الحب الأعمى

الفصل السابع عشر

رواية الحب الاعمى

الفصل 17

جه ادم وخد اسراء من البيوتى سنتر كانت اسراء في عالم تاني ..عالم كانت هي عايشه فيه مع احمد عالم مكانش فيه غير الحب وبس عالم مكانش فيه حساب او قوانين لاي حاجه بتعملها ...فجأه حست اسراء انها بتنتقم من نفسها مش من احمد بس ...لكن فات الأوان فاقت علي ايد رحمه اللي بتقولها فوقي الناس بدأت تلاحظ ابتسمت اسراء ابتسامه تحمل كل معاني الوجع والحزن دخلت القاعه وافتكرت اليوم اللي دخلت في القاعه ديه مع احمد

عند الشله

رحمه ..اسراء ندمانه ..وفي نفس الوقت مقهوره .

مريم ..اللي مرت بيه صعب بس هي لازم تفوق وتعيش حياتها وممكن ادم يكون فعلا الشخص المناسب ليها .

سيلفيا..بس اسراء كان لازم تدي احمد فرصه يكلم يدفاع عن نفسه كان المفروض تسامح الحب ممكن يعدي اي حاجه ولو احمد فعلا كان بيلعب بيها زي ما هي فاكره مكانش هيهمه زعلها او مكانش هيهتم انه يبرر ليها موقفه .

رنا ..صح انا مع سيلفيا في دا اسراء كمان غلطت لما مسمعتش احمد .

رحمه..خلاص منك ليها فات الأوان اننا نقول الكلام دا ليها ولو هي سمعته ضميرها هيانبها اكتر .

مريم ..انا هقوم افرفشها شويه.

رحمه..اشطا .

قامت مريم واتجهت عند المسرح وخدت الميكرفون وبدات تغنى

اغنيه " مين دة اللى نسيك" لنانسي عجرم:

وفنفس اللحظه اللى احمد دخل فيها القاعه وكان الاغنيه مقصوده لاحمد واسراء

كان بيسمعوا كلمات الاغنيه وهما بيبصوا لبعض

مريم ..مين دا اللى نسيك تعرف لو قلبي بيكلم كان رد عليك مين دا اللى نسيك قبل مانتعاتب طب سلم الله يخليك واعمل لك ايه بقول هنسي ومابنساش ليه هواك لسه انا عايشه عليه ومش حاسه انانا هقدر اعيش من غير لو عدو سنين قلبي محلفنى انى ما اكمل غير وانا وياك تعرف لومين قساني عليك مهما هيعمل انا مش هنساك اعملك ايه بقول هنسي ومابنسأش ليه هواك لسه انا عايشه عليه ومش حاسه انانا هقدر اعيش غير بيه

اول ما الاغنيه خلصت اتجه احمد ناحيه اسراء ولكن اوقفه سيف

سيف ..رايح فين يا صاحبي اهدي كدا وبلاش فضايح

احمد ..متخافش يا سيف مش هعمل حاجه انا هبارك ليها وهمشي هي خلاص حكمت علي قصتنا انها تنتهي لحد كدا وحكمت ان كل واحد فينا يشوف حياته وهي راحت وشافت حياتها جه دوري اني ابركلها .

سيف ..ملهوش لازمه يا صاحبي .

احمد ..لا ليها يا سيف .

ابتعد احمد عن سيف واقترب من اسراء

احمد ببتسامه..مب**ك يا انسه اسراء

اسراء بتوتر ..الله يبارك فيك عقبالك ..احب اعرفك..دة ادم خطيبي ودا يا ادم احمد صاحب ابن خالى ومتربى معانا ويعتبر زي اخويا بظبط

احمد ..بغيظ مب**ك يا استاذ ادم

ادم بشك..متشكر جدا لحضرتك.

ابتعد احمد واتجه نحو سيلفيا واعطها شئ وذهب

جت سيلفيا لاسراء

سيلفيا بهمس..احمد سابلك الورقه ديه

اسراء ببتسامه ..عن اذنك يا ادم هروح اشوف الميكيب وجايه بسرعه .

ادم ..ماشي يا حبيبتي .

اتجهت اسراء الي الحمام وفتحت الورقه

( مب**ك يا اسراء ...مبسوطه دلوقتي انتقمتي صح عرفتي توجعيني كويس ...موتيني بس ببطء .. كونت بتمني الموت من ربنا كل يوم ولا اني اشوفك مع غيري ربنا يسعدك يا حبيبتي حتي لو سعادتك مكانتش معايا )

اسراء كانت بتقرا وهى دموعها نزله خدها بعد فتره غسلت وشها وظبطت الميكيب وخرجت بس وهي خارجه سمعت بدون قصد صوت سيف وهو بيتكلم في التيليفون اقتربت اسراء منه وكانت الصدمه

سيف ..الو

المتصل ..اهلا بحضرتك ..حضرتك تعرف صاحب الرقم دا

سيف ..ايوة في حاجه احمد حصله حاجه

الشخص ..صاحب التليفون دا عمل حادثه واحنا حاليا هننقله علي مستشفى ***

سيف بصدمه ودموع ..احمد . ..مستحيل

اسراء سمعت الاسم جريت على سيف بدون تردد

اسراء بقلق وصوت عالي خلاء كل اللي موجودين يبصوا نحياتهم..احمد ماله وانت بتعيط ليه رد عليا احمد حصله ايه

سيف بدموع .. عايزة تعرفي احمد حصله ايه ...بصفتك ايه يا اسراء ...حبيبته القديمه ...اللي الانتقام لكرامتها عماء قلبها...اللي خافت تسمعه لتطلع ظلمته.. ولا اللي حبة تعيش دور المظلومه واللي الناس دايما جايين عليها.. احمد عمل حادثه بعد ما خرج من هنا ...ودلوقتي بيتنقل للمستشفي والله أعلم حالته ايه ...وكل دا علشان ايه ..علشان الحب ...يلعن الحب اللي يوصل صاحبه للموت يا شيخه...انتي السبب يا اسراء وعمري ما هسامحك لو حصل لاحمد حاجه .

اسراء بدموع ... لا..مستحيل ...احمد مش هيموت...

..لا يا سيف احمد هيعيش صح هيعيش مش بسهوله ديه قصتنا هتنتهي .

سيلفيا ..اهدي يا اسراء ويلا نتحرك علي المستشفي .

اسراء ..ايوة يلا

طول الطريق واسراء بتفتكر في احمد وكل حاجه كانوا بيعملوها سوا وافتكرت كلمته انتي لو سبتينى هموت

اول ما وصلت جريت عند الاستقبال

اسراء ..لوسمحت فيه مريض هنا اسمه احمد حسني

الشخص ..ايوة يا فندم بس هو لسه فى العمليات الدور التالت

اسراء جريت على فوق لقت والدة احمد واقفه وبتعيط جريت اسراء عليها

اسراء بعياط ..احمد عامل ايه هو كويس صح حد من الدكاتره طمنك يا طنط

والدة احمد ..محدش قالي حاجه يا بنتي ... احمد من حبه فيكي مقدرش يستحمل يشوفك مع غيره احمد بيحبك اووي وعمره ما ي**نك يا بنتي لما ان شاء الله تعدي الازمه ديه اوعديني ساعتها انك مش هتسيبيه تاني

اسراء بدموع ..وعد بس هو يقوم .

عدي 3 ساعات ومحدش خرج

اسراء بقلق .. لا كدة كتير هما اتاخروا ليه كل دا

قطع كلامها لما شافت نورهان جايه منهاره

اسراء بعصبيه..انتي ايه اللى جايبك هنا

نورهان بدموع ..اسمعينى الاول احمد مخانكيش

اسراء ..ازاي انا شوفتكم بعيني .

نورهان ..كل اللي شوفتيه كدب وانا اللي كونت مخططه ليه .

اسراء ..نعم .

نورهان ..ايوة يا اسراء و.....

وحكت نورهان كل حاجه حصلت في اليوم دا

نورهان ..عملت كل دا علشان اوصله بس بردو حبك فضل في قلبه لحد دلوقتي

اسراء ..اخرجى برا انتي اللى وصلتينا لكدة حرام عليكى انتي ايه مفيش في قلبك رحمه

نورهان ..اسراء انا ندمت ارجوكي سامحيني .

اسراء ..اسامحك علي ايه انك وصلتينا لكل دا وادي احمد في الاخر مرمي بين الحياه الموت.

نورهان ..انا متاكده انه هيقوم علشانك احمد عمره ما استسلم

اسراء ..امشي بعيد عني يا نورهان وابعدي عننا نهائي .

نورهان ..حاضر

خرج الدكتور في الوقت دا واسراء جريت علشان تطمن علي احمد

اسراء ..ها يا دكتور احمد عامل ايه

الدكتور ..انتي مراته

اسراء ..لا خاطبته

الدكتور ..هو الحمد لله مفيش حاجه خطيرة بس هو دخل فى غيبوبه ومنعرفش هيفوق منها امتى

اسراء بصدمه ..غيبوبه .

الدكتور ..ايوة ومفيش سبب مقنع لحالته ديه لان كل اجهازه جسمه كويسه مفيش غير شويه **ور وبس لكن في سبب أكبر مخليه رافض فكره انه يرجع للحياه تاني .

اسراء ..انا لازم اشوفه احمد مش هيفوق غير لما يحس بيا

دكتور ..تمام ممكن بس 5 دقايق بس

اسراء ..موافقه

دخلت اسراء الغرفه وهي مصدومه لما لقته متوصل باجهزة كتير ورجليه مجبسه وشه فيه كدمات كتير

اسراء بدموع ..حبيبي قوم انا جمبك قوم يلا علشان نجوز ونسافر تركيا ونعمل فرح كبير اوي وخلاص انا مش هسيبك تاني وعمري ما هقرر الغلط اللي حصل دا ارجوك اوعي تسبني او تعاقبني بالشكل دا وباسته من ايديه وجت تخرج ضغط علي ايديها

اسراء ..احمد ...انت فوقت

احمد بتعب ..اسراء...انتي هنا

اسراء ..ايوة هنا يا حبيبي ومش هسيبك ابدا

احمد ..انا مخونتكيش ..انا بحبك اووى خليكى معايا

اسراء ..هشششش خلاص ريح نفسك لحد ما الدكتور يجي ويفحصك

دخل الدكتور وبدا يعمل فحوصات لاحمد ..كدة تمام تقدر تتنقل اوضه عاديه حمد لله على سلامتك

اسراء ..الله يسلمك يا دكتور

اتنقل احمد اوضه عاديه وحالته اتحسنت واسراء مش بتسيبه للحظه من ساعه ما خف .

استنوا الفصل اللى جاى من روايه الحب الاعمى

للكاتبه اسراء محمود