ما يرجعوا من الرحله

يوم الرحله اسراء لبست ونزلت علشان احمد مستنى تحت وكانت لبسه فستان وردي علشان هى بتحب الون الوردى اوووى

احمد..ايه القمر ده

اسراء ب**وف ..بلاش الكلام ده علشان مزعلش منك

احمد .. اوووف خلاص ماشي يلا نركب الاتوبيس

وراحوا الجامعه وكلوا ركب الاتوبيس

اسراء كانت متفقه مع مريم انها هتقعد جمبها بس لما طلعت لقت يوسف اقاعد جمب مريم اترددت تقعد جمب احمد ولا لا وبعدين اقعدت طول الطريق مفيش كلام لحد ما احمد حس ان فى حاجه على كتفه لقا اسراء نايمه على كتفه وشكلها طفولي اووي فضل يبصلها ويضحك

احمد قعد يبصلها لحد مقربوا يوصلوا.

احمد ..اسراء اسراء

اسراء ..بس بقا يا ماما سبيني شويه انام

احمد وهو ميت من الضحك ..انا احمد مش ماما .

اسراء قامت مفزوعه ..انا اسفه انى نمت على كتفك والله مكانش قصدي انا نمت غصب عني

احمد ..ياريت تنامى عليه علي طول

اسراء .ات**فت ..ومردتش عليه

وصلوا اخيرا وراحوا الفندق

اسراء ومريم فى اوضه ، واحمد ويوسف فى اوضه

اسراء ..مريم ايه حكايه يوسف ملاحظه انكم بتخرجوا كتير سوا وأنهاردة كونتوا قريبين اووي من بعض وضحكتك مفرقتش وشك ابدا

مريم بهيام ..مش عارفه كتير اوووى ببقا عايزه اقرب منه دايما ولما بيبعد عني او منكلمش لفتره ببقا مخنوقه ومضايقه حتى لما قالى بحبك حسيت احساس غريب محستهوش مع مينا مش عارفه اللى انا فيه ده ايه بس مبسوطه .

اسراء ..دة اسمه حب يا مريم ملهوش تفسير تاني

مريم بسرعه ..لا ده مش حب ولا ممكن احب تاني بعد تجربتي الاخيره ديه

اسراء ..هتيجى في مرة وهتقولى اسراء قالت بس بلاش تضيعيه من ايدك وافهمى شعورك نحيتوا بسرعه

عند الشباب

يوسف ..احمد مالك سرحان في ايه

احمد ..بحب ونفسي السنه تخلص علشان اجوز حبيبتى بقا .

يوسف ..ياااه انت مدلوق اووي

احمد ..زيك يا اخويا

يوسف .. عندك حق انا كمان نفسي مريم تحس بيا انا بحبها اووى وخايف تضيع مني وساعتها ممكن يحصلي حاجه فعلا

احمد ..لا ان شاء الله هتكون من نصيبك انت ادعي بس كتير انها تكون من نصيبك

يوسف ..والله بدعي كتير

عدي 5 أيام وكانوا احلى خمس ايام قدتهم اسراء واحمد خروج و***ب وهزار ورومانسيه

انما مريم كانت بدأت تفهم مشاعرها ناحيه يوسف مع كل يوم هي بتقرب فيه ليه

جه اليوم السادس

اسراء ومريم وكانو بيلعبوا "volley ball" والشباب جم لعبوا معاهم

بعد كدا مريم حبت تتمشي لوحدها شويه علشان تفكر في علاقتها بيوسف وهى ماشيه خبطت فى واحد

مريم ..انا اسفه

مينا ..ايه دا مريم

مريم وهي بتتحرك..مينا لو سمحت عديني وبلاش تقرب مني

مينا وهو يمسكها من ذراعها ويقربها منه..لا يا مريم انا بحبك اوووى وماقدرش ابعد عنك

مريم .. انا كمان بقيت ......

ولسه هتكمل لقت يوسف ماسك ايديها .

يوسف بعصبيه..ليه عملتى كدا فيا عشمتيني و في الاخر غدرتي بيا ورجعتي ليه تاني حببتيني فيكي ليه طالما انتي لسه بتحبيه وعايزة ترجعيلوا وجيتي هنا علشان تقابليه ل اول مره احس اني مغفل اووي حرام عليكى اللي انتي عملتيه فيا يا مريم .

مريم بدموع..افهمني الاول يا يوسف متحكمش من غير ما تسمع مني

يوسف ..مش عايز اسمع منك حاجه انا خلاص سمعت بما فيه الكفايه

مينا وهو بيبعد يوسف عن مريم ..حاسب متمسكش ايد خطبتى انت مين اصلا

يوسف ..انا هعرفك انا مين يا ابن *****

وض*به يوسف بالبو** وفضل يض*ب فيه لحد ماخلاص كان هيموت فى ايديه .

مريم بانهيار ..خلاص كفايه .

يوسف بعصبيه ..طبعا خايفه عليه انتي انسانه حقيرة وتستاهلى كل اللى بيحصلك دا .

وسبها ومشي

فضلت مريم تعيط وروحت الفندق وهي منهاره

اول ما اسراء فتحت الباب لقت مريم منهاره وشها مصفر

مريم بانهيار..ليه كدا يا يوسف انا كنت خلاص حبيتك وبعد الجمله ديه اغمى عليها .

اسراء ...مريم ردي عليا يا مريم

اسراء حولت تفوقها لكن مش بتفوق اتصلت على احمد وراحو المستشفى

الدكتور ..عندها انهيار عصبي ولازم تاخد الادويه ديه وتبعدوا عنها اي حاجه ممكن تزعلها.

اسراء ..ماشي

ودخلت تشوف مريم لقتها بتعيط اول ما دخلت اسراء مريم اترمت فى حضنها لحد ماهديت خالص و نامت تانى يوم خرجوا من المستشفى وراحوا على الفندق وبعد كدا رجعوا القاهرة .

عند سيلفيا فى البيت

ماركو ..احنا لازم نجوز بسرعه

سيلفيا ..بس انا لسه مش مستعده دلوقتى غير كدا انا لسه بدرس يا ماركو

ماركو ..طب كملى درستك فى بيتى وانا هساعدك .

سيلفيا ..طيب افكر

ماركو ..لا قولي دلوقتي

سيلفيا..اوك موافقه

سيلفيا علشان بتحبه وافقت و حددت الفرح فى اجازة نص السنه .

عند رنا وسيف

رنا ..الو يا سيف برن عليك مش بترد ليه

سيف بتعب ..انا نايم فى السرير ومش قادر وحرارتى عاليا .

رنا ..مامتك موجودة

سيف ..اة وهى بتعملى كمادات مايه ساقعه متخافيش

رنا. . الف سلامه عليك يا حبيبي

سيف بفرح ..انتى قولتى ايه

رنا وقد ادركت ..قولت الف سلامه عليك

سيف ..لا انتى قولتى يا حبيبي صح

رنا..ايه مش سمعاك الشبكه بتقطع سلام يا سيف سلام

قفلت رنا فى وشه السكه

عند رحمه

كانت مضايقه من محمد انه مشي المره إللى فاتت ومقعدش معاها

مامتها غصبت عليها تروح معاها عند خالها ولما راحت قبلت محمد

محمد ..ازيك يا رحمه

رحمه ..الحمد لله انت عامل ايه

محمد ..يهمك اووى يعنى

رحمه ..طبعا مش ابن خالى واخويا

محمد ..ماشي يارحمه براحتك

وسبها ومشي ومجاش تانى طول اليوم رحمه اضيقيت جدا انه مجاش

اسراء بتكلم احمد

احمد ..حبيبتى وحشتينى

اسراء ..احمد انا قولت بلاش الكلام دة لحد مانكتب الكتاب

احمد ..خلاص بلاش خطوبه وخليها كتب كتاب على طول

اسراء ..لا مينفعش يا احمد خلاص الخطوبه فاضل عليها 3 ايام

احمد ..انا نفسي تكون بكرا لا بكرا ايه خليها دلوقتى نجى نعملها بالبيجامه

اسراء ميته من الضحك ..لا انت مجنون

احمد بحب ..مجنون بيكي

اسراء وهى بتتهرب منه..طب سلام دلوقتى ماما بتنادى عليا

احمد ..ماشي هسيبك تهربي براحتك سلام

وقفلوا مع بعض وكل واحد بيفكر فى التانى ام عند مريم فا هى مش مبطله عياط علشان هى حبته فعلا ونفسها تكلمه بس كرامتها فوق كل شئ .

استنو الفصل اللى جي من روايه الحب الاعمى .

للكاتبه اسراء محمود