الحب الأعمى

الفصل الثامن عشر

رواية الحب الاعمى

الفصل18

اسراء كانت فى اوضه احمد فى المستشفي وكانت بتجهز هدومه واحمد متابعها بنظراته

اسراء ..انت بتبصلى كدة ليه

احمد ..علشان مش مصدق انك معايا ...مش مصدق انك مسمحاني ..مش مصدق انك خلاص سبتي ادم ورجعتيلي انا بحبك اووى

اسراء ..المهم انى معاك دلوقتي اي حاجه حصلت قبل كدا هننسها وهنعمل مستقبل جديد ليا انا وانت وبس المهم الفترة ديه اقعد فى البيت ومتتحركش علشان رجلك وبعد كدا كله هيبقا تمام

احمد ..انا تحت امرك يا فندم المهم انك تفضلي راضيه عني

اسراء ..هههه يا سيدي راضيه.

قطعه كلامهم صوت طرق علي الباب سمحت اسراء بالدخول وكان ادم .

ادم..اسف لو جيت في معاد مش مناسب بس حبيت اجي اشوفك حتي لو انت مش هتقبل الزياره ديه ...المهم الف سلامه عليك.

احمد بقتضاب ..الله يسلمك .

ادم ..احم ممكن يا اسراء نكلم لوحدنا شويه .

بصت اسراء لاحمد برجاء انها تكلمه وبعدين خرجت معاه .

لسه اسراء هتكلم قطعها ادم .

ادم ..بصي يا اسراء انا عرفت كل حاجه عرفت قصتك انتي واحمد وعرفت انك محبتنيش انا كنت ملاحظ دا ومش بعاتبك الحب مش بأيدينا احنا مش بنختار نحب مين ونكره مين قلبنا هو اللي بيختار وانا مش زعلان منك و متخافيش انا جي اقولك كل شئ قسمه ونصيب .

اسراء ..ادم انا مش عارفه اشكرك انك فهمتني ازاي بس بجد شكرا انك قدرت مشاعري وكل حاجه انت جبتها هتوصلك مع بابا ان شاء الله .

ادم .. متشكرنيش يا اسراء واكيد دا خير ليا وليكي وانا نصيبي لسه مجاش ...المهم لو احتاجتيني في أي حاجه كلميني انا دايما هكون في ضهرك .

اسراء ..ربنا يخليك يا ادم.

ادم ..مع سلامه يا اسراء اشوف وشك بخير .

اسراء ..سلام .

خرج ادم من المستشفي بس وهو خارج خبط في واحده.

ادم ..متأسف جدا .

نورهان ..انا اللي متاسفه كونت متوتره بس شويه .

ادم ..انا شوفتك من كام يوم ساعة حادثه احمد كونتي بتعيطي صح .

نورهان بتوتر ..حضرتك خطيب اسراء .

ادم ..انا ادم ..واه كونت خطيب اسراء ..انتي بقا مين.

نورهان ..انا نورهان بنت خالة احمد وسبب المشاكل اللي حصلت بين احمد واسراء .

ادم ..المهم انهم دلوقتي رجعوا لبعض تاني وهما مع الوقت هيسامحوكي .

نورهان ..تفتكر .

ادم..جدا .

نورهان ..يعني مطلعش دلوقتي اطلب منهم يسامحوني.

ادم..بلاش لسه الجرح ملمش وساعتها هتسمعى كلام منهم هيضايقك ويضايقهم تعالى اوصلك البيت وقت تانى ابقي روحى واطلبي منهم السماح .

نورهان.. تمام .

ركبت معاه نورهان العربيه وادم بدا يسوق بس جواه شعور غريب بأنه حاسس انه مسؤول عنها او عايز يحميها حتى من كلام بسيط ممكن تسمعه.

عند سيلفيا وماركو

سيلفيا روحت من المستشفي ودخلت على الحمام تاخد دش

في الوقت دا ماركو روح البيت وسمع صوت المايه وعرف ان سيلفيا في الحمام قلع قميصه ورماه علي السرير في الوقت دا سمع صوت باب الحمام ببتفتح وبتخرج سيلفيا وهي لفه الفوطه بس علي جسمها

اول ماشافها ماركو فضل واقف مكانه فى الاوضه متنح من جمالها

سيلفيا برتباك ..انا اسفه بببس مكنتش اعرف انك هنا

ماركو وهو بيقرب منها بهدوء ..هششش متعتذريش .

سيلفيا ..طيب ممكن تخرج برا لحد ما البس .

ماركو ..لا مش هخرج .

سيلفيا ..ليه .

ماركو ..مش قادر اكمل في الانتقام دا انا بنتقم من نفسي قبل ما انتقم منك تعبان وانا شايفك معايا في نفس البيت بس بعيده مش عارف المسك او اخدك في حضني دا مخليني حاسس اني عاجز تعبت من الانتقام يا سيلفيا وخلاص مش قادر اكمل ..انا بحبك ارجوكي سامحيني

سيلفيا بدموع .. انت اللي عملت فينا كدا انا حبيتك اه ممكن جيت علي كرامتك شويه بس في الاخر اعتذرت ذنبي ايه ان يحصلي كل دا علشان قلم انت عارف انت عملت فيا ايه انت **رتني دوست عليا وعلي قلبي بكل قوتك .

ماركو..عارف اني جيت عليكي كتير بس انا عارف بردو إن قلبك طيب وهتديني فرصه تانيه نكمل بيها مع بعض ارجوكي يا سيلفيا

سيلفيا بعد تفكير ..خلاص انا مسمحاك بس مش هقبل تاني يا ماركو انك تيجي علي كرامتي

ماركو ..ولا انا هسمح بده يحصل تاني .

سيلفيا ..تمام.

اقترب ماركو منها بهدوء وقبلها بحب وشوق بدلته سيلفيا هذه المشاعر بلهفه وخجل واصبحت سيلفيا زوجة ماركو

ام مريم عند مريم

جه يوسف واتقدم لمريم وحددوا معاد الخطوبه كمان يومين

ام عن المجانين رنا وسيف فاتفق سيف انه هيعمل كتب كتاب على طول ويعمل الفرح مع بقيت الشله

ام عن توم جيري قصدى رحمه ومحمد فادول عملوا خطوبه على ضيق وهيعملوا الفرح اول مايخلصوا دراسة

ام عند العشاق احمد واسراء

احمد ..اسراء ايه رايك نعمل كتب كتاب علشان نعرف نكلم براحتنا

اسراء ..بس انا خايفه يحصل مشكله تاني ونطلق

احمد ..متخافيش انا عمرى ماهسيبك تاني تضيعي من ايدي

اسراء بخجل .. خلاص شوف راى بابا

احمد ..تمام ونعمل الفرح كلنا مع بعض انا وانتي وسيف ورنا ورحمه ومحمد ومريم ويوسف

اسراء ..تمام بس عندي طلب .

احمد ..ايه قولي.

اسراء ..احمد ممكن تشتري الشقه فنفس بيت سيلفيا هى العماره بتاعتهم لسه جديده وفيها شقق كتير فاضيه وانا عايزة مابعدش عنهم

احمد ..ماشي والباقي

اسراء ..انا اتفقت مع الكل والكل وافق

احمد ..ماشي تمام

جه يوم كتب الكتاب وتم عقد قرآن اسراء واحمد وسيف ورنا ورحمه ومحمد

وتم خطبت مريم ويوسف وبدأت الدراسة وقربت الامتحانات والكل مشغول فى تجهيز الشقق وحجز القاعه والفساتين غير طبعا دراستهم

استنوا الفصل إللى جى من رواية الحب الاعمى

للكاتبة اسراء محمود